▪️مرجـــــــــــــــانة▪️
▫️من كتابة هيرا▫️
▪️الجزء الثامن والعشرون▪️
ناعسة مرجانة على السرير..ضهرها فيه..ورجلها معلقين في الحيط.
رحيمو حداها..كتجمع حوايجها..وتقادهم ليها..على قبل العرس لي قريب!
مرجانة: واش هاد خمسيام ما بغات تسالي! الوقت دايز تقيل وطلقي يدك خلاص..باقي خاص نمشو ورا دار.
رحيمو جمعات الجوهر واللوبان وسراتل مرجانة فصندوق صغير وقالت لها
رحيمو: صافي هاني كملت..يلاه دغيا.
جمعات مرجانة النوضة غادية هي وياها برى.
رجلها برات كانت غير مقصحة..ولكن باقي كتمثل فينما يقولو ليها جيبي شي حاجة..طيح سخفانة !
مشاو برى رحيمو كتحفر فالأرض حدا الشجرة ومرجانة واقفة عليها!
مرجانة: حفري مزيان راه تما..ماشي لهيه!
كتحفر وتسمع لها أش كتقول..حتى ضارت ملفتة لها!
-غادي تعطيني شي فلوس؟
طلعات مرجانة حاجب ونزلات لاخر
-فين لي عطيتك آخر مرة!
رحيمو: بانت ليا وحدة كتطلب فالسوق..بقات فيا وعطيتهم ليها
ضربات مرجانة على فخاضها مغددة
-أويلي..شحال من مرة كنقوليك ماتيقيش فالطلابات لي تما..كلهم كذابين وكنعرفهم! نفس الهضرة وامتى كيبكيو كيعاودوها!
رحيمو: أنا راه كيبقاو فيا وخا نعرفهم كذابين..مول لخضرة لخر الا خلصته ومرد عليا الصرف كنقول ليه الله يسخر.
هزات مرجانة صبعها وجرات سنها بيه.
-ها لي غيربحو مني أنا..كيشوفوك هكا غير غير غيحگرو عليك..ويدوزو فوق منك..هو راه على قرش تنسيه ما يعطيك حتى نص گرعة!
رحيمو: إيه ولكن راه خدمتو هديك.
حطات يدها على كتافها..كتلعب براسها..وتعوج هضرتها.
مرجانة: إوا تنا راه فلوسي هديك!
رحبمو كانت مشغولة فالحفير..مرداتش عليها حيت بانو ليها الرزمات د لفلوس!
نزلات مرجانة معاونة رحيمو خرجات من الأرض..وكل وحدة كتبسم لاخرة!
كل عام رزمة فلوس جديدة كيدفنوها تما..كفاش حاتها بلا خدمة ولا ردمة؟ كيف كتقول خير من الله جاد بيها عليهم!!
ضحكة فارغة خرجات من فمها..شادة فرزمة قديمة من لي تما..وساروت قديم مربوط فيها!
ذكرياتها رجعو بيها لأيام صغرها..ليلة لي عاونها داك الولد!
كفاش قالت غتعاونه يفك مه..علماته يصيد من الغابة الحمام وفين يبيعهم!
والفلوس لي جمعها كتخبيها فصندوق عندها!
كفاش ولفات تگلس حداه كل ليلة..تلعب معاه..وتعاود معاه!
كفاش كيف عادتها..كتعطي للخدامة الفلوس وهي كتقولبها وتشد كل ما عندها!
أنت تقرأ
مرجانة🌙مكتملة🌙
Romance💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
