يُدمى قلبي بغــيد#اكتملت

بـ٦

* لو سمحتوا ضيفوني ع تويتر _kaii90*

........

اليوم الثاني ، غرفة مغاني

* يندق الباب *

غيد تدخل بالغدا : غداك جاهز كلي
مغاني : مين طلبك؟
غيد : جدتي ولولاها ماجيت لاتحاتين - تتنرفز -
مغاني : قولي لجدتي مابغى
غيد : اقول ؟ كلي ولا فريه فالزباله او نادي العامله تتصرف فيه لكن لاتقولين لجدتي انك ماتبين وماكلتي لانها تحاتي بما فيه الكفايه
مغاني : ياليل مطولك خلاص اطلعي
غيد : كلمت لك الدكتورات وما بينحسب لك غياب ل٣ ايام عشان تريحين والاسسمنت بتجيك على الايميل
مغاني : تمام شكرا
غيد : العفو
مغاني : تبين شيء اشوفك واقفه؟
غيد : ابعرف شصار معك
مغاني : ليش ؟
غيد : فضول ابا اعرف شصار معك وانا اعرف انك مب حد ضعيف عشان ينضرب كذا بشكل عادي الوضع فيه غدره
مغاني : مافي فايده
غيد : ادري وقدك تنازلتي بس انا ابا اعرف
مغاني : عشان تقولينه لجدتي ؟ ليش ان شاءالله انهبلت؟
غيد : ما بتعرف جدتي عن شيء
مغاني : مالك حاجه فشيء م يخصك واذا م تبين شيء غير اطلعي لو سمحتي
غيد تطلع : تمام مغاني

.............................

طلعت غيد وهي مشغول بالها ف مغاني ايش السبب اللي خلاها تنضرب وتسكت وتتنازل وهي لا ناقصه قوه ولا هي بالشخص الخواف لكن ليش كل هالغموض ! 

راحت غيد لغرفتها وحاولت تشغل نفسها بالتحضير ب اوراق البنات وبأي شغله لكن ماكانت قادره تتجاهل اللي صار اليوم فما كان عندها الا انه تتصل بمريم وتسألها ..

* تدق على مريم *

مريم : هلا دكتوره
غيد : مرحبا مريم اخبارك؟
مريم : بخير ووانتي عساك طيبه؟ - مستغربه -
غيد : تمام ما بطول عليك مريم حبيبتي بس كنت بسألك عن موضوع - تحكيلها -
مريم : ايوه؟
غيد : تعرفين شو سبب ضرابتهم ؟ لأن هذي مش طيحه هذا ضرب وما طلع من قاعة الانتظار الا اوس فخبريني عشان مغاني وسلامتها
مريم ترتبك : مدري دكتوره انا ماعرف عن شيء
غيد تطمنها : شوفي ترا مغاني طيحت القضيه خلاص ومافيه شكوى ولا قضيه بتنرفع انا اسألك عشان سلامتها بس عشان لو بينهم مشاكل انا بنقل وحده منهم وبكلم المساتره يتساهلون فهالنقطه ونخليهم ما يتصادفون ابدا
مريم بخوف : بينهم مشاكل قديمه بس الحين مدري عن شيء
غيد تحس بخوفها : زين شكلك خايفه ف تعالي بكره المكتب ونتكلم وتتأكدين م حولي حد وما اسجل شيء عليك
مريم : لا عادي
غيد تقاطعها : كذا افضل بكره اشوفك ويفضل محد يعرف عن القصه
مريم : طيب اللي تشوفينه
*تقفل الخط *

ما مشى على غيد كلام مريم لأن خوفها كان طاقي وواضح انها تخبي شيء وتجتهد عشان تثبت انها ماتعرف شيء والحقيقه هي ابخص بعلوم كثيره
لكن اللي ماحسبت حسابه غيد هو ان مريم تكلم مغاني ولو قالتلها فبتصعب الوضع بينهم زياده