ကျင့်ကြံခြင်း၏ ရည်ရွယ်ချက်

ဖုန်းကလန်၏စေ့စပ်ပွဲဖျက်သိမ်းမှု

အချိန်လေးနှစ်သည် လျင်မြန်စွာပင်ကုန်ဆုံးသွားခဲ့။

ရှောင်ချိုလေးသည် စု၀မ်၏ခြံ၀န်းလေးထဲတွင်
ပျော်ရွှင်စွာပြေးလွှာကစားနေသည်။

ယခင်က အမွှေးများပင် ကောင်းစွာမပေါက်ပဲ
ဒဏ်ရာများအပြည့်နှင့် ရှောင်ချိုလေးသည်
ယခုတွင် ၀က်တစ်ကောင်နီးပါး၀ဖီးနေပြီး
အဖြူရောင်‌အမွှေးများကလည်း ငွေရောင်ကဲ့သို့တဖိတ်ဖိတ်တောက်ပနေလေသည်။
မသိလျှင် ငွေရောင်ချပ်၀တ် ၀တ်ဆင်ထားသော ၀က်တစ်ကောင်ကဲ့သို့ပင်။

သို့သော်သေချာစွာကြည့်ပါက သူ၏လက်သည်းများ သွားများသည် လွန်စွာ ထက်မြက်‌နေပြီဖြစ်သည်။ ယခုအချိန်တွင် ရှောင်ချိုလေးသည် ခန္ဓာတည်ဆောက်ခြင်းအဆင့်ငါးရှိသူအားလွယ်လင့်တကူ ကိုက်ဖြတ်နိုင်နေပြီဖြစ်သည်။

သူ၏သွေးမျိုးဆက်ကြောင့်သာမဟုတ်ပါက အဆင့်လေးသို့လျင်မြန်စွာရောက်နိုင်ပေမည်။
လွန်ခဲ့သော လေးနှစ်မှစတင်ကာ နတ်မိစ္ဆာတောင်တန်းတွင် လေ့ကျင့်ခဲ့မှုများကြောင့် အလွန်သန်မာနေပြီဖြစ်သည်။

သိပ်မကြာခင်တွင်စု၀မ်သည် ရှောင်ချို့အား ဘိုးဘေးပြန်လှည့်သွေးအား တိုက်တော့မည်ဖြစ်သည်။
ယခင်က ရှောင်ချိုမှာအလွန်အားနည်းကြောက်ရွံတက်သောကြောင့် ထိုသွေးမျိုးဆက်အား ခံနိုင်ရည်ရှိမည်မဟုတ်ပေ။

ရှောင်ချို၏သွေးမျိုးဆက်မှာ အလွန်အားနည်းသော်လည်း အလွန်ပင်သန့်စင်လွန်းသည်။
ဘိုးဘေးပြန်လှည့်သွေး၏ သက်ရောက်မှုဖြင့်
ရှောင်ချိုသည် မည်သည့်ဘိုးဘေးသွေးမျိုးဆက်
ပေါ်ပေါက်လာမည်မှာ စိတ်၀င်စားဖွယ်ကောင်းသည်။

ဤလေးနှစ်တွင်ဖုန်းလန်သည် သူမဆီသို့ သုံးခေါက်သာ လာရောက်လေသည်။
လာသည့်အခါတိုင်းလည်း သူ၏တိုးတက်မှုများအား အလွန်ဂုဏ်ယူဟန် ကြွားဝါပြောဆို၍ပြန်သွားလေ့ရှိသည်။

ဦးလေးလင်း၏ထောက်လှမ်းရေး အစီအစဉ်များကြောင့် ဖုန်းလန်၏ ကိစ္စတော်တော်များများအား စု၀မ်သိရှိပြီးဖြစ်သည်။

လွန်ခဲ့သောငါးနှစ်က စတင်တွေ့ဆုံခဲ့သော ကောင်လေးသည် ပြောင်းလဲသွားပြီ ဖြစ်ကြောင်းအား စု၀မ်လက်မခံချင်စွာပင် လက်ခံလိုက်ရလေတော့သည်။