ميثه ما قدرت تتحمل : وجان تصيح ما عليه خالوا ، كل إنسان وله نصيبه في هالحياه والإنسان لازم يتصبر .
هي تقول هالكلام من دون نفس لأنها هي بروحها هب قادره .
ام سيف: تصيح ، وميثه تصيييح وكل وحده حاضنه الثانيه وتصيح من صوب ، لكن ميثه قلبها يتقطع ، تحسه ان يتقطع خلاص .
محمد ولد عمت ميثه كان ويا الرياييل برع يعزيهم ، وشوي ركب السياره لأنه فيه فضول اتصل في موزة اخته :
محمد : موزووووه ، السلام عليكم
موزة: وعليكم السلام
محمد : انتي وين ؟
موزة : والله انا في برجمان ، ليش بغيت شي؟
محمد : صدق إنكن فايجات ، تعالوا شوفوو، ميثووووه بتموت .
موزة: شوووو ، ميثوه ، شو فيها ، محمدووووو قوووووولي شو فيها !
محمد : ما ادري بس هالإنسانه وايد حساسه ؟ في واحد من الفريج ميت عندهم وهي متخبله ! بس انا شاك بصراحه .
موزة : إنا لله وإنا إليه لراجعون ، منووو مات ؟
محمد : والله انا الريال ما اعرفه بس اسمه سيف
موزة : منووووووو؟؟؟؟؟ انصدمت لأنها تعرف ان هالإنسان حبيب ميثه.
محمد: شو شو فيج ؟ ليش ارتبكتي ؟
موزة : لا لا ماشي .
محمد بصوت عالي و محرج : منو ها سيف قووووووولي؟
موزة : ما اعرف شدراني يالله لا تيلس تصدعني ، انا بروح لها باجر .
محمد : اوكي ما عليه ، نتفاهم يوم بوصل دبي
بند عنها وهو تساوره الشكوووك .
" في العزى "
ميثه يالسه تهدي ام سيف وام سيف متقطع قلبها عليي ولدها .
ميثه ما كانت تدري شو سبب وفاة سيف .
وأم سيف كانت تدري .
فأم سيف بعد ما هدت شوي قالت حق ميثه : ميثه شوي بغيتج في الغرفه .
ميثه: إن شاء الله خالوا.
ام سيف قامت ودت ميثه غرفة سيف ، غرفة حبيبهاا .
ميثه اول ما دخلت شافت صورته ، وراحت تبوسه وهي دموعها تارسه وييهااا .
رحت عني يا سيف وخليتني في دنيتي
رحت عني يا سيف ووو خليتني في همومي وحيده
ام سيف : ميثه إنتي تعرفين شو إلي موت سيف ؟
ميثه : لا .
