سيف: الله يديم هالضحكه .
ميثه : اجمعين يا رب ..
ميثه : سياااااااااافي انا بروح دبي .
سيف: شو ؟ ليش ؟
ميثه : بسير عند عمتيه وبنزوووور ابوها مرقد في المستشفى ..
سيف: انزين بشوفج ؟
ميثه: سير إنقع إنزين ويا راسك يالله يا الله ، انا قلت لك ، يالله انا بتلبس ، بااااااااي .
سيف: ربي يحفظج ، ديري بالج على عمرج .
ميثه : وإنت بعد حبيبي .
سيف: شوووووو شو وشو شو ، ميثه ، شو قلتي؟؟ يرحملي واااااااااالديج عيديها .
ميثه ما كانت قاصده إنها تقولها بس طلعت جذا عفويه .
ميثه وهي منحرجه : شو قلت ما قلت شي ؟ يالله فمان الله .
سيف: : إنــز يي يي يي ن .
ميثه: يالله فمان الله ، باي.
( وسكرت التلفون وبعدين وافقت ميثه قالت يالله
خلني اشوفه ) .
بعد ما سكرت يلست تضحك على عمرها تقول انا عمري ما قلت هالكلمه شقايل الحين قلتها يا ربي اكيد سمعهاااا اوووووووووووف ..
راحت تلبست و ظهروا الساعه 5 العصر .
وصلوا مشتشفى راشد في دبي دخلوا الغرفه إلي فيها عمتها .
جان تدخل ام ميثه ، وابوها ، وميثه بعدها برع لأنها كانت مستحيه لأن هناك كان محمد ولد عمتها وفيصل وحارب وهي تستحي تدخل بس أبوها قال لها إدخلي ..
فدخلت وسلمت على الكل إلا محمد وفيصل وحارب .
محمد وفيصل وحارب جنهم عمرهم ما شافوا إبنيه في حياتهم !!
يالسين يطالعونها حتى عمتها حست بهالشي وجان تطلعهم عشان ميثه ترتاح ..
وفعلاً ميثه إرتاحت يوم ظهروا .
عمت ميثه: هلا مياثي ،شحالج حيااااتي ؟
ميثه : بخير غنايه وإنتي شحالج ..؟ و شحال الوالد ؟
إن شاء الله بخير وسهاله !؟
عمتها: بخير قالوا بيظهرونه يوم الأثنين .
ميثه: يالله حمدلله على سلامته ، وإن شاء الله خير .
( عمت ميثه كانت تبا ميثه حق محمد لأنه اكبر عن فيصل وحارب ) .
