شفق

٤٢

ريتال

طلاب گدامگم التيست تيوب (أنبوبة أختبار ،Test tube ) وداخله المادة أبدوا أشتغلوا وطلعوا النتائج اليريد مساعدة يگلي او يطلب من گروبه ،ورجاءً رجاءً لا تلعبون بكيفكم وكلشي يرجع لمكانه من تخلصون لا تگلبون المختبر
يله أبدوا  ما أريد أشوف احد واگف بدون شغل غزوان أخر مرة أكلك سد الصدرية لا تنطرد

أعادت أستاذتنا جميلة الطلة صاحبة المادة التي لا أحد يحبها  تحذيرها الذي بدأت به المحاظرة لزميلنا الذي يرفض تطبيقه .

زينب:يعني راح تشوفينه ؟
تركت ما أفعل
ريتال:زينب انتِ تسوين هيج حتى تجلطيني مو ؟لا ما اسئل اني متأكدة ليش تطلبين أعيد كل شوية؟
طلاب اشتغلوا بهدوء
طلبت وهي تنظر لي
زينب:بس حتى اتأكد
همست زينب التي تحظر هذه المحاظره معي واستغلت لطف الاستاذة بالسماح لها رغم أنها لا تفعل ذلك في العادة.

ريتال:اي
زينب:باچر؟
ريتال:لا بعد شوية

أوقعت دورق القياس البلاستيكي الفارغ  أصدر ضجيج وهو يسقط ودار بضع دورات حتى أستقر لحسن الحظ لم يجلب اي أنتباه لان الكل كان  مشغولًا بما أمامه.
زينب:مو گلتي باچر؟
ريتال:لا ماگلت باچر من چيبج چبتيها
انحنيت للدورق البلاستيكي وأخذته من الأرض وأعدته مكانه جانب باقي الادوات أحاول التركيز بما طُلب مني وأيضا عمل المطلوب مع باقي الزملاء وكذلك الاجابة على أسئلة زينب الغبية

زينب:ليش مو باچر؟
ريتال:بكيفي
زينب:انتِ حددتي لو هو؟
ريتال:هو
بعد أن أتصل وقال دون مقدمات بأنه يرغب برؤيتي وحدد اليوم فاتحًا الباب لأي عذر قد أقوله عن الوقت سامحاً لي بتغيير اليوم أن لم يكن يعجبني .

زينب:اها زين متحمسة؟
ريتال:لا
زينب:ضايجة؟
ريتال:لا  ليش اضوج؟
زينب:ليش ممتحمسة لعد؟
ريتال:يعني اذا ما أتحمس لازم اضوج شنو هالمنطق هذا؟
طلاب صوتكم
رفعت رأسي لم تكن تقصدنا هذه المرة
ريتال أنطيني الاثير من يمج طلبت زميلني أعطيتها ،و تيست تيوب جديد أضافت وهي تأخذه نفذت الكل بدأ عمله وانا مازلت أقف أرد على زينب  

ريتال:نكمل بعدين
زينب:لا،هسة بعدين وين أشوفج عندي محاظرة
وضعت ماء داخل أنبوبة الاختبار وأنتظرت تحول المادة الذي لم يحصل
ريتال:خرب
زينب:شعجب هو الحدد موانتِ؟
رميت مابداخل الانبوبة وأعدت من جديد المادة المجهولة ذاتها و خمسة بالمئة من (NaOH) (هيدروكسيد الصوديوم) وأنتظرت التفاعل او التغير الذي لابد أن يحصل كون الماء لم يفعل شيئًا لوحده.
ريتال:صوتج لا تزعجين البنات
همست أمام وجهها
زينب:ما أشوفهن متضايقات ركزي برسول ليش اليوم مو باچر؟ وليش هو الحدد مو انتِ ؟شوگت تلحگين تغيرين ملابسج شوكت ترتاحين
حصل تغير الان الخطوة التالية
ريتال:ذابت الحمدالله
أفرغت الانبوبة وأعدت المادة المجهولة من جديد مع أضافة خمسة بالمئة من (NaHCO3)(بيكربونات الصوديوم،يعني الصودا مال الخبر ) التفت لصديقتي قبل أن أضعها معها لإتأكد
ريتال:خمسة بالمية مو؟
اومأت ،نظرت لزينب التي تنظر جواب
ريتال:عادي
زينب:هو شنو العادي؟
غزوان سد الصدرية
طلبت بنبرة مرتفعة الاستاذة مجددًا من غزوان الذي يرفض أغلاق معطف المختبر لسبب ما
ريتال:الموضوع عادي وكافي لا أنطرد
التفت للبنات لا يبدوا عليهن الانزعاج ومندمجات بالعمل وهذا جيد لأنني لو كُنت مكانهن لما تحملت  زينب.