يُدمى قلبي بغــيد#اكتملت

بـ٩

Twitter: kaii90_
* لو بتكلموني لو سمحتوا ع تويتر دايركت الواتباد معلق *

صباح يوم جديد، غيد صحت وهي ما زالت تفكر بموضوع ريما ومغاني والمشاكل اللي صايره .. كانت تحاول تعرف ايش ورا مغاني لكن فضول غيد ممكن ياخذها لأماكن م ترغب فيها

اما عن مغاني فكانت قايمه وشر الدنيا براسها من الصبح تفكر بريما واللي سوته مغاني ومريم اللي للحين تحت رحمة اوس وعراقيلها اللي ما خلصت ومازالت تزيد

( الصاله / طاولة الطعام )

غيد تجي : صباح الخير
مغاني : ..
غيد: ترا الناس ترد صباح النور يعني
مغاني : وانا مابا ارد
غيد : ليش عاد ؟ شو هالنفسيه الخايسه من الصبح؟
مغاني : غيد ترا انا ماحب حد يغلط علي ويسوي فيها مينون عقبها
غيد تضحك : الحين انتي تطلبين الشيء وعقب تزعلين؟ ولا كنتي تنتظرين مني محايل ولا خلك بليز ولاتنزلين وانا اسفه؟
مغاني : انتي عارفه زين ان هذا مب اللي اقصده انا اتكلم عن فضولك العجيب وضغطك ع مريم لي اصلا تعبانه وطايحه
غيد : انا ماعرف الصدق ليش تشخصنون السالفه انا ترا اسأل بس
مغاني : انتي ماخذه وضعية العمه لو تبين تعرفين ! مثل الثالول الناشب ما يروح ابدًا
غيد : اوله ثالول مره وحده ؟
مغاني : هيه لأنك داخله فكل جزء من حياتي حياة مريم وبس تبين تعرفين تعرفين وليش يعني ؟ مافي سبب بس فضول وهذا مزعج
غيد : ترا على فكره انا ما سألت الا بعد ما انضربتي لان كنت احاتي جدتي المسكينه فاقده لها ولدين ماباها تخسرك لان واضح شكثر تحبك
مغاني : اها الحين صار عشان جدتي ؟ قبل قلتي لمريم انه عشاني ؟
غيد : عشانك بس مو بالشكل اللي فبالك الصدق م تهميني لكن شانك من شان جدتي وعيلتي مش اكثر
مغاني : فيه سبب انتي تتحاشينه وصدقيني لو صار وكملتي فطريقتك هاي انا ببدأ اتبحث ولو ما ابا ويا غيد لو قررت بتكرهيني وايد
غيد تطالعها : ....
مغاني : هيه لاتحسبين اني بتم ساكته عنك ولا موضوع ردة فعلك فموت ابوك مشى علي ترا وراك شيء كبير ف خليني انا ومريم فحالنا ولا ببدأ ارد افعالك عليك
غيد : تمام نقدر نروح الكليه بس بعد تهديدات الباشا - تقوم -
مغاني تقوم وراها : عطيتك خبر وبعدها صدقيني م برحمك
غيد : طيب نشوف يا متوحش - تضحك -

...............

غيد كانت تسوي نفسها قويه فهالموقف بس الخوف كان متملكها خصوص انها تعرف مغاني زين وشو تقدر تسوي وان دامها قالت هالكلمه فمستحيل تتراجع عنها لكن ماكان ينفع تبين خوفها

( السياره - مغاني تشغل الاماكن لمحمد عبده )

غيد : مغاني خلاص كبديييييي بتنفجر من هالأغاني من الصبح غيري
مغاني : مايصيح انزين شو تبين تسمعين؟
غيد : شغلي ويجز ولا حد جي
مغاني تنصدم : ششششششوووو ؟؟؟؟ منوه هذا بعد
غيد : لا تسوي مب فاهمه ويجز البخت
مغاني : لا ماقدر بنزل والله شهالذوق المعفن هذا
غيد : ليش ؟ ترا الناس اذواق على فكره كله مب طايقه مب طايقه نعم يعني
مغاني تشغلها : اسمعي عفنك طيب لاتصيحين
غيد : انتي مثل الياهل يتعلم كلمه ويرددها لين تندبل كبودنا بس اسكتي
مغاني : والاغنيه ؟
غيد : قفليه كله هالمسجل
مغاني تضحك : مسجل شو؟؟ مواليد كم انتي يختي
غيد : استغفرالله مب من شوي ما تنطاقين من هالنفس الخايسه
مغاني : شو تقصدين ؟
غيد : ماقصد شيء
مغاني : لا تكلمي ولا لاتقولين شيء من الاساس
غيد : استغفرالله خلاص
مغاني : دام خلاص خلي كلامك ع قدك لاتسوين شيء اكبر وعقب تخافين منه
غيد : شو مشكلتك مغاني طايحه فيني تهديد من اول اليوم ايش في!!!!
مغاني : لأن تصرفاتك تخلي الواحد جي ولا هالتبحث وراي كني سرقت عليك شيء ليش ؟
غيد : ترا انا بس سألت! ما سويت شيء انتي انضربتي بشكل غريب وانتي بنت عميييي من اهلي ولو كانت علاقتنا سطحيه ومالنا الا اسابيع مع بعض لكن سألت حرص مش اكثر وعشان جدتي
مغاني : سألتي وجاك الجواب وقلتلك لا تسألي اكثر فخلاص وقفي
غيد : طيب وقفنا
مغاني : شكرا الحمدالله استوعبتي اخيرا
غيد تبركن : انزين تفضلي وصلنا - تعطيها فلوس -
مغاني : شو هذا !!
غيد : جدتي عطتني اعطيك لا تسوين فيلم ما بعطيك من عندي لاتحاتين اعرف اسلوبك الزفت
مغاني تاخذهم : ع بالي بعد
غيد تضحك وتنزل : ..
مغاني : شو يضحك؟
غيد :خاطري تهدين شوي نحن مب اعداء !
مغاني تنزل : اوكيه