ميثه : وإنت شلك ؟ هذا إلي بيبط لي جبدي ؟ وإنت ليش إن شاء الله معور راسك ؟
سيف : ميثوووووه وين رايحه ؟؟!!
ميثه : سيفوووووووو ، بروح بيت عمي خير في شي ؟
سيف : إنزين بشوفج .
ميثه : سير إنقع لااااااااااااه صدق إنسان فايج .
سيف: صدق والله انا رايح المسيد وإنتي دخلي بيت عمج .
سيف ياي مشي .. طبعاً لأنه بيتهم جريب من بيت ميثه وهووووووو رايح المسيد جان يشوف ميثه ، واخوها الصغير نادر ياااااااااااااا ويلي ويلاااااااااااااااه حشااااااااا هذي هب أدميه ، والله قلبي بيطلع .
سيف : ميثه .. ؟ انتي هب أدميه حشاااا .
ميثه تطنز عليه : ايييييه اييييييه إنت ؟ شو هب أدميه شو شايف جدامك ينيه اشوووووو ، لا لا قول لا ويا ويهك .
سيف: ويا ويهج إنتي ،ميثووووووووه غطي ويهج احسن لج لا اصفعج .
ميثه تغايظه جان إطلع شعرها شوي ،وسكرت التلفون .
وحتى ما سوت له سالفه .
وووووراحت بيت عمها وهي تدري بأنه هو قاعد يطالعها .
.. دخلت ميثووووه بيت عمها ويلست تسولف ويااااااا البنات وتغدت وووووووو الحين تبا ترد ..
ما تروم تصك درب بعد اتصلت في اخوها ، ويا شلها .. وفي دربها جان تشوف سيف يالس في الخيمه إلي حذال بيتهم ووووو قلبها وقف استانست و تشققت الابتسامه .
ردت البيت وجان يوصلها مسج من عند سيف :
(تعالي أهمسي بإذني ونسيني الأسى والياس
وقولي أنا أحبك لعله يبرد فؤادي ) .
