شفق

٤٧

منى
كل قرار تأخذه يا عناد بينا يا قلة صبر منها ماكو قرار أخذته بشكل صح
ماما تقول لبابا الذي يصغي بصمت

أنفال:ما أحچي على رسول ولا ضايجة لان مقبلت بي لان هذا الموضوع چبير وزواج وهي التعيش وياه بس..
صمتت تنهدت بثقل كبير وعبثت بخاتمها
أنفال:رفضته لان ملت منه وعناد بينا
جواد:مكبرة الموضوع كلشي قسمة ونصيب وبكيفها
أنفال:محد معترض بس هي چانت راضية ومبينة فجأة نامت گعدت گالت ما أريده

جواد:التردي شنو؟
نظرت بأنزعاج
أنفال:الاريده!؟ سلامتك جواد كلشي ما أريد
دارت كتفها عنه ونظرت للأمام للتلفاز
وضع بابا جهاز التحكم من يده
جواد:انتِ هم ماقصرتي أگلتي راسها اكل بي من الاول گالت ما أريده وبنفسج گلتيلي
التفت له

أنفال:بس من شافته گالت زين
جواد: زين ما يعني قبولها ،فكرت وقررت وشافت نفسها متريده هذا هو قابل غصب
أنفال:اسم الله على ريتال منو يگدر يغصبها ؟
جواد:لا يگدر، وانتِ سويتيها وماراحت وشافته بس حتى تخلص من لحج
أنفال:شگتلك؟
جواد:لا بس أعرفها واعرفج وكافي أنفال سدي الموضوع رحمة لأهلج لان ما صدگت البيت يصير عادي بدون سالفة يومية تنعاد ، لو تعودتي الا مشكلة نسولف بيها؟
أنفال:اي تعودت...اخذ جهاز التحكم ورفع الصوت صمتت ماما ولم تقل شيئًا بعدها نظر لي وأبتسم

جواد:خوما ضجتي من البيت؟
منى:لا بس أشتاقيت للمدرسة شوية
جواد:تردين تداومين؟
منى:اي كافي أسبوع
جواد:خوش ارجعي
أنفال:شترجع ليش تگدر تمشي
جواد:ماداخلة سباق جري كاعدة بالرحلة وساكتة
أنفال:رجلها وين تخليها؟
جواد:فوگ راسي أنفال، تخليها فوك رأسي التفتت لي هذا هو بابا لا تداومين رمى جهاز التحكم من يده ونهض غاضبًا

أنفال:شبي أعصاب ؟قالت وهي تنظر لي، صاير كبريت محد يحچي وياك أكملت بصوت مرتفع لتجعله يسمع

ماما تحب الحديث عن كل شي ولا يهم أن كآن شيئا كبيرًا او صغير تحب مناقشة كل شي مهما كان وتحب أيضا أن يسمع منصتها بتركيز وأغلب المرات تحب أن يوافقها بما تقول بينما بابا ،امم هو ينزعج بسرعة ويحب مشاهدة التلفاز بهدوء لا يحب الحديث الا بأمر مهم عدا ذلك يمكنه أن يجلس بصمت طويلًا دون أن يتضايق لا يحب الإطالة بالحديث وكل شي لديه بسيط اضن وهذا لا يعجب ماما أبدًا.
نزلت ريتال وخلفها علياء

ريتال:وين بابا؟
أنفال:ما أدري
جلست بجانبي مكان بابا سابقا نهضت ماما بسرعة وغادرت جلست علياء على الجانب الاخر وأصبحتُ في المنتصف
علياء:تعاركوا؟
منى:ءء ل....
ريتال:على موضوعي؟
قالت قبل أن أكمل ،نظرت لها أومأت تأفأفأت وهي تعاقد ذراعيها أسفل صدرها وتعود بظهرها للوراء
ريتال:ماطلع رسول أنتقام نزل على رأسي
تأفأفأت مجددًا ونظرت لي

ريتال:بابا ضاج مني؟
منى:لا
ريتال:شحچوا؟
لا أضن بأنها ستُعجب بما دار بينهم لذا
منى:هيج شغلات يعني مو مهمة
ريتال:منى
نظرت محذرة
أن تحدثت ستفتعل شجارًا وماما تحتاج لمن تتشاجر معه الان لذا ليس من الجيد حدوث هذا،
منى:اء امم هذا هي سامعتج مرة تسولفين ويه زينب وتگليلها أتفقتوا تبقون تحچون سوه وهيج