يُدمى قلبي بغــيد#اكتملت

بـ٢٦

مغاني كانت واقفه تعيد حساباتها وتتذكر مواقف غيد معها اللي فعلا تفسيرها الحين صار اسهل وهي ان غيد تحبها او على الاقل معجبه فيها، لكن الوقت والوضع بالنسبة لمغاني مشربك ما بين رجعة ريما الى اعتراف غيد الى ان الامور ممكن صدق تتصلح

اما عند غيد فكانت طالعه تسوق وتبكي ولا تدري ليش اعترفت وكيف انهارت جي قدامها وليش اصلا قالت فهالوقت الغلط ! وشو بتسوي وكيف بتتصرف مع مغاني من اليوم ورايح

مغاني تدق : ..
غيد : الو؟
مغاني : ردي البيت خلنا نتكلم لو سمحتي
غيد : مابا اتكلم وانسي لي قلته
مغاني : معليه ما بنتكلم الحين بس ردي البيت لا تطلعين جي غلط
غيد : برد بعدين
مغاني: غيد لو سمحتي ردي البيت اهدي وبعدها طلعي او وقفي ع جنب لما تهدي سوقي
غيد : طيب
مغاني : انتي وين الحين
غيد : شارع ال٦٠ عند الكافيهات
مغاني : زين وقفي دخلي كوفي او طلبيلك شيء وروقي بعدها رجعي البيت لو سمحتي
غيد : بدبر عمري - تسكر -

مغاني كانت محتاره مابين انها ماتبا غيد تسوق فهالوضع ، ولا تبا تضغط عليها عشان تتكلم وفنفس الوقت ما تبا تخلي اللي صار جي معلق فالنص
هذا غير ريما وقصتها

وقفت غيد على جنب وكانت مشغله الاغاني باعلى مايمكن وكأنها تحاول تخفي صوت افكارها وبكيها على مغاني لكن بدون فايده ماكان يهدى لها بال ولا قادره تشيل من بالها فكرة انها حبت من طرف واحد

رجعت بعدها البيت ودخلت على طول غرفتها متجاهله محاولة مغاني في انها تكلمها وجدتها لللي تسأل عنها ولو تبا تاكل او لا .. دخلت غيد قفلت الباب ورقدت من كثر القهر

اما مغاني فما كان قدامها الا اوس تدق عليها

اوس : هلا ؟
مغاني : غيد قالت انها تحبني
اوس : اوه مبروك توه تستوعبين
مغاني : انتي تعرفين؟
اوس : يعمي واضح عصبيتها من الغيره، هجومها ع ريما واهتمامها بتفاصيلك ونظرتها شو اكثر من جي بعد
مغاني : بس انا ماحسيت
اوس : انتي اصلا سامحه لنفسك تحسين بشيء ؟ مغير مبلشتنا بشينة الحلايا ريما
مغاني : مش بيدي اوس
اوس : فاهمه والله وبتموتين على هواها بس مغاني البنت ماتنفع لمحبه البنت غداره وخونت فيك مليون مره شو تترين المره المليار ؟
مغاني : كيف اتخلص انزين
اوس : اذا قنعتي عقلك بيقنع قلبك دوسي على رغباتك شوي هالكلام اظنك كنتي تقولينه لمريم وكان معك حق وقتها ليش م تطبقينه انتي ولو هي خير لك بتتعدل والوقت يجيبها فدربك
مغاني : وغيد
اوس : لا تلعبين عليها لو ما تحسين بمشاعر ناحيتها ولا تكلمينها بالموضوع بس عطيها فرصه تعرفي عليها اكثر قربي منها يمكن تشوفين ان غيد هي اللي تناسبك
مغاني : بنت عمييييي هيييي الوضع كرنج
اوس : ماله دخل بنت عمك ترا مب اختك شفيك ؟ بعدين اصلا ماعاشت معك ولاتعرفينها الا هالكم شهر شتفرق عن اي وحده ثانيه
مغاني : بحاول
اوس : مغانيييييي عطي البنت فرصه اشوف الحب فعيونها بس للا تلعبين عليها بشيء مزيف خلك صريحه معها
مغاني : حاضر
مريم من بعيد : يارب تصحصحين
مغاني تضحك : هذي عندك ها
اوس تمزح : ماصدقت ع الله كل شوي طابع بيتنا شكله ماعندهم بيت
مريم : هين والله اروح الحين
اوس تمسكها : لالا مالنا غناة عن الباشا
مريم : تسنعي عيل
مغاني : يلا بسكر بسير اشوفها شوي
اوس : اوكيهه بيباي