سيف قال حق ابو ميثه انا ابا ميثه اباها على سنه الله ورسوله ، بس ابو ميثه هدم حلم عمرهم ، وهدم احلامهم وأمالهم ، ورفض قال إنت هب كفو تكون زوج بتني وانا اصلاً ما بيكون لي الشرف إني اناسبكم .
تمت ميثه تفكر في سيف، و بتموت عليه تبا تعرف اخبار حبيبها ، لايكون حد سوابه شيكانت تحاتيه ، وبتموت عشان توصله ، كانت وايد تعبانه نفسياً وجسدياً وكان هالشي واضح على وييها .
و المشكله إن كان بالباجر دوامات ، يعني ميثوه بتسير الجامعه ، راحت ميثه بس بدون تلفون بعد موووت خلوها تروح الجامعه ولا اصلاً كان ابوها بيظهرها من الجامعه .
راحت ويوم دخلت الباص حتى اليلسه هب قادره تيلسها من كثر الضرب إلي يهاا .
ف يت ربيعتها امون يلست حذالها وجان تسلم عليها بإيدها بشوي شوي .
وجان تصارخ ميثوووه من الويع حتى كانت ملابسها يوم تلبسها تعورها .
.
ميثووهه : اموون دخيلج لا تجيسيني ما اقدر اتحمل دخيلج والله تعبانه .
اموون : شو فيج ميثوهه ، شو فيج ؟ انا ما سويت بج شي ، بس سلمت عليج .
ميثووهه : سلامج وصل بس ارمسي من دووون ما تدقيني .
امووون : إنشاء الله حبيبتي .
.
تمت ميثه تفكر في سيف بتموووووووت ، وجان تخونها العبره وصاحت في الباص من كثر ما تفكر في حبيبها سيف تبا تطمن عليه .
ربيعاتها استغربن من الموقف شو صاير ميثاني شو فيج ؟؟
ميثه: لا ما فيه شي بس احس عمري إني تعبانه شوي ، وإن شاء الله خير ، بصح ما عليكم ..
