وجان تقول حق محمد يوصل ميثه عند بنات عمتها في البيت بدال اليلسه في المستشفى .
عمت ميثه: اقول اخويه ليش ما تخلي ميثه عند البنات في جميرا ؟
ابو ميثه : فديتج يا ختيه ،والله هاكيه البنيه جدامج شوفيها جان ودها تروح ؟
عمت ميثه: ها مياثي شو رايج إهناك حصه وموزة يتريونج توهم يتخبروني عنج .
ميثه : انزين بروح بس ابويه يوم بترد رأس الخيمه طوف عليه لأني ابغي ارد ما ابغي اتم في دبي .
ابو ميثه : ان شاء الله يالله قومي بوديج .
عمت ميثه : لالالالا ما يحتااي هاكوووه محمد رايح البيت خله يوصلها .
ميثه إهنيه انصدمت بغت تموت كان في خاطرها تشرد من الغرفه .
حتى احمرت وتموا يضحكون عليها .
وعمتها اتصلت في محمد وقالت له إي الغرفه عشان يشل ميثه
وهوعاد ما صدق داخل الغرفه وهو شاق الابتسامه .
دخل محمد : ها اميييييه بغيتيني بشي ؟
عمت ميثه: هيه امايه ود ميثه البيت عند خواتك .
محمد وهو الفرح هب شايلنه : إن شاء الله كم ميثه نحن عندنا .؟
وجان تطلع ميثه من الغرفه وهي بتموت ماا تباا محمد يوصلها .
طلعوا من المستشفى وراحوا ركب السياره ، سيارة محمد رنج ازرق رقم دبي ثلاثي .
ركبوا .. وووو سلم على ميثه وفيصل وحارب يضحكون عليه برع .
محمد يبا يكلم ميثه بس مستحي منها .
وميثه قاافطه ولافه وييها صوب الجامه عشان ما يشوفها .
محمد: ميثه .
ميثه وهي خايفه بتموت : نعم !
محمد : بلاج إنزين تقولينها جني باكلج .
ميثه : لا لا عادي ما فيه شي يالله خلنا نسير .
محمد: إن شاء الله .
محمد تغصص يبا يكلمها وهي تسد الطريج عنه .. كانت في هذاج الوقت تتمنى ان حد يتصل فيها عشان ما تكلم محمد تنشغل عنه .
وماحد اتصل وجان تقوم اتظهر تلفونها وكتبت حق ربيعتها شموهShamo0oheta9le le wala gtaltech .. abeech '6aroore
وشوي وجاان تتصل شموووووووه وتتشقق ميثووووووه اخيراً ، وإضايج محمد وردت .
شمووووه : هلاااااااااا بالغلاااااااااااا ..
ميثه: الســلاام عليكم ..
شموووووه : ههههههه ، عليكم السلاام .
ميثه: الناس يسلمون قبل ولا ما تعرفين السلاام ؟
شموووه : بس إنزين ذبحتينا ، هههههه .
ميثه: شحالج ؟
شموووه : بخير ، اقول الأخت صايره قصابه اشوووو ؟ شو بتجتليني .
