ميثه استانست وهم كبير انزاح عن قلبها يوم كلمت ابوها ويوم حضنها ، كان جدام الناس كلهم ، حتى شرطي يتحراهم يسوون شي ، بس ابوووووها هزبه ههههه .
ميثه على إلي صار وعلى الضرب إلي ياها ، مستحيل تنسى سيف مستحيل .
سيف بالنسبه لها الدم إلي يمشي في عروقها .
سيف بالنسبه لها مثل القلب إلي يدق في جسمها .
سيف كان بالنسبه لها الهواء إلي تتنفسه .
سيف كان ميثه
وميثه كانت سيف
روحين في جسد واحد .
إسـتانسوا في القريه العالميه ودخلوا السرك ميثه وابوها واليازيه اما الباجين راحين يتفرجون ويشترون .
.
ردو البيت الساعه 12 فالليل وكانوا تعباانين .
ابو ميثه احمد يا عند ميثه قبل لا ترقد ، هي كانت متلحفه وكل شي خلاص بترقد .
وجان يدخل عليها ابوها ورد لها مفتاح الغرفه ، قال لها تقدرين تقفلين الباب ، خلاص انا ألحين تأكدت إن بنتي ميثه ردت لي ، هب ميثه إلي ضربتها ، ويا بنتي لا تزعلين مني يوم ضربتج تراني خايف عليج وما احب اشوف بنتي جذيه وانزل الناس يرمسون عن بنتيه .
ميثه: وايد تأثرت من كلام ابوها وباسته وجان تنام وما قفلت باب الغرفه خلته برايه مثل ما هو .
في الباجر الصبح ميثه نشت وتذكرت التلفون وهي تبا ترده وخاصه إن سيف ولد جيرانهم يعني تبا أي وسيله عشان ترده .
تريت لين الظهر وجان تقفل باب الغرفه عشان تقول حق سيف إي ياخذ التلفون بس سيف ما رد ؟
ميثه تمت تحاتي وقلبها عورها عليه .
سيييييييف حبيبي وينك ؟؟؟؟
"طرشت له مسج "
سيف حبيبي يوم بتفضى كلمني ابغيك ضروري .
وشوي يرد المسج .
