يُدمى قلبي بغــيد#اكتملت

بـ٢٩

غيد : لمتى بنتم جي ؟ - بحسره -
مغاني تمسك ايدها : شو؟
غيد : خايفين وكل مره حد يطلع يسويلنا مشاكل تونا خلصنا من رستم جات ريما لمتى ؟
اوس : وجودهم من عدمه لا يأثر عليك لو شو ما سوولنا ما بيوصلون للي يبونه لو نحن ما ضعفنا
غيد : اوس رستم حرفيا طعنتك ! شو ممكن اكثر من جي ؟
مغاني تشد عليها : شوفي انا اعرف ان الوضع يخوف ومب مريح بس مثل ما قالت اوس لو كنا ويا بعض محد يروم يتعدالنا
غيد : ماعرف انا خايفه يضرونا فالشغل وفدراستكم
مغاني : وشو الدليل ؟
غيد : هذي هي يات تصور وصدناها المره اليايه شو !
مغاني : تطمني ترا الجامعه تعرف انه نحن بنات عم طبيعي بنطلع وهذيل ربعي لازم بنتصادف ولو مره مب لهدرجه عاد
مريم : سمعي غيد حبيبتي الوضع صعب والله بس صدقيني ريما ما بتطول لو عرفت ان مالها امل في مغاني خلص وبترد تنقل او تطلع انا احس جي
غيد : ويمكن تحطنا ف مصيبه مالها اول ولا تالي وتطلع شو استفدنا !
مغاني : كيف بتضرنا لو تمينا مع بعض ! ماتروم تسوي شيء
غيد : مادري انا وايد خايفه خصوص انها تعرف انه نحن ويا بعض الحين
اوس : مالها علاقه ومش كل شيء يتصدق وماعندها دليل الصور مثل ما قالت مغاني عاديه تراكم اهل
مريم : اهم شيء لحد يصدق فالثاني هالفتره لان احسها بتلعب ع هالنقطه يمكن اييكم اي شيء توقعوا حتى فالفون او فيك اكاونت
اوس : الله يستر
غيد : نرجع مغاني ؟
اوس : وين وين بنسير سينما مع بعض ولا البحر
غيد : اونه
مغاني : ودك ولا تعبانه حبيبي ؟

اول مره مغاني تناديها ب " حبيبي " وهذي كانت مثل قطرات الندى ع قلب غيد اللي خوفها كل شيء حولها وما طمنها الا هالكلمه من مغاني !

اوس : اوي اوي اشوف سرحتوا بعالم الاحلام
مريم : خليهم عن الدفاشه
غيد تضحك : بنرد البيت برايه
اوس : ها اشوف ما تحملتي من كلمه خلاص بتردين البيت
غيد : جب جب تعبانه والله
اوس تضحك : الحلفااااااان مب زين
مغاني تقوم : يلا بنسير اوكيه ؟
اوس تغمز : اوكيه يا كتاكيتي
مريم تضحك : بلا ثقل دم خليهم عاد
اوس تحضنها بقو : طبعا بخليهم ش ابي بالدنيا وانا عندي احلى كتكوت فالدنيا
مريم : يا شين الغزل شيناه
اوس : افا مب حلو - تضحك -

كملوا اوس ومريم سهرتهم وطلعوا مغاني وغيد على البيت لكن مغاني ماتوجهت صوب البيت وغيرت طريقها وهنيه غيد بدت تسألها نحن وين رايحين؟ تبين محل ولا شيء ؟ ولكن مغاني كانت مكتفيه تغني ولا ترد

بعدها وقفت عند فندق ونزلت وفتحت الباب لغيد وقالتلها : انزلي ، وعلامات التعجب بينت في وجهه غيد اللي مب فاهمه شيء طول لكن نزلت ع طلب مغاني

غيد : شالسالفه فهميني ؟ ماحب جي والله
مغاني : اتبعيني
غيد : شو اتبعيني تنرفزين ترا والله
مغاني تسحبها : بلا فضايح واتبعيني
غيد : يعور انزين فكي ايدي
مغاني تشيلها : ماعرف شو سالفتك مع العناد هذا
غيد : نزليني ولا بلم عليك العالم
مغاني : والله لا الم وجهك بكف ما تبين غيره اسكتي بس
غيد : مغاني بصرخ!
مغاني : بلا هبل وين بوديك يعني جهنم ؟ جب