يُدمى قلبي بغــيد#اكتملت

بـ٣٠

( يوم جديد - الصاله )

مغاني : صباح الخير
الجده : صباح النوور
غيد : تعالوا جهز الفطور
مغاني تجلس : حطيلي لو سمحتي
الجده : وشو صاير بالدنيا تفطرون ورايقين والحاله
غيد تضحك : عشان شفنا وجهك الحلو
الجده : والله من زود الكذب
مغاني تضحك : افااااا بسسس

...... يندق الباب ....

مغاني : شتسوين هنيه؟
ريما : بسلم ع جدتك شالمشكله - تدخل -
الجده : هلا والله ريمااا هلا بنيتي وين هالغيبه ؟
ريما : اهلين تعرفين ياجده الزواج وانشغلت وكذا
الجده : الله يبارك لك يا حبيبتي كيفك وكيف الاهل؟
ريما : والله الحمدالله كلهم طيبين لكن جده زيارتي مب عبث
الجده : امري
ريما : جايتك ابي حق
الجده تستغرب : تبشرين به بس وشو؟
ريما : اظنك ما ترضين بالحرام يا جده وبناتك للاسف طايحين فيه

هنا قلب مغاني وغيد طاح من مكانه كانوا خايفين تقول لجدتهم بالسالفه خصوص انها شخص ما يستحمل ولا يقدر يتحمل او يتقبل كذا خبر، لكن ريما كملت كلامها وقالت " القطاعه مب زينه والخصام بين الاصحاب حرام وهم مخاصميني يا جده وابي تصلحين بيننا " هنيه ارتاحوا البنات لكنهم كانوا عارفين انها حركه تهددهم فيها وانها تروم توصل للبيت وجدتهم بسهوله

تصنعوا البنات وجود مشكله سخيفه بينهم، وفعلا مشت ع الجده ومثلوا انهم زعلانين من بعض وجدتهم تصلح بينهم لحد ماتراضوا كلهم والحقيقه ان ريما ما سوت شيء الا انها زادت الحقد بقلب مغاني خصوص انها وصلت لخط احمر وتعدته وهي جدتها !

( حوش البيت )

مغاني تمسكها : تحسبين بتعدي على خير؟ والله ان تندمين ع الفعله
ريما تضحك : اوف ليش عيل بلعتي العافيه من الخوف عند جدتك
مغاني : تتوقعين خوفي منك؟ خوفي على جدتي لا تروح فيها ولا انتي تخسين واساليبك ذي ترا ما تخلينا نمشي ورا هواك والله م تزيدني الا حقد عليك
ريما : حقد كره شفقه ما يهمني لو منتي لي ما بتكونين لأحد حتى لو فيها موتك
مغاني : هه والله عالم غريبه جد يعني انتي تخونيني وتخليني وبعدها تجين تحكمين علي اني ما اعيش حياتي ! حلوه هذي
ريما : لا افا عليك عيشي حياتك لكن مش مع وحده غيري ولو تبين لحالك م عندي مانع بس اشوفك مع احد ثاني صدقيني بذبحك
مغاني : ياخي انتي مريضه والله سيري تعالجي بعدين لحظه م عندك زوج تقابلينه وحبيتيه والحاله شاللي صار
ريما : تعرفين اني كنت مغصوبه عليه ما يحتاج اذكرك
مغاني : مغصوبه؟ لا تضحكيني دخيلك كنتي ميته وتتزوجينه عقب ما عرفتي انه عنده فلوس وتجاره واشكالك لي تبيع ناسها عشان فلوس ما احتاجها بحياتي
ريما : صدقي اللي تبينه كنت مغصوبه عليه وهذا اللي بعدني عنك
مغاني : ياخي دخيل الله اسكتي صدق وعيشي حياتك بعيد عني مالك فيني خلاص انتهينا اكبري
ريما : مابخليك لو لحظه زياده وقلتلك حتى لو فيه دمارك
مغاني : تحملي اللي يجيك عيل ووقتها لا تلوميني ابدا
ريما : اعرف انك حد قوي وايد بس مش عندي ولو تتصنعين العكس قدامي انتي ضعيفه مغاني وانا الشخص اللي ماترومين تقولين له حرف واحد حتى
مغاني : نشوف