هدى:والتقديمات والدي جي
مها:معليك يايمه كل شيء بيصير مثل ماتبين
هدى:الله يرضى عليك يابنتي وعقبال ماافرح عليك
مها:ياروحي انتي امين
بعد مرور ٢٦ يوم
ليلة العيد الساعه ١٢ وتحديداً بيت فهد:
هدى:مها خليك مع الخدامات وعلميهم وش يسوون
مها:ابشري يمه
عبير بغرفتها تحط ماسكات ومروقه ع الاغاني
مها توجهت وراحت لغرفتها وفتحت الباب:ماشاء الله مروقه الاخت
عبير:اكيد بروق ليلة العيد وبشوف بنات عمي بعد شوي
مها:اي وانا مع الخدامات اعلمهم
عبير:علميهم وش يسوون وروحي روقي بغرفتك
مها:بطلع مع محمد اجيب الاغراض الناقصه كلها اربعه ايام ويشوف اسماء وينسانا
عبير:مها قاعده احاول انسى الموضوع لاتذكريني
مها:حتى انا الله يوفقه ويسعده
عبير:امين يارب
بيت عبد الرحمن:
جنى وامجاد حاطين اغاني وجالسين يسولفون بغرفتهم جاء يوسف وفتح الباب عليهم:وش تسوون
جنى:ابد نسولف
امجاد:وديت ثوبك المغسله؟
يوسف:اي وديته وجبته خلاص
جنى:مين بيودينا الصباح انت ولا ابوي
يوسف:مدري شوفو ابوي وش يقول
جنى:انا بروح معاك
امجاد:وانا بعد
يوسف:امي تقول وليد بيخلي ملكته بداية شهر١١
جنى:بسم الله متى قالت
يوسف:اول
جنى:يعني مامعنا الا شهر
امجاد:اي وبعد اربع ايام ملكة محمد واسماء
جنى:اوف ياربي وش هالمناسبات ورا بعض
يوسف:انا بطلع كملو شغلكم
جنى:اوك بحط ماسكاتي الحين
امجاد:انا بعد
بيت فاضل:
اسماء:ياربي مجهزه كل شيء واحس في شيء ناقص
احلام:معليك ذا من التوتر حاولي تهدين ولاتفكرين
اسماء:مو حاسه بالعيد ابد من التوتر ابي يجي هاليوم ويخلص على خير
فاطمه:شفيك تراها ملكه مو زواج انتي وش بتسوين بعدين
اسماء:اهخ مدري متوتره مرا
احلام:اهدي وريحي اعصابك لاتفكرين
مرام:يابنات الوقت بيروح اجهزو وخلصو
احلام:كم الساعه يمه
مرام:٣:٠٠
احلام:اوف الوقت يمشي بسرعه
مرت اربع ساعات وجات الساعه ٦:٠٠
تحديداً ببيت فهد:
جو فهد وعياله من صلاة العيد على ريحة البخور والقهوه
ساره:يامرحبا باست راس ابوها ويده كل عام وانت بخير يابوي
فهد:وانتي بخير يابنيتي
مها:توجهت لابوها وباست راسه ويده كل عام وانت بخير ياعيون وروح مها
فهد:وانتي بخير ياعيوني
جات عبير من فوق تركض وراحت لابوها:باست راسه ويده كل عام وانت بخير ياحبيبي
فهد:وانتي بخير ياحبيبتي
عمر ومحمد عايدو على امهم وخواتهم وراحو البنات يصورون المجلس قبل يجون الرجال ويتصورون بالحوش شوي واسمعو صوت سياره قريب هربو ودخلو جوا
مها:ابوي فيه صوت سياره شكله عمي عبد الرحمن وصل
فهد قام وتوجه للباب وفتحه وانه عبد الرحمن ويوسف
فهد:يامرحبا يامرحبا
عبد الرحمن نزل من السياره وتوجه لاخوه:عاد عيدكم وعاش حبيبكم سلم على اخوه ودخل المجلس
يوسف جاء:كل عام وانت بخير وعساك تعيد هالسنه وكل سنه وانت بخير وصحه وسلامه
فهد:وانت بخير ياولدي وصحه وسلامه توجهو وجلسو يتقهوون ويسولفون
عند البنات:
جنى:مها وش هالجمااال ماتوقعت يطلع عليك حلو كذا
مها:حبيبي انتي الجميله الابيض يجنن عليك
جنى:ياروحي مو مثلك الاحمر عليك يمووتتت
امجاد:اهخ اشتقت لاجواء العيد
عبير:حتى انا والله توجهو للغرفه وقعدو يتقهوون ويسولفون شويات وجات زوجة عبد الله مشاعل
مشاعل:سلام
مها:هلا والله وعليكم السلام مها انصدمت من شافت بطن مشاعل شوي كبيره وشكت لان لها فتره ماشافتها وسوت نفسها طبيعيه
مشاعل:بعدل الميكب
مها:تعالي غرفتي
مشاعل:لا ماله داعي اعدله هنا
مها:امشي هناك مرايتي اكبر
طلعو متوجهين للغرفه دخلو وقعدت مشاعل تنزل عبايتها وتعدل الميكب ومها كانت ع الشباك تنتظر يوسف يطلع عشان تشوفه
بعد ٧ دقايق طلع يوسف متوجه لسيارته ومن شافته مها فزت وقعدت تتأمله كان لابس غتره بيضا ومحلق ولابس ثوب ابيض وقف ع السياره على جواله والتفت للشباك وشافها ارتبك ومو عارف ايش يسوي ومها ماقدرت تدخل قعد يتأملها ومن جواته يقول ياربي وش هالجمال كله مها استوعبت بعدين ان مشاعل بالغرفه معها وسكرت الشباك وتوجهت للغرفه تحت
جنى:شفيك طولتي
أنت تقرأ
ياضحكة الباكر اللي ماتوقعته
Romanceروايتي الاولى✨💜. جعلك بعد كل من جاني وخلاني وجعلك بعد كل من جيته وخليته يااخر محطاتي وياخير خلاني ياضحكه الباكر اللي ماتوقعته حساب الكاتبه انستا(raiixli)
