شفق

١٥

ريتال:
فراس ما أريد اروح محد اعتذرلي كرامتي متسمح
قلت وأنا أحاول أن أجعل فراس ينزلني أرضًا
فراس:أمج حتذبحني
ريتال:منو گلها أني عدكم؟
فراس:خالة  ربيعة
ريتال:شدعوة ملزمت لسانها،اوكي وديني الهم
فراس:فراس تجيبها غصبًا عليها  لبيتنا لو ثنينكم ميجرالكم طيب هذا الگالته لهذا ريتال غيري ملابسج خلي نروح
ريتال:خاله أحجي وياه حبابة
أم أبراهيم:لا يمه كلشي ولا زعل امج من غير كلشي علاقتنا خربانة ميخالف روحي وشوفيها شنو تريد وبعدين أرجعي
ريتال:تمام نزلني فراس أني أمشي
وضعني على الأرض
مشيت بعض خطوات عندما ركض لي أحمد قائلًا
لا تدوسين عليها الزمي بيدي
أمسكت بذراعه
صعدت الدرج أوقفني أمام باب غرفتي ليوم وقال
أدخلي بدلي أنتظرج
ريتال:حبيبي أگدر أمشي والله متأذيني
أحمد:أعرف متأذيج بس اذا تمشين عليها تتأذين
ريتال:مراح امشي
أحمد:حلفي
ريتال:وداعتك
أحمد:أوكي
نزل يركض بينما دخلت وغيرت ملابسي ،أمسكت بحقيبتي ونزلت نسيت بأنني أقسمت لأحمد  بأن لا أضغط على قدمي ورفعتها فور تذكري وأكملت الطريق للمطبخ بقفزات
كان فراس يجلس وعلى حجرة أبنة أخيه الصغيرة
ريتال:كملت
فراس:أنتظري شويه ونروح
ريتال:لو تگوم توصلني لو أروح وحدي
فراس:گتلج شوية
ريتال:هسه
تنهد بأنزعاج وهو  ينهض وأعطى الصغيرة لوالدتها التي كانت خلف المغسلة تغسل الفواكة
حملت صغيرتها بين ذراعيها وأبتسمت وهي تقول
والله تونسنه بجيتج عيديها أمانة
ريتال:لأن تونست و ونستكم أمي دزت عليه متگدر اذا متضوجني
ريتال قالت خالتي التي تجلس في غرفة الضيوف بتوبيخ
،أرتدى أحمد حذائه وأمسك بكف فراس قائلًا
احمد:أروح وياك
فراس:وين؟
أحمد:نوصل ريتال
فراس:ما ارجع للبيت عندي شغل
ريتال:لتجذب على الطفل وگله ما اريد أخذك تكلمت والدته وهي تزيل كفه من كف فراس
لا ماما متروح شوف ملابسك من شوكت تطلع ببجامة ؟
أحمد:غير سيارة و وراها بيتهم هسة واذا
أم أحمد:ميخالف حبيبي غير مرة روح
مط شفتيه وعاقد ذراعيه أمام صدره وأخذ يضرب الأرض بقدمه قائلًا ،ما ،ما،  أريد هسه
قفزت لمكانه وأمسكت بذراعه
ريتال:معليك تروح ،لتباوعيلي حاخذه واذا بجامة  على أساس رايح بيت الوزير وبلگي تشوفه أمي وتسكت متسوي مشكله هزت رأسها موافقة
أمسكتُ بيده ومشيت لمكان خالتي عانقنا بعضنا البعض  ومسحت على وجنتي بكفها ثم قالت قبل أن أنهض لاتضوجين أمج أسمعي وغلسي لاتردين
ريتال:أن شاءالله ،أمسكتُ بكف أحمد وخرجنا وقف فراس معترضًا طريقي
فراس:تزاعلنا ؟
ريتال:اي
فراس:أمج الدزت عليج مطردتج
ريتال:المفروض تكللها تحتاج وقت شكم يوم وتجي
فراس:متعرفين أمج؟حيمشي وياها هذا الكلام ؟لو تگلي يوو أسفة خليها براحتها

معه حق لكن يبدو بأنني ورثت أحد خصالها التي أذمها وهي أفراغ غضبي في من لا ذنب له
ريتال:اوكي خلص الزعل،أبتسم نصف إبتسامه وسبقنا لسيارة أخوه
جلست وعلى حجري أحمد الذي رفض في البداية  خوفًا من أذية قدمي