ميثه : ابوووووويه ابووووووووويه تعال شوي بغيتك .
ابوها : هلا ميثه يعني ما تشوفين عندي رياييل ! شو يايبنج ؟
ميثه : ابويه امنووو عندك داخل ؟
ابوها : خطيبج وابوووهه بعد إمنو ، اسميكم يا البنات مااااا تصدقون تسمعون ريااااال جان بتوايقون قبل الابو .
ميثه : هههههه اسميك حركات يا الشويبه انزين اقولك ابويه إن جان هم يايين عشان يشووفون الموضوع قول حق هالهرم ينسى وحده اسمها ميثه لا أي ألحين وأجلب عليه الدنيا مالت عليه وعلى شيفته ،وووععع ، يالله فمان الله .
ابوها مستغرب وقال: يعني ما تبينه ؟
ميثه : هي ابويه ما اباااااه خير شر الله يخليك ابويه قوله إني ما اباه خلاص .
( عافك الخاطر ) ههههههه .
ابوها : هذا هب وقت مصخره .
ميثه : ابويه انا ما اتمصخر اقولك ما اباه .
ابوها : خلاص روحي داخل وانا بيج عقب ..
دخلت ميثه داخل غرفتها وبعد نص ساعه أبوها يااا ، وخبرته الموضوع كله ..
طبعاً العلاقه بين ميثه وسيف قامت تزداد .وسيف كان يموووووووت يموووووووت يتعذب عذابب لو بس ميثه قالت كلمه حلوه بس طبعاً من طبع ميثه القاسي ما تحب تقول حبيبي وعمري وحياتي تقوله سيف بس ..
(( حااااااااف و منتف )) هههههه ..
فهو كان يباها تقول كلمه حلوه لوووووو وحده بس هي هب راضيه لأنه ما تحبه والحب عند ميثه هب مصخره الحب تضحيه بين روحين وبين جسدين الحب هب مجرد كلااااااااااام واوهااااااااام ..
.
مرت 6 شهوووووور وهم على هالحال ميثه كانت تحس إنها بدت صدق تميل لسيف مع إنها قاسيه معااااااه لأبعد الحدود . .
في يوم الجمعه كانوا العايله كلهم يتمعون بيت العم راشد المزروعي وكانت ميثه تلبس لأنها بتروح بيت عمها وجان يرن التلفون . .
وجان تلقى : Maleqah calling طبعاً إلي هو سيف إمسجلتنه " ملكه "
وردت .. السلاااااام عليكم ..
سيف : مرررررررررررحبا ، وعليكم السلام .
ميثه : ياخي إنت تتصل في وقت هب زين ، إجلب
ويهك خلني ألبس انا بطلع .
سيف : وين وييييين يا الغاليه ؟ ويييين إنشاء الله ؟
