كانت مزون اخت ميثه يالسه تلعب برع و جان يطوف عليها ولد عمها إلي قدها يعني 11 سنه ، قال لها: اقول مزنوووووه امج ما بتروح العزى ؟
مزون: عزى امنووووه ؟
خالد*ولد عم مزون* : عزى سيف ولد جيرانا ، توفى الله يرحمه .
مزون : صدق بروح اقول حق إمايه بشوفها جان بتروح ولا لا .
وخلت خالد برع وراحت عنه وكانت رايحه عند امها تركض ، جان تلاقي في دربها ميثوه ، ميثوه شافتها تركض جان تهزبها : مزنووووون ويعه إن شاء الله ليش كل هالركض ؟ شو فاتحين الصاله مرثون ؟
مزون: لالالالالا ، انتي ليش هب راضيه تفهميني ؟ كله تتحريني مزعجه وراعيه مشاكل ، أنا رايحه عند إمايه اقولها بتحظرين عزى قوم ولد جيرانا ، تراه مات الله يرحمه .
ميثوه قلبها حستبه انقبض: منو منو مات ؟ لا حول ولا قوة إلا بالله .
مزون : هذا واحد اسمه سيف .
ميثه : شووووووووووووووووووووووووووووووووووووووووووو !!
سيف أي سيف قولي أي سيف .
وشوي تدخل حرمة عم ميثه ( فاطمة) : السلام عليكم .
ميثه وهي خلاص تحس عمرها بطيح : وعليج السلام فاطمة .
فاطمة: شحالج ميثه .
ميثه: منو انا ؟ هيه ، هيه ، زينه .
فاطمة : اقول ميثه ما بتروحين العزى ؟
ميثه : الله يخليج قولي لي منوو؟
فاطمة: ليش إنتوا ما تعرفون ، هذا سيف ولد جيرانا ، توفى الله يرحمه .
ميثه اهنيييييييه خلااص ما رامت تشل ريولها ، حست عمرها بطيح خلااص .
وجان اتم تصييييييح بصوووووت عالي وعى امها وابوها واخوانها وخواتها من الرقااد .
تخبلت ميثوه ، وهي تصارخ تقول حق امها : إنتي السبب ،إنتي تدعين علييه ، يا ليتج دعيتي عليه انا بعد
يا ليييييييت ياليتني رحت وياك يا سيف .
