ردت عليه ب مسج وكتبت :
إن غبت عني حن قلبي وتشره ..
وإن جيتني قلبي حفظ كل تقدير ..
إن كان تغليني على النفس مره ..
ترى غلاك يفوق بالوصف تعابير ..
سيف من شاف المسج تشقق لأن ميثه ما
تطرش له ،ولا تسوي له سالفه .
واتصل فيها وكلمته ...
سيف: هلا حبيبتي هلا والله .
ميثه : هلا سيف ، شحالك ؟
سيف: ههه إنزين ماشي حبيبي ما شي كلمه حلوه ياخي خاطريه اسمعهااااااا .
ميثه : جب يالله جب انا ما تعيبني هالسوالف ويا ويهك .
سيف: هيييييه من حقج بوووويه من حقج تقولين ويا ويهك ترى ويهج قمر ما حد يروم يقولج شي .
ميثه : جب إنزين بس خلصنا بعدك يالس في الخيمه؟
سيف : هي غنايه بعدني اقول حياتي اخواني يايين بكلمج عقب .
ميثه: اووووك ، باي .
سيف: ربي يحفظج .
وبندت عنه وسارت عند ابوها كان قاعد في الصاله ، وجان تي مييثه وحضنه ،فديتك ابووووويه فديت روحك وينك ؟ ما تقول عندي إبنيه بسأل عنهاا .
ابو ميثه: هههههه والله إنج خريطه إنتي تحبين امج اكثر عنيه شله اسأل دام الحب والحنان هناك وإنتو ناسيني ؟
ميثه : ابويه ؟؟ إنت ليش جيه شكاك والله إنك غالي واغلى من الغلا نفسه .
