أكثر ما أكرهه بعملي هو تعاملي مع أشخاص يصعب إقناعهم بحل لقضيتهم والتي في الغالب تكون سهلة ،وكأنهم يحبون أن يطيلوا ماهم به كالفتاة الشابة التي تجلس أمامي هي ووالدتها
ياسر:آنسه نرجس الموضوع جدًا بسيط الصور لرسائل التهديد والسب عندج؟
أومأت برأسها مؤكدة ،رحتي قدمتي بلاغ بمركز الشرطة ؟
أومأت مجددًا خلص ننتظر و نشوف
نرجس:بس الشرطي گلي حنرفع القضية لقاضي التحقيق ومن بعدها تصعد محكمة
سأغرز القلم في عيني تنفس وأهدأ واشرح لها مجددًا
ياسر:عزيزتي الكلام هذا مايصير
نرجس:ليش ؟هو گلي يصير
ربما سأغرزه بعينها
ياسر:بس ركزي وياي للمرة الاخيرة رفعتي القضية البارحة
يعني الأربعاء اليوم احنه خميس باچر والبعده عطله الأحد راح يراجعون الأوراق ويقررون اذا تروح لقاضي التحقيق لو لا ميصير الموضوع بيوم ليلة
نرجس:بس هو گلي
ياسر:واني المحامي مالتج وأكلج ميصير هذا الموضوع هيج
نرجس:لعد ادفع رشوة ويستعجلون بالموضوع ؟
لا فائدة سأفقد أعصابي التي أشتهر ببرودها
ياسر:عزيزتي بس ركزي وياي، القضية على بعضها تنحل بتراضي وحتى دعوة ماتحتاج وانتِ صاحبة الحق ليش مصرة تتصرفين تصرفات تخلي الحق عليج؟
رفعت حاجبها ونظرت بأنزعاج لي ثم لوالدتها وقالت مجددًا
نرجس:يعني ماتصعد محكمة؟
ياسر:لا
صمتت مفكرة لقد فهمت ،أتمنى
نرجس:مفهوم شوكت يطلبنا القاضي و نحچي گدامه؟
أستعجلت لم تفهم ولا تريد أن تفهم
ياسر:تردين تدخلين محكمة ؟
نظرت بغير فهم
ياسر:اذا عاجبج تشوفين المحكمة والقاعات گليلي أشوفلي يوم واخذج ،قضيتج ماتحتاج تصعد محكمة وتنحل بسرعة سأشرح مجددًا
ياسر:مثل مسولفنه بالبداية وكررته مو كل قضايا القاضي يطلب الخصوم اكو قضايا متحتاج وقضيتج على الاغلب وحده منهن
نرجس:امم فهمت
هذه المرة حقًا أتمنى ذلك
نظرت لوالدتها التي كانت صامتة طوال الوقت ثم لي
نرجس:خلصنا هذا هو لان عندي شغل وتأخرت؟
لا أصدق وأخيرًا نهضت ومددت كفي للباب مودعًا
ياسر:طبعًا طبعًا أخذي راحتج أبلغج بالمستجدات أول بأول
أنت تقرأ
شفق
أدب المراهقينم/الرواية فصحى عدى الحوار بين الأبطال باللهجة العراقية رواية إجتماعية عن فتاة تحاول إيجاد نفسها وإكمال حياتها بعد تعرضها لحادث تحمل نفسها سببه ،هل تنجح ؟ ام اليأس يتغلب عليها علياء صاحبة الثامنة عشرة هي بطلتنا ونخوض معها تفاصيل الحادث وما خلفه ب...
