كانوا في السياره ميثه وامها وابوها واختها الريامي و اليازيه ونادر .
راحوا القريه العالميه وكان وايد زحمه ومن طبع ميثه انها ما تحب الزحمه بس ما كانت تقدر تقول شي .
يوم وصلوا ابو ميثاء دخل من طريق Vip استغربت ميثه قالت بيردونكم ،كلهم سكتوا عنها ، كان واقف هناك شرطي ابو ميثه بطل له الجامه وسلم عليه .
واكيد كان يعرفهم ، لأن أحمد المزروعي هب شوي ، كان له مكانته في الجيش ، واول ما بطل احمد المزروعي الجامه ، قال له :مرحبا مرحبا الساع طال عمرك ، تفضل نورت دبي .
ميثه استغربت ! صارت بكبرها علامه تعجب ! غريبه !!
سكتت ميثه عن الموضوع ووقف ابوها في Vip ونزلوااا ويوم كانت نازله ميثه جان يزقرها ابوها .
.
ابوها : ميثه .
ميثه: نعم ابويه .
ابوها : اندوج هاي 2000 درهم اشتري لج إلي يعيبج .
ميثه : لا ما يحتاي ابويه عندي بيزات .
ابوها : يا ميثه انا ما ببخل عليج انتي بنتي وبجري ، انا ربيتج من يوم إنتي صغيره ،لين كبرتج وصرتي حرمه ، ببخل عليج وانتي في هالسن ؟
ميثه: والله يا بويه ودي اقول لك شي ، انا اسفه على إلي صار ، وأنا ادري إني نزلت راسك تحت في الثرى ، ولكن مافي إنسان ما يغلط في حياته ، بس المهم إنه يتعلم من غلطه ، وأبويه انا تعلمت من غلطيّه واتمنى إنك تسامحني وتكون راضي عليه .
( ميثه والدمعه واصله خلاص بس ناقص ترمش وبتنزل لأن طبع ميثه إنسانه حساسه اتفه الأشياء بتتحسس منها ) .
ابوها : ما عليه حبيبتي ، كل شخص لازم يتعلم من غلطه ، واتمنى أنج تعلمتي من غلطج وإلي فات مات ونحن عيال اليوم واتمنى ان هالشي ما تكرر مره ثانيه .
ميثه: لا يابويه إن شاء الله ما يتكرر ، وصاحت وجان تحضن ابوها.
ابوها : حضنها وسكتها .
.
وجان تي ام ميثه وتصيح لأنها وايد تحب ميثه وتخبلت يوم شافت بنتها تنضرب حتى أنها حايزت بس احمد طردها برع الغرفه فكانت ام ميثه بروحها تتعذب وهي تشوف بنتها تنضرب ، فحمدت الله على إنها ردت مثل قبل ميثه إلي يعرفونها .
