شفق

٤١

علياء

شوكت ترسميني؟رفعت رأسي عن الورقة و نظرتُ له،
بديت أغار من كل الترسميهم وهذا الشي مو حلو أكمل ،
وضع كفه على صدره وتظاهر بالألم ،اه تقبلين أموت غيره؟ضحكت
علياء:لازم تجرب تصير ممثل لان كلش شاطر
تركت كفه صدره أقترب مني نظر لعيني وما داخلهما
طيف:اذا بس انتِ تمثلين وياي أقبل غيرها لا
خجلت من نظراته وأعدت لأكمل الرسمة
طيف:منو هاي؟أشار للورقة
علياء:أختي الچبيرة صاير تنسى
طيف:ريتال مو؟ مو أنسى بس  تتغير بكل رسمة عبالك  حرباية
انهى مازحًا
علياء:لا بس على حسب اللبس والشعر تتغير وم.....
قاطعني وأكمل عني
طيف: ومرة نظارة ومرة بدون ومرة تضحك و مرة صافنة
أبتسم نظر للرسمة بضع ثواني ثم لي
طيف:أحسدج
علياء:على شنو؟
أشار بأسبابته على الورقة
طيف:تعرفين ترسمين
علياء:مو صعب تگدر تتعلم
ضحك
طيف:موصعب!ما اعرف ارسم وردة مو النوبة بشر مثلج
علياء:أعلمك؟

عرضت بحماس وكنت أعنيه حقًا سأعلمك أي شي يا طيف فقط قل ما تريد وكل ما أعرفه هو لك حرك رأسه نافيًا

طيف:يكفي واحد بينا يعرف يرسم وين المتعة اذا ثنينه ؟خلي بيتنه يكون بي رسام واحد
علياء:بيتنه!؟
أومأ مبتسمًا

طيف:اي بيتنا الراح يكون أحلى بيت بالدنيا تملي ورق بكل مكان واقلام واول ما أدخل اشم ريحة الوانج بدل الطبخ واكلج علياء شنو ناكل لوحات أنهى بنبرة مسرحية ممثلًا ومتقمصاً الشخصية ضحكت وتابع ،بس بالحقيقة اذا دخلت بيوم وماشميت ريحة الألوان راح اضوج لان علياء مو بمزاجها وضايجة من شي لهذا ما ترسم صمت نظر نظرته الطويلة واسدل أهدابه بثقل، اذا أريد أشم ريحة وحدة بحياتي أريدها ريحة الوانج واذا أسمع صوت واحد أريد صوت، تنهد بنشوة وراحة مثيرة، صوت نفسج والتنهيدات المحد يسمعها غير روحج وصوت القلم من ترسمين واذا أريد أشوف شي واحد عمري كله اريد أشوفج وانتِ ترسمين والشي الوحيد الاقبل تحبي وتنطي كل العندج بدون ما اغار واتزعطط ضحك هو هذا وضع كفه على الورقة
أبعدت نظري عنه وأردت أن أختفي من خجلي

علياء:اء تبالغ الدنيا بيها هواي شغلات
طيف:الدنيا عندي علياء
مستمر بالنظر حتى وأن لم أنظر له رفعت رأسي تلاقت عيني بعينه
علياء:اكو هواي اصوات و حرك رأسه نافيًا قبل أن اكمل أقترب اكثر رفع بأطراف أصابعه غرتي
طيف:انتِ الدنيا
همس أمام وجهي أمسك بوجنتي بكفه وأقترب أكثر طابعًا قبلة عليها متنهداً مكان القبلة قبل أن يبعد شفيته ويعيد أنتِ الدنيا

أبتعدت خجلة وقلبي يطلب المزيد تلمست مكان القبلة وتظاهرت بمسح أثر شفتيه منزعجة وداخلي يرد أن يتلمسهن لا مجرد أثر

علياء:ما أحب هيج وتعرف
أبتعد قليلًا
طيف:أسف أخر مرة
علياء:أذا عدتها
طيف:أخر مرة
قطع جملتي وهو يضع كفه على الورقة مبتسماً
طيف:كملي خلي نشوف ريتال شلون تطلع اليوم  صدك تعرفين تطبخين؟
علياء:حلويات
طيف:حلويت شنو اكل عادي
علياء:لا
طيف:سهلة تتعلمين كملي ريتال وبعدين نشوف موضوع الاكل