ابو ميثه: اخرط على إلي ما تعرفه وإلي تعرفه زيده .
ميثه : انزين ابويه ، خل الأولاد ينفعونك فمان الله ، باااي .
ابو ميثه : ياالله زعلتي يعني تعالي تعالي .
ميثه : لا لا مابي خلاص .
ابو ميثه : تعالي لااإنتي الدلع والولع وكل شي إنتي البجر .
ميثه: هيييييه صح صح قاعد تدهن سيري بس عشان ايلس وياك إلا أقولك إمايه وينها ؟
ابو ميثه : ياالله قومي سيري سيري خلاص ما اباج انا يالس عندج وتقولين لي امي وين ؟ ، صدق إنكن بنات النيدووو روحي دوريها ما عرفها وين .
ميثه : ههههههه ، مشكله إلي يغارووون .
راحت ميثه عند امها وهي تضحك تعرف إن ابوها وايد يغار ليش إنها تحب امها اكثر .
دخلت ميثه على امها في الغرفه لقتها تلبس .
ميثه : هااوين يا العيوز ، وين رايحه ؟
أم ميثه: عيز حيلج يا مسودة الويه ، انا العيوز ! انا إلا أكبر عنج بكم من سنه .
ميثه وهي تضحك : لا لا ، إنتي عمرج 19 سنه .
ام ميثه : هي خلج جيه cool هب تحطميني .
ميثه : اوووههه اوووههه cool بعد ، لالالالالا خطيره الوالده ، إنزين إمايه على وين إن شاء الله ؟
ام ميثه: شووووووو يايه تحاسبيني وين رايحه ووين ياييه ..
ميثه: اووووه انا شو قلت ؟ انزين على وين ؟
ام ميثه : انا رايحه دبي ازور عمتج ابوها مرقد في المستشفى ومن زمان مارحت لها .
ميثه : اقول إمايه انا بروح وياااج .
ام ميثه : يالله تلبسي .
ميثه: اوكيك يا كيك .
دخلت ميثه غرفتها .. وجات تتصل في سيف.
لقت عنده خط ثااني .
بندت . . .
رد إتصل فيها سيف .
سيف: الووووووو ..
ميثه : إنزين ما يحتاي تمدها اسمعك ههههه .
سيف: ههههههه ، فديت هالضحكه قولي أميييين .
ميثه: اخاف تدعي عليه .
سيف: لا والله قولي .
ميثه : آمييييييييييييييييييييييييييين (من خاطرها ) .
