"حِينَ إلتقِيتُكَ"

"الفصل السادس"

يا خاين مالك ضمانة...
دور على غيري يسليك عنك رفعناها الحصانة...
إزعل وخل الغير يرضيك عادي معك أبقى...
وعادي أخليك مثلك مثل غيرك...
مجرد (صداقة)

ـــــــــــــــــــــــــــــــــــــــــــــــــــــــــــــــ

أحيانًا يُخطئ المرء ويظن خطاؤه هذا نجاته، لم يعلم أنها مكيدة تدبر له ويقع في حفرة عميقة يحفرها أعز شخصٍ له فـ ها هي الحياةُ صديقي تخاف من عدوك مرةً ومن أقرب الناس إليك ألف مرةً....
ـــــــــــــــــــــــــــــــــــــــــــــــــــــــ

خرجت"هبة" من غرفتها مستعدة لذهابها إلى جامعتها وقبل أن تغادر المنزل ذهبت وإحتضنت والدها فـ إبتسم لها بحنانٍ ونفض فكرة شكه بها في الأمس ووجه حديثه لها قائلًا بمرحٍ:
"متشيكة كدا ورايحة على فين؟"

ردت عليه قائلة بإبتسامة له:
'رايحة الكلية ورايا كام محاضرة كدا.. ثم نظرت له وتحدثت بألم جاهدة خفيه... إنتَ مسامحني صح؟'

نظر لها بتعجب قائلًا:
"مسامحك طبعا يا حبيبتي بس على إيه"

ردت عليه قائلة:
'عادي على أي حاجة غلط بعملها، بس عاوزاك تعرف إنّي مقصدش أزعلك'

إبتسم لها وقال بثقة:
"أنا واثق فيكي ثقة كبيرة جدًا وعارف هتحافظي على نفسك"

نظرت له بألم من حديثه قائلة:
'مبتفكرش في يوم إنّي ممكن مستاهلهاش؟'

"لاء أبدًا عشان واثق في تربيتك"

إحتضنته بشدة وكأنها تختبئ فيه ثم إبتعدت و ودعته ثم نزلت متوجهة إلى جامعتها وقامت بالإتصال على صديقتها.

فـ ردت صديقتها قائلة بمزاحٍ:
"مسا مسا يا رؤوف"

ردت عليها بهدوء دون مزاح:
'صباح الخير'

تعجبت من نبرتها فـ قالت:
"صباح النور مالك كدا؟"

'متضايقة بس شوية، وعاوزاكي تيجي معايا'

"طب متضايقة ليه، وهنروح فين؟"

'متضايقة عشان الموضوع إللي إنتِ عارفاه دا، وهنروح كافيه كدا'

ردت عليها مؤكدة:
"ما طبيعي يا هبة تضايقي حرام أصلًا"

'هنا! بالله عليكي أنا بحاول أخلّص في الموضوع على قد ما أقدر و بقابله النهاردة أهوه أول مرة'

ردت عليها بصدمة:
"نعم!! تقابلي مين؟، هو إللي في الكافيه صح؟"

'أه بس عشان نتفق'

"لاء مع نفسك مش هاجي أنا"

'يا هنا هتسيبيني لوحدي؟ أنا بجد عاوزة حد معايا ومش لاقية حد غيرك'

"طنشيه يا هبة ومتروحيش حرام قولت هتتحاسبي على دا، أنا كدا هشاركك في الذنب"

'ربنا يسامحني أنا بجد مش هعمل كدة تاني، بس إنتِ معايا مش هيكون في حاجة،بس عشان خاطري وأنا مش هكرره تاني'