▪️مرجـــــــــــــــانة▪️
▫️من كتابة هيرا▫️
▪️الجزء السادس والثلاثون▪️
ضوء الشمس حارقة.. وهي جالسة مخشية بزز كتنقي الزرع مع نجوى..المهم تلاهي راسها..عين فالزرع وعين فطريق الباب.
الطريق لي شدت النهار كله..ما سمعت هضرة منه..ولي زاد كمل الباهية غير حطها قدام الدار ومشى بحاله!
واش مقلق منها..واش شاد فقلبه من جيهتها..واش مخاصم معاها..واش مبغاش يكون معاها!
هدشي لي كانت فعقلها كتقول..بغات تكلم نجوى تنصحها..وخافت تكمل لي بقى.
فاقت من سهوتهى على نجوى لي كتنغزها..تلفتات ولقات كتشير ليها..جيهت الغالي لي داخل غادي لطريق بيتهم.
ناضت قافزة والفرحة بانت فوجهها..لكن شوفته المخنزة قالت لها تهدى ورجعات لبلاصتها!
تكمشات عاود تما..عين فطريق لي غادي منها..وعين كتشوف فالسما..حتى عاودت نجوى نغزتها..شافت هنا ولهيه وقالت هدا الله وتبعات طريقو بطريقها.
بحالو للبيت دخلات شافته حاط عين لهيه وهنا..حنحنات وتلفت لها..واش تقرب وتقول بالها بقا مشغول معاه..اش طرى ووقع..ولا تجمع وتمشي بحالها مخلايه وحده!
رجعات خطوات لور راجعا فحالها..لكنه بيدو وقفها..ولحضنو جرها معنقها.
يد على خصرها..ويد كتحك شعرها..وراسه مخشي فعنقها..نفسه الثقيلة والسخونة كتحط عليها..واللسان تسرط ليها!
باقي خاشي وجهه فعنقها..وبصوته هضر مكلمها.
-فين كنتي..هدي هي توحشت شوفتك!
حتى عصرها..وبعدها عليه طالقها..ويديه باقين محطوطين على كتافها حابسها.
رجع همهم بشكل خفيف..بحالة كلامه عاوده..ويديه على دقنها تحطات رافعاه.
كان راسها نازل للأرض لكن رفعه..حشمانة منه..تزوجو وغير وقت قليل..ولفاته لكن باقة ما تعودات عليه..ما تعوداتش على لمسات جامعينهم..أو حركاته معاها!
جرها حتى كلسها فوق السرير ويديه باقة فيدها.
حورية: أنا غير قلت..بلي يمكن باقي مقلق مني.
طلع حاجب ونزل الآخر راد عليها مستغرب.
الغالي: وعلاش من الأول..غادي نتقلق من عمارت داري!
زادت حدرات راسها..حتا قربات تخشيه بين رجليها..كلماته لي كيلوح مرة مرة..معمرها سمعات بحالهم باش تعرف ترد عليهم!
وما أحسن المرة الأولى..أول لمسات..أول كلمات..ونظرات..كانت وغتبقى ليه.
عاود همهم ليها..باش تقول ما عندها..وما قصراتش من جيهتها.
حورية: على قبل لي وقع فدار خالتي دريسية..أنا منويت والو..وقلت ليك قبل غادي نخرج..وفاش مشيت تما ما بقيتش بغيت نخرج..غير محسيتش حتى لقيتني برى.
فعوض ما تسوله شكون لبنت لي ذكرت الدريسية..واش وقع وطرى ليهم..حاولات تبرر غير لي جرى..وما تخليه يهز فقلبه كيف حسات غيطرى!
كتسمع لكلامو..ولي بغاه كديرو..ومن لفوق كتطيعو..بغا يحل عينيه ويحطها فيهم!
الغالي: ما جرى والو..ماشي بسبابك.
حورية: علاش ما بقيناش تما..كيف عولنا..وعلاش ما هضرتيش معايا..ومشيتي وخلتيني!
بلا ما تحس..سرسبات لي عندها وحطاتو ليه على الدس.
مجاوبهاش ناض وهزها وحطها فوق رجليه..وجهه حاطه فعنقها ونفسه السخون كيضرب فيه..وزاد دخلها فيه.
الغالي: أنا لي خاص نسول راسي علاش باقي هنا..وخا شغل الجيش فوق راسي "سكت وعاود كمل" رمضان..مغاديش ندوزه معاك.
حورية: وعلاش! "بصوت مخنوق بالبكية لي بغات تخرج كملات" والله ما درت شي حاجة..واش مقلق مني؟
يديه على وجها تحطو..وجر وجها حتا ولات قبالتو.
الغالي: كاينة حرب فرمضان..قرر يديرها السلطان..كون بيدي كون بقيت غير حداك! لي وقع لهيه موضوع بيني وبينها "شاف شوفاتها وباش يطمنها كثر عاود ليها" قبل ما نتزوج بيك..كانت بغات تخطب ليا من العائلة..لكن كتاب نكون معاك..وحالف لها إلا عاودت ذكرت الموضوع وجهي مغاديش تشوفو.
فعوض ما يخفف عليها..كيف قال غير زاد هترها..ونطقات بتغبينتها.
حورية: إنا حرب؟ عفاك لا غير بقا..تقدر توقع لك شي حاجة!
الغالي: ما غيوقع غير لي كتاب.
سكتها..ويديه مسحات دمعة نزلت من عينيها..وعينيه بقات كتشوف غير فيها..مشابعش منها!
حيث قال ليها لي وقع ما بغاتش تخبي عليه..هكا تعلمات العلاقة مكتكمل إلا لكل واحد قال لي عنده..ومن الأحسن ما يسمع من عند حد من غيرها..داكشي علاش قالت ليه لي وقع فدار دريسية.
كتعاود وهو ساهي وساكت..خافت تكون قفرتها وبدات فيه تحرك من كتفه!
حط يده على كتفه..ساد عينيه..وكيدلك فيه..شافت فيه..وسولاته غير بعينها عليه.
الغالي: والو..غير باقي ضارني..سالي ودلكيه ليا بحال داك نهار.
حورية: نوجد لك الحمام؟ ترتاح بعدا.
هز ليها راسه بمعنى وخا..بغات تنوض من عليه..وزاد لصقها معاه..شفايفه على شافيفها تحطات..جار حناكها بيديه جرة الغدايد..عاد نوضها بيديه.
ناضت هربانة منو..ومشات للحمام توجدو..عطراتو وقادتو..وبالعواد سخناتو.
بغات تمشي عندو تعيط ليه..لقاته على راسها واقف..قرب ليها..ويديه مدهم قدامها.
الغالي: عاونيني..نسلت حوايجي.
عينيها خرجو..وبقات تمتم قدامو..وضارت مبعدة منو..حتى وقفها جارها من حزام قفطانها لعندو!
▪️توقعاتكم وأرائكم ▪️
حنين البنات حنين 🤤😂
أنت تقرأ
مرجانة🌙مكتملة🌙
Romance💎مكتملة💎 🌙🌙🌙مرجـــــــــــانة🌙🌙🌙 ✨كان يا مكان في قديم الزمان! ✨ جملة سحرية فتحات البيبان وخلات الأنس يتزوج بالجن والغول حتى هو ليه مكان.. كاين السلطان وكاين الخدم والحشم...وكيفما كاينة الفهيمة كاينا الدميمة.. كان يا مكان جملة تقالت فكل مكا...
