KAI NE JARUMI

KAI NE JARUMI PAGE 11

💅🏼 KAI NE JARUMI 💅🏼

WRITTEN  BY HAERMEEBRAERH

Page 11:

Tana zuwa ta yi parking nesa da gidan kadan, daga inda take ta na ganin duk Wani Mai shige da fice a layin,ta yi wajen  minti ashirin a zaune a motar da ta kunna wa karatun qur'ani gefen ta ruwan sha ne a 'yar robar ta me kyau da take saka abun sha a duk sanda zata fita saboda yawan Shan ruwan da take,hango shi ta yi ya dawo daga aiki, tin daga nesan ta gane shi, da sauri ta bud'e motar ta ta fita cikin d'aga murya yanda zai ji ta ta kira sunan shi, jinkirtawa ya yi da tafiyar da yake ya waiwaya,Murmushi ya saki dan kuwa ya gane ta,ita ce macen da ya sani ta na saka niqab da dogon hijab ko kuma doguwar riga da niqab d'in, matsawa ya yi fuskar shi na sake fad'ad'a murmushin, can Kuma ya koma yaqe dan ya tuna abubuwan da Rasheedah ta yi mata a baya, ya so k'warai ya je har gida ya bada hakuri Rasheedah ta dinga ci masa mutunci ta na Kiran shi da d'an kalan dangi da sauran munanan sunaye dan haka se ya fita a maganar ya dinga musu addu'ar Allah ya daidaita tsakanin su,amma fa tun lokacin Auwal ke jin kunyar Sakeenaah ko da kuwa sunan ta aka ambata Kuma duk tsahon lokacin nan basu hadu ba, sai gashi yau ta bashi mamaki da zuwan ta,

" A'a Sakeenaah ke ce yau a unguwar tamu, ya baki qarasa ciki ba? Bismillah mu shiga ciki mana"

Murmushi ta yi ta gyara tsaiwar  ta sosai, yanda cikin ta zai fito, aiko yana gani ya fadada fara'ar shi tare da d'aga hannayen shi sama ya na godewa Allah, tsananin farin cikin da ta gani a tattare da shi ya sa ta kwad'ayin dama ace Rasheedah ce haka da sauri ta kawar da tinanin nan dan yanzu ta na qoqarin kiyaye duk wani abu da zai tada mata da ciwon ta, Cike da murna Auwal ya ce,

"Kaiii masha Allah, Allah maji roqon bayin shi, Allah ya raba ku lafiya ya sa ki haifi mai albarka, lallai in mace ce na yi wa Yousuf kamu tin yanzu, kuma ina fatan ta yo gadon halayen ki Sakeenah na ji dad'i na yi farin ciki da ganin ki d'auke da ciki, dole ne na yi wa waccan mara hankalin albishir,"

kwallace ce ta taru mata a ido ta qara murmusawa sannan ta fara magana,

" Yah Auwal, nazo nan ba dan komai ba sai dan na roqe ka wata alfarma, guda d'aya zuwa biyu, ka san dai dik abinda ke faruwa tsakanina da yayata, to wannan dalilan dake tsakanin mu ne yasa nake son dan Allah kar ka Sanar da ita Ina d'auke da ciki a yanzu, sannan Ina roqon alfarma inna haihu lafiya 'yata ko d'ana zai dawo hannun ku da zama, dan yanda nake jina Ina jin kamar ba zan rayu da abin da zan haifa ba, ina son yaro ko yarinyar su dawo hannun Rasheedah,sannan alfarma ta biyu kome zata yanke akan abinda na haifa karka musa mata, kome zata ma abinda na haifa karka mata fada,tsakanin ku ya zama nasiha, domin so nake ko ta wanne hali Yayata ta so ni da abinda na haifa, sannan ta gane mene ne kalmar so na 'yan uwantaka, so nake ta san mahimmancin zumunci, na roqe ka ko wanne hali abinda na haifa zai shiga indai ba sabon Allah bane ta sanadin yayata kar ka rabu da ita, kar ka tsawatar mata na bata abinda na haifa halak malak,ban San me yasa ba jiki na na bani rayuwa ta ba zata Yi tsaho ba Yah Auwal, dan Allah ka riqe min wannan wasiyya ko bayan ba raina,in Kuma Allah ya sa na haihu lafiya da raina da rayuwa ta, Ina so in abinda na haifa mace ce a qulla zumunci mu had'a su aure, Ina fatan zaka min wannan alfarmar"

Kuka ne ya ci qarfin ta ta kifa kai a jikin motar ta tana kuka, shi ma kukan yake sharb'a a daidai wannan lokacin,yana jinjina irin soyayyar da Sakeenaah kewa Rasheedah, inama Rasheedah zata fahimci haka,

"Kar ki damu na d'aukar maki wannan alqawarin komai zai faru ba zan rabu da Rasheedah ba, kuma ba zan hana ta komai akan riqon da zata yi wa abinda kk haifa ba, sai dai dole ko taso ko bata so ba zan saka abinda kk haifa a makaranta, sannan batun mutuwa da kk danganta kan ki da ita ba lallai bane, Allah ne kawai yasan gawar fari,Allah ya raba ku lafiya ya bamu Mai albarka"