ميثه: لالالالالا ما يحتاي ، اصلاً هو ليش يايب كل هاااااا؟!!!!! انزين ام نوافل ممكن اعرف إنتي شو تقربين له .
ام نوافل : انا بنت خاله ،ورابين مع بعض يعني نحن متراضعين مع بعض ،هو عباره اخويه .(اخوها برضاعه)
ميثه : هييييييه ،زين والله ،الله حيهم .
ام نوافل : الغاليه انا اترخص عنج الحين ، بروح ارتاحح مثل ما تشوفين شاله شخصين ، شاله نفسي والي في بطني ،
ميثه :ههههههه الله يحفظكم كلكم .
.
وظهرت ام نوافل وشكلها انعجبت في ميثه واخلاقها واسلوبها .
ميثه . . . فجت الهديه إلا تلاقي السي دي وتحت فيه التلفون وبطاقة .
.
انصدمت ..
ماعرفت شو تسوي ، وايد تضايقت من سيف ما تعرف شو اتسوي فيهن ؟؟؟
شغلت التلفون عشان تهزب سيف على سواته .
اتصلت ، وسيف كان يتريا اتصالها .
"رد عليها "
سيف: هلا والله .
ميثه : شو هالحركات البايخه ؟
سيف: ليش حبيبي .؟شو فيج ؟
ميثه: لا سلامتك ما فيه شي ! بس منو سمح لك إتتيب لي تلفون وبطاقه وين اوديهن ؟
سيف: انا أسف بس بغيت اتطمن عليج والله إني وايد احاتيج .
ميثه : سيف اجلب ويهك انا برد التلفون حق ام انوفل ، يالله باي ..
سيف: على راحتج المهم ما احب اضيق عليج .
ميثه : سكرت التلفون وراحت تدرو ام نوافل ما حصلتها ، تبا ترد التلفون ما قدرت ، مر الأسبوع والحين لازم ترد رأس الخيمه وما تقدر تخلي التلفون عشان ما حد يشله ، وما تقدر تشله رأس الخيمه عشان اهلها ما يشوفونه ويعرفون انها ردت تكلمه ، المهم ردت كلمت سيف وتضاربت وياه وكانت وايد ضايقه وايد .
.
ردت ميثه راس الخيمه ، وشلت التلفون وياها ، ما تقدر تخليه ، وداستنه في ستين الف شي ، عشان ما حد يشوووفه .
وصلت البيت وبصراحه في البيت قام الوضع يتحسن شوي من ناحيه ابوها وامها لأنها ما كانت تقدر تكلمهم طبعاً معروف أن يوم الأربعاء يردوووون من الجامعه ، فيوم الأربعاء العصر ردو ، والساعه 6.50 قاموا راحوا القريه العالميه .
