"حِينَ إلتقِيتُكَ"

"الفصل الأول"

بي إحدى المحافظات(الأقصر)من بين المباني المتساوية بجانب بعضها في أحد البيوت يستيقظ "مراد" يستعد لمواجهة عالمه الخارجي فأبدل ثيابه وخرج من غرفته إلى مائدة الطعام وقبل رأس جدته"زينب" وقال:
'صباح الخير ياحبيبتي'
إبتسمت له "زينب" وقالت:
"صباح النور ياحبيبي تعالى افطر يلا"
جلس على أحد المقاعد وشرع في تناول فطوره
في أثناء تناولهم الفطور نظر له جده"شهاب" وقال بمرح:
"وهو جدو وحش ولا مكتوب عليه ممنوع الإقتراب عشان متصبحش عليا"
نظر له "مراد" وقال بضحك:
'لا والله مش كدا صباح الخير ياجدو'
قال بمرح مرة أخرى:
"ماشي هعديهالك يا إبن سميرة"
توقف "مراد عن الضحك ومن ثم ترك فطوره وقال لهم:
'الحمدلله شبعت يلا هنزل أتمشى أنا شوية'
نظر له" شهاب"متسائلًا:
"في ايه يا إبني مالك"
قال له:
'مفيش حاجة ياجدو عادي'
فهم "شهاب" مقصده من إنهاء فطوره سريعًا وتحججه بالنزول ثم قال له مؤكدًا:
"كل دا عشان جبت سيرة سميرة، أنا عارفك أكتر من نفسك هي مهما كانت أمك برضه يامراد"
نظر له "مراد" بغضب من مجرد ذكر إسمها:
'أنا لا عاوز سيرتها ولا أي حاجة تفكرني بيها، وهي مش أمي أصلًا أنا مليش أم'
قال "شهاب" بإنزعاج من حديثه:
"وهتفضل كدا لحد إمتى يعني، أه هي غلطت بس دي أمك في الأول وفي الأخر، ومينفعش الكلام إللي إنتَ بتقوله دا"
قال"مراد"بإنزعاج من حديث جده:
'انا هفضل كدا ياجدو لحد ما أموت وأنا مغلطتش فيها ولا عملتلها حاجة مع إني كنت أقدر أعمل.. بس لإنها أمي زي ما مكتوب في شهادة ميلادي معملتش حاجة'
قال له"شهاب"مؤكدًا على ظنه به:
"مراد الكلام دا مينفعش بجد وبعدين إنتَ فاكرني أهبل عشان مش واخد بالي منك!.. والإنسان بطبيعته بيغلط برضه ابوك ماشي هو اللي متسامحهوش.."

قال"مراد"بإصرار على حديثه:
'لا ينفع الكلام دا لولا بس إني مش عاوز أشيل ذنب بسببها، ومش هخالف آيه من القرآن عشان واحدة زي دي.. وعن إذنك ياجدو عشان تعبت من كتر الكلام في الموضوع دا انا هنزل ولو سمحت كفاية كلام فيه.. يلا السلام عليكم'
ترك جده يكمل حديثه وأخذ مفاتيح سيارته وخرج من البيت.

نظرت "زينب" ل"شهاب" وقالت له:
"عاجبك يعني يا شهاب اللي عملته دا لازمتها ايه تعكر مزاجه على الصبح كدا"
قال "شهاب" لها:
"وهو هيفضل كدا لحد إمتى يازينب،وإيه اللي يعكر مزاجه دي أمه.. وقالتله إنها هتيجي وتصلح كل اللي فات بس هو اللي متربس دماغه ورافض"
نظرت له"زينب"وقالت:
"وبنتك اللي هي عملته مش هين برضه إنتَ ناسي اللي عملته ولا ايه.. وبعدين ماحقه يتربس دماغه سميرة اللي هي عملته دا حاجة ميتسامحش عليها بسهولة، وهي غلطت أوي وجت تندم بعد ايه بعد ما الواد كبر وفهم اللي حصله ياشهاب"
تحدث مؤكدًا على حديثها:
"مش ناسي وعارف اللي هي عملته مش هين بس كلنا بنغلط وهي ندمت وحقه في انه يزعل بس مش كفاية كدا عليه.. هي عيشته دي عيشة يازينب"
قالت له:
"مراد مش هيوافق ولا هيتصالح بالسهولة دي شاف كتير أوي في حياته وفهم يعني ايه الوحدة وعيشته دي مش عيشة عندك حق في دي بس اللي شافه مس قليل، ومبقاش عنده ثقة في حد إلا احنا"