شفق

٧٥

ياسر

صوت الباب تُطرق على التوالي ومن شخصان أميز ضرباتهن جيدًا
تعالي رنا
فُتح الباب دخلت رنا وظهرت من خلفها ليا تركض

رنا
فتحت الضوء  أغلق عينيه ثم رفع ذراعهُ  ليحجب النور عنهما.
ياسر:ليش فتحتي الضوه؟
رنا:لان ظلمة
ركضت ليا وقفزت عليه تلقفها ثم أستقام مسندًا ظهره للسرير أجلسها على حجره وقبلها بعض قُبل متتالية على كلا وجنتيها جلستُ على طرف السرير أبعد قدميه ليفسح المكان لي
ياسر:قولي
قال من غير أن ينظر لي
رنا:ليش گالب خلقتك عليه؟
ياسر:تعرفين
قال وهو ينظر بغضب
يأخذ موضوع تغيبي عن المدرسة لأربعة أيام متتالية بشكل جدي
رنا:ترى بابا ما قال شئ
ياسر:وينه أبوج؟
غادر قبل يومان صحيح لكنه كان هنا عندما تغيبت لم أقل شئ تابع لعبه مع ليا
رنا:ليش نايم بملابسك؟
ياسر:ماحسيت على نفسي
رنا:حتى السترة ؟
ياسر:ماحسيت على نفسي  أعاد قبل أن يتنهد بغضب قولي  شعندج ؟
رنا:علياء تريد هويتها
نظر بعدم فهم
ياسر:واني شكو؟
رنا:هويتها يمي
ياسر:ليش؟
رنا:نستها
ياسر:قبل يومين يمهم ليش ما أخذتيها؟
رنا:يا يومين راح يصير أسبوع
ياسر:نفس الشي
قال بغير أهتمام
رنا:توديها؟
ياسر:خليها
رنا:هسة
نظر بأنزعاج
ياسر:شتسوي بيها؟
رنا:أروح أگلها شتسوين بيها؟
ياسر:مستعجلة عليها ؟
رنا:ياسر شمعرفني قالت أريدها گتلها تمام أقل لياسر  يجيبها
ياسر:باچر أوديها
رنا:مستعجلة عليها
تأفف بأنزعاج وهو يخلع سترته
ياسر:وينها؟
أخرجت الهوية من جيبي وأعطيتها له أخذها ووضعها على الطاولة جانبه .

رنا:البنية تريدها
مسح وجهه بغضب
نهضتُ من مكاني
رنا:رايحة أقلها...
أمسك بي من ذراعي
ياسر:وين؟
رنا:رايحة أگل لعلياء ياسر ما يقبل يجيب هويتج
ياسر:الله يجيبج يا طولة البال ،قلت ما أروح ؟
ترك ذراعي
رنا:ما يحتاج تقول
ياسر: أكعدي ليا لاتلعبين
أنهى وهو يوقف ليا عن العبث بالإدراج
رنا:ما تريد تروح
ياسر:اي
أقتربت ليا منه معانقة عنقه من الخلف
ليا:شنو هي ؟
سحبها من خلفه و أجلسها على حجره مجددًا
ياسر:هوية علياء
ليا:شنو هوية؟
ياسر:شنو هوية نظر لي رنا تشرحلج
رنا:عمو يشرح أحسن مني

ياسر:تعبان
رنا:من شنو ؟لا تقول  من السفر لان صارلك يومين راجع
ياسر:تعبان من لا شئ الج شئ عندي
رنا:حباب روح وديها
ياسر:اكو شي؟تريد تنهزم مثلًا وتحتاجها لو شنو ؟
رنا:أسئلها، شعندك وماتروح؟
ياسر:شغل، رنا عندي شغل
رنا:وين أكو شغل هسة
ياسر:باجر عندي محكمة ولازم أراجع المرافعات و الوقت
رفع معصمه ونظر لساعته، تأخر و ازدحامات ، مالي  خلگ روحي  هسة أتصل بفراس يچي ياخذها
أبتعدت ليا عن حجره  وعاد للخلف قليلًا
ياسر: تمام هيج ؟
رنا:اهم شي توصل مو مهم شلون

تكلمت ليا وهي تقترب منه
ليا:أروح وياك
مال برأسه لها
ياسر:وين؟
ليا:لبيت منى
ضحك
ياسر:شتسوين ؟
ليا:أشوف البزونه
تنهد
ياسر:خالج بالطريق حتى  ياخذج واني مااروح من تروح رنا روحي وياها
رنا:وين أروح؟
ياسر:رنا روحي بخشمي كافي
قال بنبرة مرتفعة قليلًا تنهد ماسحًا وجهه بكفه وتحدث وهو يعتصر عينه
ياسر:بس فهميني شتريد بيها يعني عندها شئ حتى مستعجلة عليها؟
رنا:مااعرف كل الگالته قبل أربع أيام أريد هويتي
أبعد كفه عن عينيه
ياسر:أربعة؟قبل أربع أيام وهسه تذكرتي ؟
رنا:ليش شايفتك أني
تنهد
ياسر:هسة أشوف فراس
رنا:ماشي
مطت ليا شفيتها  بأنزعاج ونظرت لي
ليا:أريد أشوف البزونه
رنا:ماكو بزونه شمروها منى قالت
بكت
وبخني ياسر الذي كان يبحث عن هاتفه
ياسر:ليش تچذبين عليها؟
رنا:أخذها
وجد الهاتف وبدأ يبحث عن رقم فراس
كانت تبكي بصدق وليس بكاء مصطنع
رنا:ليا حبيبتي يمكن شمروها لأن أمها تريدها خطية
توقفت عن البكاء
ليا:منين عرفتي؟
رنا:علياء قالت
أبعد الهاتف عن أذنه
ياسر:فراس مشغول خطه
دخلت والدتي
حنان:ليا ماما أچه خالو
نظرت لي مقلصة عينيها
ليا:يعني ماكو بزونه ؟
رنا:لا
حنان:شنو البيدج؟
رنا:هوية علياء
حنان:شتسوين بيها؟
رنا:أشوف أحد يدزها الها
نظرت لي ثم لياسر
حنان:ليش ياسر شعنده مايوديها؟
رنا:ميق ...غيرت جملتي بسرعة عنده شغل
حنان:اها وأنتِ منين تشوفين واحد؟
رنا:ما اعرف
نهض من مكانه أخذ سترته من على السرير ثم سحب الهوية من يدي بسرعة
ياسر:أرجع وأتفاهم وياج على المدرسة
رنا:شدخل المدرسة بهوية علياء
لم يقل شيئا لأنه كان قد غادر،يبدو بمساعدتي لعلياء فتحت بابًا على نفسي كنت مرتاحة   لأنه لم يقل شئ عندما علم بتغيبي .