(ميثه معروف عنها إن طبعها قاسي )
سيف: لا ابد سلامتج لا تسوين شي .
ميثه: اقول اجلب ويهك إنت إنسان تافه ولا عندك سالفه يااااااااااالله بااااااااي .
سيف: اقول سلمي على امج " شمه " !!!
اهنيييييييه ميثووووه ما قدرت تستحمل هذا يعرفنا كلناا شووووو هاااا !!
قالت له جانك صادق في كلامك ،اوصفني ، واوصف بيتنا ؟
سيف ما صدق وجان يقول لها ..
سيف: يا ميثه صعب أوصفج شو اصلاً اوصف فيج قولي لي؟ إنتي كلج على بعضج ، قمر ، شو أوصف ؟ بيضه ، عيونج كبار ، حورى ، جسمج حلوووووو لا إنتي متينه ولا ضعيفه وقام عد فيها قصيده يقول فيها :
والعيوووووون الحلوه حوره .. وانا اعشق الخطوره
تسلبك من دون شوووره .. تام كالبدر في الليالي
ورسمة الحيات غير .. كنهن ينحات طير
منهن قلبي اسير .. ولونهن لون الزوالي
والثماني بيض كالحليب .. تلمع وبأجمل ترتيب
منظرهن شي عجيب .. مثل شمس بالليالي
والخشم طويل منخب .. من يشوفه به تعذب
كنه السيف المددب .. من شفته بنذهالي
. . . إلي أخر القصيده وكلها في أوصاف ميثه .
ميثه وهي تحس عمرها إنها عااايشه في دنيا الخيااااااااال .
كلمته من دون ما تحس كانت تحس إنها في حلم .
وتمت ميثه على هالحال تكلمه وفي نفس الليله .
في واحد يقرب لأبوها ولد خال ابوها
يحب ميثه ومن يشوفها يتخبل عليها ، حتى اخو ميثه يدري بأنه يحبها وهو تقدم لميثه بس هي بعدها ما ردت .
ولد خال ابوها اتصل لميثه الساعه 2.36 الفير (( وهي ما كانت نايمه )) كانت يالسه تكلم سيف وما كانت تكلمه عن شي او تسولف وياه لا كانت تبا تير منه الرمسه عشان تعرفه منو هو .
