KAI NE JARUMI

KAI NE JARUMI PAGE 27

💅🏼 KAI NE JARUMI 💅🏼

WRITTEN .BY HAERMEEBRAERH

Page 27:

Gidan Mama ta samu abun hawa ta hau ta nufa, kuka ta saka kanta a cikin mayafin ta ta ke ta yi ba qaqqautawa har suka isa, tana fita ta miqawa mai adaidaita sahu 200, wanda zai bata canjin 150,amma ko canjin bata tsaya karb'a ba ta wuce ciki, shi kuwa Mai adaidaita se magana yake mata ba ta kula shi ba ta fada gidan, da kuka ta shiga, Mama dake bakin pampo tana wanke alayyahu ta isa wajen ta da sauri tana gyara zanin ta a rud'e ta ce,

" Lafiya Atiyyaerh ki ka shigo ki na kuka haka ,Meya faru, me aka miki, ke da uwar taki ne ko Kuma mijin?" Mama ta jero mata wadannan tambayoyin.

Bata kula Mama ba ta sa kai ta wuce d'akin da tin asali yake mallakin Iyayen nasu, in tazo nan take sauka, tana shiga ta danna qofar ta rufe ta da  jam lock, Mama tsaye ta yi ta yi ta bugun qofar tare da Kiran sunan Atiyyaerh amma ta qi budewa, kukan ta ta zauna a gado ta na yi, sai da ta ji ana kiran sallar magrib ta miqe tana had'a hanya saboda yanda take Jin kan ta kamar zai fashe dan ciwo, ga zuciyar ta dake mata wani irin zafi wai yau ita aka yi wa saki har uku, dika dika nawa take? Shekarun ta ba zasu wuce ashirin da biyu ba,an Maida ta qaramar bazawara a banza a wofi,alwala ta yi tai sallah, sannan ta yi azkar na yamma kamar yanda ta saba, karatun qur'ani ta fara rerawa da ka har aka kira sallar  isha'i, sannan tai sallah ta silale a wajen ta kwanta ta na lumshe ido,ji ta yi mama na magana cikin Shan majina ta na fad'in,

"Eh tana ciki, tin da ta shigo da kuka ta zo ta rufe kan ta anan bata bude ba na yi Kiran na yi magiyar amma ta qi bud'ewa,amma dai na jiyo ta na karatun qur'ani, sai kuma yanzu naji shiru ba alamar motsi, Ina Jin tsoro Abban su dan Allah ko b'alle qofar ne ka sa a yi"

"iKon Allah to me ya same ta haka da girma har ta kasa tsayawa ta sanar da ke damuwar ta, kin tabbata bata ce miki komai ba ta wuce? Saboda ba halin Ablaerh bane irin haka"

"Haram bata ce min komai ba ta wuce ni"

"Ikon Allah, Allah ya sa lafiya to,muje na ji,"

Hannu ya daga da nufin kwankwasa qofar ya ji tace,

"Ni ku barni kawai, ba zan magana da kowa ba yau, i just want to be alone, sai gobe mayi magana, dan ko na fito ba zaku gane komai daga waje na ba,"

kuka ne ya ci qarfin ta, juyawa Abba ya yi zai tafi,Mama ta kalle shi, itama idon ta ya cika da kwallah ta ce,

" Yanzu tafiya zamu yi mu barta? Abban su ya kamata mu tsaya mu ji meke damun ta, in mace tace a kyale ta ba wai tana nufin hakan bane,tana buqatar kulawa, ko mai zata ce hakuri za ka yi har ta daidaita,mu qara gwadawa,"

Komawa ya yi ya fara mata magana,

" Haba yar gidan Abban ta Auwaluuu,ki bud'e ki fad'an me ya same ki, me aka miki, na maki alqawarin wannan karon ina bayan ki, ba zan bari kowa ya cutar da ke ba, ina tare dake,"

Tana jin haka ta ja jikin ta ta jingina da qofar ta kwantar da kan ta a jiki hawaye na ci gaba da zuba, a hankali ta ce,

" Abba kayi alqawarin kana bayana fa kace a wannan karon,ka tabbata komai na fad'a ina so zaka min shi?"

"Na yi alqawari,domin na san tabbas cutar dake aka yi da yawa abinda ki ka yi d'innan ba halin ki bane,baki tab'a hakan ba,"

Miqewa ta yi a hankali ta bude qofar, Mama na ganin ta ta nufe ta ta rungume ta,ita kuma ta ci gaba da kukan ta,cikin kukan ta ce musu,

" Mama Ahmad ya sake ni sakin wulaqanci saki har uku a lokaci d'aya ba tare da haqqina ba, ban masa laifin komai ba, Mama Umma Rasheedah ce ta min sharri a wajen shi ya sakeni,saki Uku, Mama na saba da Ahmad, koda bana son shi, me na yiwa Umma Rasheeda da bata so na,in wani tarihi ne da ni da yasa ta tsane ni ku sanar dani, in wani abu ne take so dana mallaka ku fad'a min shi na bar mata shi bana son abun, na tsane shi, Na shane shi, bana buqatar shi in dai zai ja min tsana irin wannan a wajen Ummana,"