▪️مرجـــــــــــــــانة▪️
▫️من كتابة هيرا▫️
▪️الجزء الرابع والثلاثون▪️
مرجانة ماشي حيث بغات البلاصة لكن غير علمات لزاهية حدودها..من تخنزيرات ديال البارح لي دارت فيها!
مشات على وعدها وسعدها كلسات فكرسي فلخر ديال الطبلة.
حتى مد السلطان شمس الدين يده للماكلة..عاد تبعوه لي بقا!
جا خادم من الخدم..وفودنه تكلم..ناض السلطان ديك ساع لشغل لبلاد.
بشوي كلسي مشا والمدية خوات..وبقات مرجانة كتمسكن غير حيث عرفات الزاهية غتبغي تقول لها شي هضورات!
وداكشي لي كان غير ناضت مرجانة وجات لها الزاهية حداها ولدها وموقفاها من يدها!
زاهية: عرفي حدودك..الا السلطان حاكم البلاد..حتى لحريم كاينة لي حاكماه!
تلفتات لها مرجانة..هزات يدها..وحيدات ديالها من عليها..حطات يدها على فمها..وبصدمة جاوبتها!
مرجانة: كنعرف غير مرت السلطان ولا لي والدة ولي العهج ولي غيولي سلطان بعده هي لي كتحكم فالحريم..الا قصدتي ديك مك راه غير مرت باه "حطات يدها على فمها شاهقة" ياكما ولدك هو لي غيحكم من بعد " بنبرة لعوبة تلفتات للولد" اشنو سميتك امولاي الجاي؟
ضحكات زاهية..مخرجة عينيها..ومصدومة فيها..غير دبا كانت البرائة نازلة عليها!
زاهية: بحال الحرباية كتبدلي لونك!
قربات لها مرجانة هامسة فودنها.
-ومن لفوق لالاك!
مشات وخلات الزاهية مفقوسة..وجات رحيمو كتوشوش هي وياها!
مرجانة: هاد لويلة معجباتنيش..بغاتني نربيها..ونوريها حدودها !
رحيمو: باقة ما كملتي نهارك الثاني..وبديتي!
مرجانة جراتها من ودنها: سمعي نقولك..بلا ما يشوفك حد سلقي لباربة ومهسيها وجيبي الماء ديالها!
ــــــــــــــــــــ
واقفة فباب دارهم جامعة حوايجها..كتسناه يجي يديها..خلاها مودعة عائلتها!
حيث غير غيتغداو عند الدريسية ويرجعو بحالهم.
شافته جاي ومشات جيهته..باس لها جبهتها..وهز لها حوايجها!
حورية: غادي تخليني نخرج لسوق كيف قلت لك؟
الغالي: فاش نوصلو غادي نمشي لقصر عند السلطان..وخرجي إلا بغيتي!
الطريق كلشي حاضيهم..غير بشوفو بنت القاضي..شوفو رجلها!
وصلو عند الدريسية لي دارها قريبة لتما..لقاوها واقفة كتسنا!
دخلات مرحبة بيهم..الدار متولة ونقية!
الغالي غير وصلها..وخرج كيف قالها..وضارت لها الدريسية جارة لسانها..وحورية ما عطاتها خو جوابها!
أنت تقرأ
مرجانة🌙مكتملة🌙
Romance💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
