يُدمى قلبي بغــيد#اكتملت

بـ٢٧

تحركت غيد صوب الكلاس، مجهزه نفسها لتهزيء والهواش من اول الدوام لما دخلت تفاجأت ان غيد ماتكلمت ولا قالتلها تعالي اعتذري ولا شيء فقررت انها تنفذ كلام اوس وهنيه رفعت ايدها تستأذن غيد عشان تتكلم

غيد : تفضلي مغاني
مغاني : انا بس كنت بعتذر عن اللي صار امس ماكان لازم اتعدى حدودي واتعدى ع القوانين اللي حاطتنها الدكتوره والجامعه كانت لحظة انفعال وماحسيت بنفسي واسفه لكم جميع
غيد مصدومه : شكرا اعتذارك مقبول تفضلي

هالكلمتين كانوا صادمين لغيد لكن يعنولها الكثير خصوص انها ماغصبت مغاني عليهم ولا هزأتها وكانت مبادره منها وهذا لللي خلاها تستانس فيهم وترضى

بدأ الكلاس لكن هالمره بحضور ريما اللي سمعت زين عن غيد وقوانينها وكانت ملتزمه عشان ما ينمسك عليها حرف واحد ، جات ع الوقت ومنتبهه للكلاس ، اللي يميز ريما انها كانت شاطره وهالشيء خلاها تلقط الجو والماده ع طول وصعب المهمه ع غيد انها تحشرلها

ريما : ممكن ادخل جروبكم ؟
اوس : ياليل مطولك الحين من قل جروبات الكلاس ؟
ريما : كلهم كاملين باقي جروبكم بس
غيد : ريما انتي مع اوس ومريم ومغاني ثبتي
اوس : دشي يلعن ابو الساعه دشي
ريما : بخلص شغلي وبس لاتحاتين
اوس : طبعا خلني اشوفك مسويه زود اغسل شراعك
مريم : خلاص بس اسكتوا
ريما : عطوني جزئيتي عشان اشتغل عليها
اوس : خلنا نقراه اول نلحق اعوذ بالله من اولها
ريما : لانك مب طايقتني خلاص خ نخلص عشان نقلل كلامنا مع بعض
اوس : صدقيني لا خلصنا قارين انا بعطيك اول فقره عشان نفتك منك
مغاني : خلاص ماله داعي غيد تحرجنا قدام الكل اقروا وقسموا بعدها كل واحد يشوف شغله
اوس : تمام تمام

بدأ الكل يقرأ وبعدها قسموا الشغل والوضع فجروب مغاني ماكان يسر ولا يبشر بخير الشرار بعيونهم ولو حد ينطق حرف كأنه يحكم على نفسه بالاعدام الكل يهب فيه وياكله بمليون كلمه فالثانيه

خلص الكلاس وكل حد راح فزاويه لكن ريما كانت مصره تزيد من كلامها مع مغاني فجلست تطلب منها شرح وهي اكثر وحده فاهمه ولا تحتاج من مغاني او حتى من غيد اعادة

غيد : ريما اذا فيه سؤال الافضل وجهيه لي عشان الجواب يكون وافي
مغاني : انا بعد اشوف جي افضل هي تشرحلك
ريما : لا خلاص فهمت النقطه هو بس معنى كلمه
غيد : تمام الحمدالله
ريما تطلع : بتتغدين ؟ ولا
مغاني : لا مابا شكرا
ريما تروح : تمام على خير
غيد : وتقوليلي انا مب خيار ؟ هذا قدامك استوينا خيارات لحضرة جنابك
مغاني : لا تكلميني كني مستقصده اسوي هالشيء ترا ماتوقعت ريما تجي ولا انتي تعترفين لي شسوي ترا حالي مب احسن عنك
غيد : لا تضحكيني دخيل الله حالك اريح واحسن بوايد ما تصيحين ليلك اللي اعرفه المهم سيري تغدي وياها
مغاني : بتغدا وياك
غيد : هذي طبطبة ع الجراح ولا شو بالضبط؟
مغاني : لا انا ابا نتغدا امشي مره وحده نروح البيت
غيد : عندي كلاس بعدين
مغاني : طيب بنتظرك بعدها نتغدا
غيد : سيري كلي ماله داعي تنتظريني وبعدها خذي السياره لو تبين برد ف اوبر
مغاني : خلصي كلاسك وانا عند البريك روم
غيد : تمام - ما تهتم -