ياضحكة الباكر اللي ماتوقعته

ياضحكة الباكر اللي ماتوقعته ٣٣

امجاد:ان شاء الله
وصلو عمر واهله وعامر واهله وتوجهو البنات ع الطاوله والعيال طاوله بعيده عنهم
مها لمحت الكدمه اللي على قريب حاجب يوسف واللي بيده وتضايقت بالحيل
شويات ووصل الاكل
احلام:الله واضح لذيذ
فاطمه:المنظر بس يشهي
مها:الله عاد انا ميته جوع
عبير:مثلي ماتغديت
جنى:والله ازعجنا يوسف يقول الا تذوقون هالمطعم
امجاد:طلع ذويق حتى بالمطاعم
مها بقلبها:ذويق بكل شيء فديته
بدو ياكلون ومنهارين ع اللذاذه ويصورون ويسولفون
ع الساعه ١١ توجهو للشاليه والكل دخل غرفته
مها طلعت غرفتها وطلعت اغراض الهوت شوكليت وتوجهت للمطبخ وسوته وارسلت:وينك
يوسف:تحت شباكك
مها:وش تسوي
يوسف:انتظر الحلو يطلع احتاج جرعه روقان
مها:طيب بحط الكوب ع الباب خذه
يوسف:تمام
نزلت مها وفتحت الباب وشافته ع الباب ينتظرها صرخت وكتمت صوتها وعطته الكوب شعرها كان مفتوح وحاطه روج خفيف ولابسه جينز وبلوفر ابيض يوسف قعد يتأمل ونسى الهوت شوكليت مها:الووو شفيك امسك
يوسف اخذ الكوب:ياجعل هاليد ماتمسها النار
مها:ابتسمت وقالت:بالعافيه
يوسف:يعافيك
مها مسكت الباب بتقفله ويوسف فتحه بيده وقرب وجهه قال:احبببككككك
مها:اسكت اسكت امي لاتسمعك
يوسف:احبك طيب وش اسوي
مها ابتسمت ونزلت راسها وهمست:حتى انا
يوسف:خلاص انا مااتحمل ترا بخطفك
مها ضحكت:خلاص روح يلا
يوسف:اوك اوك يلا قفلي الباب
مها ابتسمت وناظرت بعيونه وقفلت الباب وطلعت غرفتها والابتسامه شاقه وجهها:كمية الحب هذي كثيره علي خلاص مااقدر
توجهت لسريرها وفتحت جوالها ويوسف صور الكوب مع البحر وكتب:
احس حبك من كثر مااحتواني
ماعاد باقي عندي لغيرك احساس
من غير قلبي ليت لي قلب ثاني
قلب لك انت وقلب اجامل به الناس
مها ابتسمت وكتبت:ياروحي والله
مر يومين وصار لازم يرجعون لان فاضل بيمشي الرياض
جنى:انبسطت معاكم كثير بنات
مها:والله حتى انا انبسطت مرا
فاطمه:حتى انا وان شاء الله مو اخر مره نسافر مع بعض
عبير:ان شاء الله
احلام:ياحلوكم بنات ونستونا والله
جنى:كانت سفره حلوه وان شاء الله نعيدها
مها:ان شاء الله
فاطمه:ان شاء الله
احلام:بأذن الله
كل وحده توجهت للشاليه يرتبون اغراضهم ويستعدون عشان يمشون
يوسف:وداعية يااخر ليله تجمعنا
مها:من صحيت وانا منفسه وزعلانه
يوسف:ليه يابعدي
مها:ماابي نرجع تعودت اشوفك كل يوم
يوسف:ياروحي انتي كلها يومين واكلم امي ان شاء الله
مها:ان شاء الله
مشو وكلهم وكل واحد مسك الخط وتوجهو للخبر
بعد يومين الساعه ٨:٠٠ مساءً وتحديداً بيت فهد:
ام احمد دقت على هدى:سلام
هدى:ياهلا وعليكم السلام
ام احمد:كيفك اخبارك
هدى:بخير الحمد لله كيفك انتي
ام احمد:تمام الحمد لله
ام احمد:انا والله اتصلت ابيك بموضوع
هدى:سمي حبيبتي
ام احمد:صراحه حنا طالبين القرب منكم ونبي مها لولدنا احمد
هدى:مها؟
ام احمد:اي مها
هدى:والله ياروحي مدري وش اقولك لازم اخذ راي ابوها ورايها
ام احمد:خذي راحتك حبيبتي وردي لي متى يناسبكم نجي
هدى:ان شاء الله،الله يكتب اللي فيه الخير
ام احمد:ان شاء الله
هدى قفلت المكالمه وتلخبطت مشاعرها ماتدري وش تسوي وكيف تبدا تتكلم توجهت لفهد بالصاله سوت له شاي وقعدت:فهد بقولك شيء
فهد:ايش
هدى:صراحه مدري وش اقول بس ام احمد اتصلت علي
فهد:مين ام احمد
هدى:ام خطيبة وليد ولد اخوك
فهد:اي وش تبي؟
هدى:تبي مها لولدها
فهد:ولدها الكبير؟
هدى:اي
فهد:كم عمره
هدى:٢٨
فهد:ووش قلتي لها
هدى:قلت باخذ رايك وراي مها وارد لها
فهد:والله مدري وش اقولك بس احس مها للحين صغيره
هدى:حتى انا لكن تلخبطت مدري وش اقولها
فهد:خلينا ناخذ راي مها ونفتح الموضوع معها
هدى:انا اكلمها ولاانت؟
فهد:انتي بعدين انا
هدى:تمام
طلعت وتوجهت لغرفة مها طقت الباب ودخلت
هدى:وش تسوين
مها:ابد ع الجوال
هدى:نزلي الجوال من يدك بقولك شيء
مها:شفيه
هدى:مافيه شيء بكلمك بموضوع وابيك تسمعيني
مها:اوك قولي اسمعك
هدى:في ناس بيخطبونك
مها انبسطت وعبالها يوسف:مين امي
هدى:ام احمد تبيك لولدها
مها:ام احمد ماغيرها؟
هدى:اي
مها:لا يمه انا ماابي
هدى:ليه يابنيتي وش السبب
مها:مافيه سبب ماابي مااحس اني مو جاهزه اتزوج
هدى:الحرمه واضح تبيك وولدها موظف وانتي متخرجه خلاص ماعندك شيء