يُدمى قلبي بغــيد#اكتملت

بـ١٤

اول ما وصلت بيتهم لقيت امه وخواته الخمس ولا كأنه جايهم حد جديد او غيره  او بالأححرى عروس ، قاطع افكاري صوت امه وهي تقول : هذي هي ؟
رد عليها : هيه وش رايك يمه ؟ وحسيت نفسي سلعه تنباع وتشترى وكأنهم ماخذين كنبه وكل حد يعطي رايه عليها

ردت امه : والله تمشي الحال ، كنت مستغربه ومصدومه ولا اعرف شو نوع العيله اللي انا فيها .. فجأه خذتني اختهم الاصغر اللي واضح كانت من سني يمكن تكبرني او تصغرني بسنه

بعد ما دخلنا المكان المزعوم انه غرفتي قالتلي هنا مكانك بيكون ولا تحاتين اي شيء تبينه انا موجوده ، حسيت انها متورطه بعيلتها او شفقانه علي وطريقة عرسي

بعدها قلتلها : انتي تعرفين؟ ردت علي بهزة راس وقالت هيه اعرف لكن ما عليه ان شاءالله ترتاحين هنيه ، حسيت انها تقولي الله يعينك على اللي جاي من تحت لتحت

تركتني وانا براسي مليون فكره لحد ما جاء العريس المزعوم اللي ما شفته الا قبل شوي وعرفت اسمه من العقد " مروان "

مروان : اسمي مروان وانا مهندس وعسكري وانتي اظنك دارسه طب او شيء كذا ولا تحاتين بخليك تكملين الزماله وتدريبك او البطيخ اللي بتسوينه بطلب من اخوك حمد لكن بعدها مافي شغل ومكانك البيت
غيد : كيف يعني ؟
مروان : اتكلم هندي ولا وش؟ قلتلك تخلصين تدريبكم وبعدها مافي شغل
غيد : عيل ليش اتدرب !
مروان : والله هذا طلب اخوك تبين سويه م تبين تمي بدون تدريب المهم شغل مافيه
غيد : انا مابغاك اصلا انا مجبوره ترا
مروان : تحسبيني ماعرف ؟ اعرف ومب مغصوبه الا لبلاء فيك ولا ليش اهلك يبون الفكه
غيد : تخسى الا انت
مروان : عيل وراه ابوك مزوجني ب ٥٠٠٠ ريال ! فيك عله
غيد : هه وانت راضي ليش ؟ دام فيني عله يمكن انت اكثر مني بمليون عله
مروان : انا ما يعيبني شيء الا جيبي وجيبي مليان يسكتك ويسكت ابوك وراك

واستمر الهواش وياه لحد ما عصب وضربني ولا فرق معي العذاب اللي شفته مع اهلي كان اكثر بمراحل هذا لعب عيال عنده ، بعدها اخذ اللي يبي واثبت انه رجال على قوله وخلاني بعدها

تميت على هالحال اسبوعين وما قدرت استحمل جلست اخطط اهرب وسويتها اكثر من مره وفشلت لحد ما مره تعيرت بإني انزف وذا مو دم الدورة ابدًا وجلست اتعمد ابين الدم قدامه عشان يشيلني للمشفى

وفعلا اخذني هناك وكان مضطر يعطيني فون عشان يكلموني واستغليت الشيء وكلمت صاحبتي وهي اللي هربتني لشقتها بعدها تمينا نرتب عشان اتدرب وانقل بمكان بعيد وفعلا صار وبعد ما ضبطت اموري نقلت لمدينة على الحدود عشان محد يتوقع مكاني

تميت هناك وخلصت تدريبي تحسنت نفسيتي مره وبديت استقل ، بعدها وصلني خبر طلاقي وان اهلي يدورون علي لأنه اصلا ما بلغهم الا قريب بهروبي بديت اخاف مره وعرفت انهم يدوروني