دخلت ميثه الصاله ولقت خوله ونورة وخلود .
( وهذيلا ميثه هب وياهم دوم ما يحبنها لأن ابوهن يحب ميثه اكثر عنهن ) وسلمت عليهن .
نشت ميثه تساعد حرمة عمها في المطبخ وكان تلفونها حاطتنه في الصاله .
رن التلفون وكان سيف متصل جان تقوم نورة ام الدووويس شلته .
وردت ..
سيف: الووووووو ..
نوره : مستغربه !!
نورة : الووووو منوووووو
سيف: تم ساكت ، وبند التلفون .
نورة عرفت إن ميثه تكلم واحد .. او تحبه .. ( نورة طبعها راعيه مشاكل وهي إمبونها ما تحب ميثه فهي انتهزت الفرصه وقالت لازم امشكلها ..
خلت التلفون مكانه ولا جنه شي صاير .
تغدو العايله الكريمه ويلسوا يشربووون جايي عقب الغدا ، جان تقوم نوروه وتيلس حذال ميثه .
.
نوره : اقول ميثه .. شحال مليقه ( Maleqah ) ؟
ميثه : تمت سااكته ومنصدمه .
ميثه : وإنتي شو دراج فيهاا.
نوره : ترها اتصلت ورديت عليها او قصدي رديت عليه .
ميثه: لا واااالله ، ومنو سمح لج إنج تشلين التلفون ؟
نورة : شفته يرن ورديت ،فيني فضول .
ميثه: اقول تراج إنتي إنسانه تافهه تدرين بهالشي .
.
شلت عمرها ميثه وطلعت من البيت وردت بيتهم .
وجان تتصل في سيف وهي معصبه لأنها هي متفقه وياه إنها يوم بتكون فاضيه وماحد عندها بطرش له مسج ولا هي بتتصل هب هو يتصل .
.
ميثه : الوووووووو سيف إنت شو سويت اليوم مشكلتني اف افف .
سيف: ميثاني والله انا أسف والله .
ميثه: هيييييييه إنت ما عندك غير الأسف بس تتأسف ، انا هاي وين اصرفها ؟
سيف بندم : انزين شو اقدر اسووووي شوووووو ؟
ميثه بعصبيه : شو تسوي بعد !
