يُدمى قلبي بغــيد#اكتملت

بـ١٥

Kaii90_ تويتر
فولو لو سمحتوا

بداية يوم جديد، فيه غيد مرتاحه لأن عرفت مين كان يهددها وماعليها الا انه تنتظر ردود المحامي لها من الجلسات اللي حتى ماهي مجبوره تحضرها ، كانت لأول مره تحس بالسند وان صدق وراها احد يبي يساعدها بدون مقابل ويهتم لكونها بخير ولو كان من جانب اداء الواجب

غيد : اليوم ما بداوم ماحس اني قادره بس بتحصلين حد يوديك؟
مغاني : انا اليوم اوف اصلا لاتحاتي
غيد : حلو الحمدالله
مغاني : بس مريم بتجيني بعد الدوام نخلص الشغل
غيد : شالقصة مع مريم ؟ -تتربع -
مغاني : مافهمت ؟
غيد : مدري بس احسها تشوفك اكثر من صاحبه !
مغاني : ياليل مع الستريت اللي يحسبون اي ليزبيان يصيروا حبايب - تمزح -
غيد تضحك : لا مش كذا بس احسها تميل لك وايد
مغاني : خبرتك انا وهي طحنا بنفس المصيبه فحاسين ببعض وهذا دعم عاطفي مش اكثر
غيد : كل هذا دعم ؟ وايد احسها مهتمه بالعكس
مغاني تضحك : لا صدقيني مريم تسوي كذا لانها اصلا تدور اهتمام وتحاول تتناسى بسبب اوس الزفت
غيد : ليش ما تكلمون اوس طيب ؟
مغاني : بخصوص شو اكلمها ؟
غيد : بخصوص مريم يعني تفهمونها لي تسويه
مغاني : اوس اكثر حد فاهم بعدين اوس ترا م تسمع ولا عندها استعداد تناقش شغلها شغل همج تفهم بالضرب وبس
غيد : بس مريم تحبها
مغاني : هذا مفروغ منه لكن اللي سوته اوس ما ينغفر خانت الصحبه، حبيبتها وخانت ريما بكبرها يوم خذلتها فنص المشاكل
غيد : طبعها غريب
مغاني : هي كذا غيد فيه ناس طينتهم وصخه ما تتغير لو شو
غيد : المهم شرايك نطلع سينما شيء على ما تجي مريم وتسون شغلكم
مغاني : انا عندي مكان بنضرب فيه عصفورين بحجر سينما وڤيو شقلتي ؟
غيد : الله يستر
مغاني : ثقي فيني بس ووافقي بتشوفين
غيد : يلا طيب

...............

وفعلًا بدت مغاني ترتب للطلعه وغيد تتفرج ع حماسها الغريب ، اول شيء جهزت السناكات بعدها حطت الفرشه ، كلمت المكان عشان الحجز وكانت مهتمه بالتفاصيل وغيد تتأمل انشغالها وكيف جالسه ترتب من الالف للياء

بعدها حركوا وطلبت اكل ع الطريق ، بعد ما وصلوا المكان كان شاطيء هادي ولا فيه الا ناس ينعدون، وبعدين على اخره كان فيه سينما ع البحر هناك يحطون جلساتههم ويطالعون فيلم معين

غيد كانت مغرومه بالمكان الرايق اللي كل شيء فيه من اول الاضاءات للكراسي هادي وبسيط خصوص مع الجو اللي كان cozy ,  بدا الفيلم وقضوا الوقت مع بعض مابين المتابعه للسوالف والضحك وجانب ثاني من شخصياتهم اللي كانت متعارضه !

............

( البيت / الصاله )

الجده : انتم يا متعارضين وحاشريني يا مع بعض واضيعكم واحاتي !
غيد تبتسم : يا جده رحنا نشوف فيلم ع البحر
الجده : من قل الاماكن ليش م شفتوا فالبيت
مغاني تضحك : ياجده هي كذا سينما شاطئ
الجده : المهم انكم بخير تعالوا كلوا
مغاني: لا خلاص كلنا وخلصنا عليك بالعافيه
الجده : اكل البيت ماتبونه مغير تاكلون ذي الخرابيط من برا
مغاني : حاضر بنتعشى مع بعض انا بضبطكم بعد شو تامرين عليه اكثر
الجده مصدومه : والله ان وراك بلاء وفلوس من الحين اقولك م فيه اعطيتك مصروفك قبل امس
مغاني : والله مابي فلوس بس انتي خليها علي
الجده : خليناها والله يستر