ام سيف : إلي موت سيف يا ميثه ( بنت عمج نوره ) اتصلت في سيف وقالت له إنج مخطوبه من محمد ولد عمتج ، وإن الملجه والخطوبه في يوم واحد ، وسيف تعرفينه قلبه ضعيف ، وما اتحمل .
ميثه: شوو !! تخبلت ميثه وكرهت الساعه إلي عرفت فيها بنت عمها ، وكرهت بنت عمها كره ما ينوصف .
يعني كان يدور في بالها 66 فكره ، من وين يابت الرقم ؟ وليش تكلمه ؟وليش قالت له جيييييييه ؟
تمت ميثه معصبه ومضااااااايحه في نفس الوقت.
أم سيف : ميثه في وصيه لج من عند سيف .
ميثه : استغربت وقلبها تم يدق بقووووووو ، هااا شو هي قولي الله يخليج .
ام سيف : يا ميثه قبل لا يموت ولدي سيف انا كنت عنده واخوانه وخواته ، كان يقول خلوا ميثه تعرس ، وتستانس في حياتها والله يفرحها ، بس قولوا لها لا تنساني ، وخل تسمي ولدها سيف ، وعقبها هالكلمة تشاهد ، وسلم روحه لرب العالمين .
ميثه : منصدمه ؟ اعرس ؟ ليش ؟ يلعن يومج يا نوروه يعلج يومج ويلعن اليوم إلي انودتي فيه يا بنت اللذين .
ام سيف: اتمنى يا ميثه انج تنفذين وصيه سيف.
ميثه: خالوا اسمحيلي وصية سيف في عيوني لكن ما بتزوج ما يحلالي غير سيف ، وسيف راح ، ومالي هوى غيره .
ام ميثه: وايدد كانت مستانسه من رد ميثه وفي نفس الوقت متقطعه على ولدها.
المهم ميثه ظهرت برع وكانت تشوف النااس ، والريايل والحرييم ، إلي يصيح وإلي إي يعزي وإلي مضااااااايج .
" بعد 3 ايام من موت سيف "
ميثه في بيتهم وجان تي عمتها تقول لها: ميثه انتي بنت عوده وفاهمه ، وبغيتج في سالفه .
ميثه: قومي عمتيه جان بغيتيني في سالفه، تعالي غرفتيه .
راحت ميثه غرفتها هي وعمتهاا..
عمت ميثه: ميثه .
ميثه: لبيه .
عمت ميثه : مثل ما تعرفين يا الغلا ، إنتي الحين حرمة عوده والحين حاشرني محمد يبا يخطبج .
ميثه: شوو !! محمدوو ، عمتيه الله يخليج إنتي تعرفيني اكثر وحده اني ما ابغي اعرس ماسحتنه من راسي ، انزين ، اسمحيليه عمتيه ، محمد ريال والنعم فيه وكل البنات يتمننه ، بس انا لا ما ابااااااااه .
عمت ميثه: يا ميثه ، سيف راح ، وكل واحد بياخذ نصيبه في دنياه ، وهو قايل في وصيته يباج اتيبين ولد وتسمينه سيف.
ميثه: عمووههه ، لا تغيرين الموضوع ، بخبرج انتي محمدو حاشرنج ؟
عمت ميثه: هيه ذابحني الغدا والأكل ما اتهنابه .
ميثه: ويا ويهه اتصلي به انا بقوله اني ما اباه .
