شفق

٦١

ريتال
الهاتف يرن رسول من يتصل هل وصل بهذه السرعة ! أجبت بسرعة
ريتال:لا تگول وصلت بعدني ممكملة
ضحك
رسول:لا ما وصلت
تنهدتُ براحة
ريتال:خوفتني عبالي وصلت
أين وضعت حقيبتي والحذاء أختفى أيضًا
ريتال:اي گول ليش ساكت
رسول:مو مشكلة اذا تأجلت الطلعة ؟
جلست على السرير

ريتال:ليش؟صار شي
رسول:صديقي محتاجني بشغلة ضروري شغلة معاملات دولة
ريتال:ها فهمت وين چانت هاي الشغلة يعني ليش هسة طلعت
رسول:نسيت
نسيت أن تخبرني أم نسيت موضوع صديقك وذكرك هو أيهم نسيت أنا أم العمل؟
ريتال:اي عادي ماكو مشكلة
رسول:ما تضوجين؟
ريتال:لا لا  براحتك
ليس وكأنني أستيقظت مبكرًا وجهزت نفسي اني هم بعدني بالبجامة هيج أحسن

رسول: ها زين حتى ما تبدلين
ريتال: اي صح ء وين أنت هسة؟
رسول:بالطريق رايحين نكمل شغلته
ريتال:ماشي أخذ راحتك الله وياك
رسول:لحظة زعلتي؟
ريتال:لا
رسول:وليش لا بعصبية؟
ريتال:لان ما أحب الملحة
رسول:اها فهمت ماشي من تهدين نحچي
ريتال:ماكو شي نحچي
رسول:مثل ما تحبين
ريتال:الله وياك

لن أفكر كثيرًا  حتى لا أنزعج لا شي حصل لديه عمل مهم والا لما يلغي موعدًا هو طلبه وأصر عليه رسول ليس مذنب بشي ربما كل ما في الامر أن الارتباط لا يليق بي التزين والتفكير وتوبيخ النفس المستمر لأنني أنزعج منه هو ناتج مني ليس وكأنه يفعل ذلك متعمدًا ، فُتح الباب والدي رسمت أبتسامة على وجهي.