شفق

٧٨

نور:أريد بنية ،لا تلاثة
أضافت بسرعة رفعتُ رأسي ونظرتُ لها
رنا:تلاثة؟
نور:اي
رنا:ليش تلاثة؟
أبتسمت
نور:أحلى، الألعاب تصير حلوة اذا تلث أشخاص تخيليهن يلبعن بيت بيوت جارات ووحدة من عدهن عدها بنية ،الله يخبلن
أبرار:أحبلي منو لازمج
نور:عمة مو گدام رنا بعدها صغيرة
نظرت لي عمتي
أبرار:و رنا خطية ما تعرف المرأة شلون تحمل مو؟
نور:مو حلو نسولف گدامها هيج
أبرار:أحنه مو حلو بس ام لسان الطويلة وعلياء يسولفن گدامها عادي
نور:منين تچين هالحچي ؟طبعًا مايسولفن هيج سوالف
أبرار:اي صدكت
نظرت لي نور بمعنى أكدي ما قلت
رنا:نسولف شغلات عادية
أبرار:صدكت
نور:يوو عوفن هذا الموضوع وأرجعن لبناتي، تلاثة حلوات مو؟
أبرار:دخلفي وحدة ويصير خير على الإثنين الباقيات لو لبيب عطلان مايشتغل
نور:عمة رنا منا.
قالت بغضب وعمتي تضحك هي من تجلب لنفسها ما تقوله عمتي
نهضت نظرت لي
رنا:رايحة أشوف لبنى
أبرار:ليش ما تچي تكعد يمنا لو نبزز
قرصتها نور على ذراعها
نور:لا تسمع عيب
أبرار:شگلت قابل
نور:گاعدة يم بابا عوفيها هي چاية تشوفه أصلًا سلمت وسوت الواجب تگعد يمنا ليش
تركتهن وغادرت أبحث عن لبنى التي كانت في غرفة المعيشة تجلس على الأريكة وتنام على حجرها ليا او تستلقي لأنها غير نائمة  و والدي ليس هنا جلست بجانب قدمي ليا
رنا:بابا وين؟
لبنى:راح قبل شوية ما أعرف وين يمكن بالحمام لو بالحديقة هنا
هنا،لم يكن يومًا هنا لا أحد يعرف متى يأتي ومتى يغادر
لبنى:بيج شي؟
نفيت برأسي
لبنى:المدرسة مضوجتج ليش تغيبين هواي؟
رنا:ياسر گلج مو؟
اومأت
لبنى:سئلته وجاوب
رنا:اي
لبنى:اي شنو ؟ضايجة من المدرسة ؟
رنا:لا ،اي على ياسر
لبنى:عوفي ياسر وگليلي شبيج
رنا:ماكو شي
لبنى:ليش ما تداومين؟
رنا:ليش أداوم حافظة المواد من العام
عقدت حاجبيها بعدم فهم
لبنى:ليش عدتي لعد؟
تنهدت
رنا:ماأدري
نهضت ليا من على فخذها
ليا:أروح أدور جدو
قفزت بسرعة راكضة أقتربت لبنى وأخذت مكان ليا سابقًا
لبنى:أذا ضايجة من شي لو أحد مضوجج قولي مو الا الي لأي احد حتى لو علياء بس اهم شي احچي لا تضمين بگلبج كلشي اله حل
أومأت بفهم
صوت ليا تضحك مع والدي أبتسمت لبنى
لبنى:لگته
ظهر والدي وهو يحمل ليا
طه:رايح أشتري للحلوة
غادر و ظهرت نور
نور:ان شاء الله يوم اليشيل بناتي
ضحكت لبنى
لبنى:بنات !مو وحدة
جلست جانبي
نور:تلاثة
لبنى:ماشاء الله وان شاء الله وره بعض؟
نور:اي طبعا فرق سنة سنة وشوية
لبنى:حلو وضامنة يجون بنات ؟
ترددت نور
نور:لا بس ان شاء الله
لبنى:واذا طلعوا ولد؟
نور:مايطلعون اهو لبنى لو أدري ما مسولفة اروح لعمتي احسن  بس هي تفهمني
نهضت نور
لبنى:شلون متفقات وهن وحدة غرب والثانية شرق محد يعرف
رنا:ليش ما تچينا هواي؟
تنهدت
لبنى:بدون سبب بس كلكم ملتهين ودنتشاوف عادي مو مهم المكان
مو صح؟
رنا:صح
لبنى:علياء شلونها ؟
رنا:زينة
لبنى:كلش لطيفة تدخل القلب
رنا:اي تنحب بسرعة
لبنى: ليا تحبها بس تعرفين تحب منو أكثر
رنا:منو؟
لبنى:ريتال
قالت بنبرة مقلدة ليا عندما تقول إسمها
لبنى:ما خذه عقلها كلش
لا اضن بأن عقل ليا فقط، فعمها قد يكون كذلك
رنا:ريتال فد شي إنسان ثاني بحياتي ممصادفني مثلها لسان وتحسيها جاهزة تعارگ بأي لحظة بس حنونة وطيبة وتحب أهلها هواي يمكن حتى أكثر من نفسها على العلم شكلها ما ينطي هيج ابد
لبنى:روحها ما تشبه شكلها
رنا:بالضبط بس الاثنين حلوين
لبنى:الله يحميها
أرتفع صوت نور وعمتي نظرت لي لبنى
لبنى:نروح نشوفهن لو نروح نشوفلنا مكان قبل لا يچن هن وعرگتهن؟
الثاني يبدو أفضل.
علياء
أم هبة:أگلها يتقاعد تگلي شنو بيها أنفال شبيج؟
أنفال:اي مابيها شي هو هم مو صغير كافي عليه
أم هبة:يگابلني ويگعد فدوة ناقصة اني
أنفال:وين اكو احلى من هيج
ضحكت ساخرة
أم هبة:أنفال لا تقيسين على روحج وجواد اني وياه نار وبارود  لو يگتلني لو أگتله
أنفال:مايصير شي كلها شكم يوم وتتعودين عليه لو يغير رأيه ويبطل
أم هبة:ان شاء الله يبطل هسة دنتظر هن شكم سنة والدولة تطلعلك هو لا الا يطلع وحدة
أنفال:اللة كريم
نظرت لي
أم هبة:ريتال وين شو ما الها صوت؟
علياء:بالدوام
أم هبة:تأخرت
أنفال:على چبه
ام هبة:زين
لم تقل شيئًا وصمتت لثواني
أم هبة:بس لا يسويها صدك ويتقاعدعلياء تعرفين تقيسين ضغط لان راح انجلط