ياضحكة الباكر اللي ماتوقعته

ياضحكة الباكر اللي ماتوقعته ٢٨

جنى باست راسه:الله يخليك لي ولايحرمني منك
عبد الرحمن:ويخليك لي يابنتي
جنى ارسلت:قلولوووششش ابوي وافق
عبير:احلفي
جنى:وربي قال اذا امهاتكم معكم تم
عبير:يازين عمي ياااخيييي احبه
جنى:خير ابوي انا بس اللي احبه لو سمحتي
عبير:فاطمه احلام وش صار معكم
احلام:ابوي كلمناه وقال نفس عمي عبد الرحمن
عبير:حلو باقي احنا بنروح نكلم القائد
احلام:عمي فهد يجنن اكيد بيوافق
عبير:اي جعلني فداه
توجهو عبير ومها وسوو شاي لابوهم لانه نقطه ضعفه😂وراحو لغرفته وطقو الباب ودخلو:سلام
فهد:ياهلا وعليكم السلام
مها حطت الشاي على الطاوله وراحت حطت راسها على كتفه وقالت:بطلبك طلب
فهد:وش فيه
عبير:طلب بسيط اتمنى انك ماتردنا
فهد:وشو قولو
مها:تكفى ابوي لاترفض
فهد:قولي يابنتي
مها:نبي نسافر مع بنات عمي
فهد:ماشاء الله وين
مها:جده
فهد:متى
مها:الخميس
فهد:تم يابنتي روحو استانسو
مها:يابعد روحي انت الله يخليك لنا
عبير توجهت وحضنته:الله لايحرمنا منك يابعدي
فهد:ويخليكم لي ياعيوني بس مين يوديكم؟
مها:عمر ماعنده شيء يودينا
فهد:تمام ان شاء الله سفره سعيده
مها:ياحبيبي انت
عبير ارسلت:القائد وافق
احلام:حلو كذا كلنا بنروح الان نقسم كل وحده وش تجيب ووش عليها
مها:يلا قسمو
احلام:اسمعو انا علي الموالح
مها:انا القهوه والكرك
فاطمه:انا الشاي
جنى:انا الحلا
مها:ياربي حلا بيجيب حلا
جنى:اااهه احبك
مها:اعشقتس
امجاد:انا علي اجهز العاب وفعاليات شرايكم؟
مها:تم
احلام:حلو
فاطمه:تم
مر اليوم وكل وحده مبسوطه ومتحمسه متى يجي الخميس
مها طلعت غرفتها ع الساعه ١ بتنام ولكن فقدت حس يوسف اليوم وماارسل لها شيء خافت وقالت بتطمن
ارسلت:شفيه الحلو مختفي
ارسل:موجود
مها:غريبه ماارسلت
يوسف:كنت مشغول والله بدوامي فاضيه ادق؟
مها:دقيقه بقفل الباب
يوسف:تمام
مها قعدت خمس دقايق وارسلت:دق
يوسف دق:سلام
مها:وعليكم السلام
يوسف:اخبارك
مها:بخير كيفك انت
يوسف:توي صرت بخير
مها:هههه صدق شفيك مختفي اليوم
يوسف:والله يابعدي انشغلت وتوي دخلت غرفتي بعد يوم متعب وكنت برسل بس سبقتيني
مها:فقدت حسك اليوم قلت اطمن قبل انام
يوسف:ياجعل مايفقدني غيرك ياشيخه
مها:اسمع
يوسف:هلا
مها:بنسافر كلنا الخميس
يوسف:وين
مها:جده
يوسف:ياليل
مها:شفيك
يوسف:يعني كفايه انا بعيد عنك بتروحين جده بعد
مها:شفيك ترا بتروحون معانا انتو
يوسف:كيف مفهمت؟
مها:بنروح جده كلنا احنا واهلك واهل عمي فاضل
يوسف:احلفي
مها:وربي بس انت كيف بتجي ودوامك كذا؟
يوسف:اسحب على الدوام وعلى الدنيا كلها لعيونك
مها:يوسف لا دوامك اهم شيء انا ماراح افيدك
يوسف:ماراح تفيديني؟انا لو كنت معك بنفس المكان ماتدرين كيف اصير مرتاح ومبسوط
مها:ياحبيبي ادري لكن اخاف تسحب عليهم ويطردونك
يوسف:عيون وقلب وروح حبييييبك
مها:اسمع طيب كلمهم الحين امكن يسمحون لك
يوسف:معليك انا اعرف واحد ويداوم معي ودايم اذا جيت اخذ اجازه يضبطني