ياضحكة الباكر اللي ماتوقعته

ياضحكة الباكر اللي ماتوقعته ٣

بسم الله نبدأ:
في بيت فهد صباح يوم الجمعه صحى فهد الساعه ١٠ الصباح اخذ شور ونزل يفطر كل العائله كانت مجتمعه ينتظرونه الا عمر كان نايم
فهد: وين عمر مااشوفه
مها:نايم ياابوي سهران للفجر مانام
فهد: الله يهديه تعبت وانا اقوله نام بدري السهر بيتعبك
مها:معليه يبه تعال افطر واحنا نصحيه بعد شوي
فهد:وش هالفطور الزين
هدى:جعله عافيه
فهد:الله يعافيك عسى يدك ماتمسها النار
افطرو وخلصو واذن الاذان وقام الاب متوجه لغرفة عمر فتح الباب وقفل المكيف وقعد يناديه لين صحى
عمر:هلا ياابوي
فهد:قوم وانا ابوك اذن الاذان
عمر:يلا الحين بقوم
فهد:قوم بسرعه امش قدامي اعرفك اذا طلعت كملت نومك
عمر قام وراح ياخذ شور وطلع ثوبه ولبسه ونزل وراحو المسجد هو وابوه ومحمد
مها:عبير قومي معي خل ننظف البيت ونبخر ونسوي الشاي تعرفين ابوي بعد الصلاه يجي يبغاه
عبير:دقيقه مشغوله اكلم صديقاتي
مها:قومي لاحقه عليهم
عبير:اوف خلاص طيب جايه
مها طلعت تصلي وتوجهت لغرفه امها
مها:امي بسألك ساره بتجي اليوم؟
الام:اليوم خالتك ام وليد عازمتنا عندها ولدها خاطب وبتسوي حفله بسيطه وساره بتجينا هناك
مها:ولدها مين يمه؟
الام:وليد
مها:اهاا ومتى بتمشون
الام:على المغرب كذا بس امشي الحين خل نسوي شاي ابوك لايعصب علينا
مها:لاتتعبين نفسك انا اسويه
جاء الاب وعياله ولقى الشاي جاهز وريحة البخور بكل مكان انبسط وقعد يسولف مع زوجته
عمر: يوسف كلمني قال ان عندهم عشاء اليوم وش المناسبه
الاب:وليد خطب وبيسوي عشاء لنا حفله بسيطه كذا يجمع العائله
عمر:ماشاء الله الله يوفقه يلا عقبالي
مها:تراك للحين بزر شفيك مستعجل
عمر:وش تبين كيفي ابي اتزوج
مها:انت توظف اول شيء بعدين فكر
عمر:انطمي خلاص
مها: انطم انت
الاب:خلاص وش فيكم وغدان انتو تتهاوشون
مها:خلاص بسكت عشانك يبه
جلسو يسولفون ويتقهوون
الساعه ٦:٠٠ المغرب قامو يتجهزون للعزيمه
مها:عبير سويلي ويفي واسويلك سيراميك شرايك؟
عبير:تم بس تصدقين محتاره وش البس
مها:اي شيء عادي ترا بس احنا الموجودين
عبير:اخاف يجون اهل البنت
مها:لا ابوي قال جمعه عائليه مااتوقع بيجون
عبير:البس فستاني الاسود اللي شريته اخر مرا
مها:اي يجنن وانا بلبس الازرق هذا شرايك
عبير:اوووف يجنن مها عليك
مها:حبيبي انتي اللي تجننين
الام:يلا يابنات اخلصو ابوكم ينتظر
مها:ربع ساعه ونكون جاهزين يمه