يُدمى قلبي بغــيد#اكتملت

بـ ١٨

في الاثناء اللي كانت الاجواء مشحونة رستم كانت ملاحظة غيرة اوس على مريم وهالشيء اللي خلاها تزيد ف غياضها اكثر عشان تستفز اوس اللي ضربتها ف اول يوم دوام لها بدون ذنب

فماكانت مخليه مريم فحالها العكس كل شوي تسألها عن موضوع فالدرس واحيان تتقرب منها وكل شوي جايبه لها قهوه او تشووكلت واوس فزاويه شوي وتقلب المكان على رووسهم

مغاني : امسكي نفسك دامك تبينها لازم توريها انك تغيرتي - تهمسلها
اوس : شو امسك نفسي انتي شايفه الحركات؟ مريم باعتني ف ايام
مغاني : لاتنسي اغلاطك اوس ! لو تبينها تحملي نتايج افعالك لان حركه وحده منك بتبعدها زياده تسمعين؟
اوس : طيب طيب سكتنا
مغاني : لا تطالعينهم جي ترا يبين مهتمه استهدي بالله
اوس : زييين
غيد : اوس ومغاني فيه درس ينشرح يعني بعد اذنكم وتجربه لازم تطبقونها متى م خلصت السوالف اتمنى اشوف شغل
مغاني : اوكيه - تقوم -
اوس : شفيها بنت عمك شادتها
مغاني : مدري قومي نسوي وخلص

................

قامت مغاني واوس معاها وبدوا يسون التجربه ومن بعيد كان فيه صوت ضحك من مريم ورستم لدرجة انه كل سوالفهم واصله لين طاولة مغاني وكان واضح ان مريم تحاول تقهر ف اوس بس ماقدرت

خلص الكلاس بسلام وطلعت اوس ووراها مغاني كل وحده راحت تقضي بريكها ف زاويه لكن مريم كانت مثل اللي متقصد يدور عن اوس ويلاحقه مش عشان يكلمه لا عشان تقهرها برستم فتمت تدور على اوس لحد ما لقتها فالكانتين تاكل

مريم بصوت عالي : رستم تعالي يلا باكل يوعانه
رستم: حاضر حاضر
اوس تهمس لنفسها : يارب صبرك
مريم تمسك ايد رستم : اليوم ارجع معك بعد ؟
رستم : طبععععا معاي
اوس تضحك مع نفسها : الحمدالله والشكر
مغاني تجي : شفيه ؟
اوس : والله البلشه تغايضني بهذي ام راس مربع
مغاني : تحملي
اوس : متحمله انتي الثانيه لا تضغطيني زياده
مغاني تضحك : واضح
اوس : عادي اسألك شيء
مغاني تنصدم : يمه تستأذنين تفضلي
اوس : ليش ع ها كله بعده تكلميني زين
مغاني : مافهمت تبيني اكلمك بطريقه مش زينه يعني ؟
اوس : لا مب هاي القصه بس ليش ما كرهتيني ما حقدتي ؟
مغاني : الصدق ماقدر اعطي ظهري لحد عطيته قلبي فالبدايه وكنتي صاحبتي ومكانك ماكان عادي ويصعب علي اكرهك بعد كم الحب هذاك
اوس : يعني للحين تشوفيني صاحبه؟
مغاني : مش نفس قبل لكن انتي مب عدوه فيوم كنت عزيزه علي واليوم انتي شخص عادي
اوس : مافهمت
مغاني : يعني زمان كانت لك مكانه كبيره بعد اللي صار خلاص صرتي حد ماعرفه غريب علي لان اوس صاحبتي ماكانت بتسوي فيني لي سوته اوس الغريبه هذي
اوس تنزل راسها : اوكيه
مغاني : بس عادي كل حد يغلط واتمنى انه تكوني فاهمه الغلط لي غلطتيه اصلا
اوس : انا يمكن ما قلت بس الشيء ياكلني من كثر الندم يوميا رماعرف شو اسوي عشان ابطل احس بالندم
مغاني : المهم تعرفينه خطاك غير جي مايهمني
اوس : اعرفه زييين صدقيني
مغاني : زين بدال اللطم والحزن تلحلحي وردي حبيبتك لك بالعقل
اوس : عسى بس
مغاني : بيكون صعب بس حاولي لو تبينها - تروح -