شفق

٦٥

أني اذا ما أطيح بثنين أطلع أركص بالشارع
ضحك السائق ونظر من المرآة بأستمتاع وهو يرفع حاجبيه
السائق:وريتال شتسوين اذا تنجحين؟
ريتال:ما أسوي شي لان ناجحة ناجحة
السائق:شبيج ما تشاقين بنات هم هيج وياكم لو بس اني؟

سئل ساخرًا نظرت من تجلس بجانبي بطرف عينيها
هي رتولة هيج
ريتال:لا بس وياه ليش تچذبين
ضحك وضن بأنني أمزح
ريتال:لان ما أطيق سوالفك من تسكت تصير أحلى
نظر بأنزعاج وعدل نفسه بالكرسي ,نظف حنجرته ,سعل كذبًا حاولن زميلاتي يمنعن ضحكتهن .

السائق:لا عمي أنتِ ما تتحاچين هاي البنات شحلاتهن بس انتِ مدري شبيج
ريتال:أستغفرالله ربي وأتوب أليه بيه جني ، ليش تحچي وياي اذا ما أتحاچه؟أسكت عني.
السائق:وشلون يخلص الطريق اذا أسكت عنج؟
اءء بله شو علي الاغنية ما أسمع
طلبت من تجلس جانب الباب نفذ

السائق:لا هو هذا غرور الدكاترة عرفته ،مع الاسف بعدج ما تخرجتي
ريتال:اي هو غرور الثيران ولا تحچي وياي بعد
ضحكت من تتوسطنا ضربتها الأخرى على كتفها موبخة
بينما من تجلس في المقدمة لا يُسمع صوتها
السائق:هذا هو أسفين ست الدكتورة ما نحچي بعد
ريتال:ياريت

نظر في المرآة
السائق:ان شاء الله تنجحين بس اذا مانجحتي گليلي وين تركصين حتى اچي أشوفج.
أحمرت الفتاة خجلًا ولم تستطع الرد
السائق:أشاقه وياج شبيج
أضاف مبتسمًا ،هو يمزح حقًا ولم يكن يقصدها بطريقة جنسية او شهوانية لكن طريقته بالمزاح من أغبى الطرق لأنها تُقلل منه ومن المقابل،  وهو لا يريد أن يرى ذلك.

غير الحديث وبدأ يتحدث عن السيارة الجديدة التي سنركبها السنة القادمة أن كان هنالك سنة قادمة معه ،مواصفاتها لونها سرعتها لا أحد مهتم أحدهن تهز رأسها وهي تقلب بهاتفها وتمثل التركيز ،والأخرى تقول واو وبعض كلمات أعجاب أخرى بعد كل جملة لا أحد يريد إحراجه اما الوسطى ضربتني على كتفي لتنبهني

سمعتي شگلت؟
ريتال:ء ها لا صافنة
أبتسمت
سئلتج على صديقتج
ريتال:زينب؟
قُلت بسرعة
اي ،ما شفتج وياها اليوم
ريتال:ماعدها أمتحان اليوم
عاقدت حاجبيها بأستغراب لأنها تعرف بأن زينب تحضر من أجلي

ها حرامات ردت أسلم عليها،سلميلي عليها أنت
ريتال:وصل
زينب اه يا زينب، لا نتحدث منذ شهرين وهذه أطول مدة لنا فنحن نتخاصم ونتوقف عن الكلام مع بعضنا البعض أيام لكن أشهر هذه أطول مدة والسبب اه ،أريد أن أقول بأنه سخيف لكن جرحتها وهي فعلت المثل كلانا جَرحت وأذت الأخرى نتيجة ما تشعر به وللأسف كلانا نتنتظر الأخرى تعتذر .

أسترجاع

زينب:نايمة بملابس البارحة والوجه منفوخ وتگول مابيه شي لج بابا أفتهمي مو زين الج أستوعبي ثنينكم ما تنفعون سوه
ريتال:خلاف صغير وأنحل لا تكبرين الموضوع
زينب:ما يحتاج أكبر شي هو چبير من الأصل حاولتوا وماگاعد تنجحون گوه الشغلة لو شنو؟
ريتال:گتلج خلاف صغير وأنحل
زينب:ترجع تگول أنحل