مها شوي وتموت من التوتر وماتبي تطول بالسياره تبغى البيت بسرعه
وصلو المحل ونزلت جنى وعبير معاها ونزل يوسف عند السياره ينتظرهم
ساره:مها انصدمت ان هذا يوسف مااذكره كذا
مها:اي حتى انا
ساره:ماشاء الله وسيم اجمل واحد من اخوانه
مها:مو مرا
مها ناظرت فيه وشافته يناظر فيها وجات عينها بعينه ماتدري وش تسوي صلبت بمكانها
ساره:شوفي المحل ذا احسه حلو في اشياء حلوه صح
الووو اكلمك انا شفيك
مها:هءء هلا ماسمعتك
ساره:شفيك وش تناظرين انتي
مها:ولاشيء كنت افكر بشيء وماركزت معك
ساره:اقولك المحل ذا حلو
مها:اي يجنن مرا
جو البنات وركب يوسف السياره وتوجهو لبيت عبد الرحمن
يوسف حط اغنيه (ليش تغري عيوني بالحلى والجمال)
مها ارتبكت وعرفت انها المقصوده كانت شوي وتنط من السياره من التوتر اللي فيها
جنى:يوسف شرايك انا احط اغاني
يوسف:بكيفك خذي الجوال وحطي
جنى:عبير وش تبين احط قوليلي
عبير:حطي اي شيء لعبد المجيد
جنى:اوك بدور وحده حلوه
حطت(لمحته وارتعش قلبي وضاعت مني انفاسي)
يوسف اول ماسمع ناظر بمها بالمرايه
مها:يارب نوصل بسرعه مااقدر اتحمل اكثر انا وش جابني معهم
جنى:وانتي مها وش تبين احط
مها بهمس:كيفك اي شيء
يوسف كان اول مرا يسمع صوتها ويتأمل عيونها كذا
يوسف بداخله:وش سوت فيك يايوسف هذا وانا ثقيل محد يجيب راسي
جنى:اخلصي قوليلي وش احط مافي ببالي شيء
مها:عطيني انا اكتب
جنى عطتها جوال يوسف تكتب اغنيتها
يوسف مو قادر يسيطر على مشاعره ومو مستوعب ان كل هالجمال بنت عمه
مها:خلي هذي حلوه مرا احبها
جنى:انتي من يومك ذوقك حلو بكل شيء
مها حطت اغنيه (يابعدهم كلهم)
جنى:الله الله
يوسف كان طول وقته يطالع المرايه ومو قادره ينزل عينه
وصلو البيت ونزلو البنات دخلت مها ولفت بتسكر الباب وناظرت فيه وقفلت الباب
مها:اوف اخيراً مابغينا نوصل استغفر الله
عبير:شفيك والله انبسطنا وماشاء الله اخوهم طلع فله
مها:ادخلي ادخلي بس
ساره دخلت وتوجهت للصاله لقت اهلها جالسين وخالد وسامي اول ماشافوها قامو يركضون يحضنونها جلست وتقهوت معهم وتسولف مها وعبير طلعو كل وحده راحت غرفتها
مها دخلت غرفتها تلبس وكل تفكيرها بنظرات يوسف وكيف هو جميل كذا
مها:هذا وانا اقول ماراح احب واخر همي بالحياه شكلي طحت ومحد سمى علي
عبير جات:مها شرايك بالفستان
مها:بسم الله الناس تدق الباب قبل تدخل
عبير:اخلصي بس كيف حلو؟
مها:اي يجنن بس وش بتسوين بشعرك
عبير:مدري للحين محتاره ويفي ولاستريت
مها:انا اقول ستريت احلى صراحه على فستانك
عبير:تمم بروح اجلس معهم تحت تجين؟
مها:تعبانه شوي برتاح شوي واجيكم
مها توجهت لسريرها وحطت اغنيه يوسف اللي شغلها بالسياره وقعدت تسمع كلماتها وتلعب بشعرها
ساره جات فتحت الباب:مها شفيك تعالي تعشي معنا
مها قفلت الاغنيه وقامت:شفيكم اليوم تفتحون الباب بقوه كلكم دقو طيب
ساره:امشي بس يلا ابوي يبغاك
مها:اوك جايه دقايق بس
قفلت الاغنيه وقامت لفت شعرها فوق ورتبت غرفتها ونزلت
الاب:وينك تأخرتي
مها:يبه كنت برتاح شوي مشيت بالسوق كثير
عبير:كذابه راحت كوفي وجلست تتقهوى
مها:انطمي انتي كنتي فوق اصلاً ماتدرين عني
الاب:خلاص اسكتو تعالي يابنيتي جنبي تعشي
مها:ابشر
جات وجلست جنب ابوها وقعدو يتعشون
دق الباب واستغربو مين جاي الساعه ١٠ بالليل
الاب:عبير افتحي يابوي شوفي مين
عبير:ابشر يبه
فتحت الباب وطلع اخوها الكبير وبنته جايين
عبير:هلااااا يابوي جات هدى الصغيره
هدى:يامرحبا توه ينور بيتي
مها:هلا وحشتنا ياخوي
عبد الله:هلا فيكم والله كنت رايح بيتي قلت امر اسلم عليكم وهدى تبيكم
الاب:يامرحبا ياولدي حياك الله تعال تعشى معنا
عبد الله:جعله عافيه يابوي تعشينا والله
الاب:عافيه
عبير اخذت هدى وقعدت تلعب معها وتعطيها حلاوه
في بيت فاضل:
فاضل:يابنات بقولكم شيء
اسماء:قول يابوي
احلام:ايش
فاطمه:هلا يبه ايش
فاضل:ماباقي على رمضان شيء بنروح لعمامكم ونجلس رمضان عندهم والعيد ونرجع بعد العيد
اسماء:ليش يبه
فاضل:كلمني عمك عبد الرحمن يقول من زمان عنكم تعالو في بيتكم اللي هنا
فاطمه:الله اي يبه تكفى اشتقت لبنات عمي وقعدتنا سوى
احلام:حتى انا والله اشتقت لهم مرا واحس بننبسط معهم
فاضل:اجل بعد الاختبارات على طول بنمشي بأذن الله
الام:ان شاء الله
راحو البنات غرفتهم وقعدو يسولفون ويتقهوون
اسماء:مابي اروح ياخي ليه قلتو لابوي كذا
احلام:ليه
اسماء:مدري احس ماارتاح ازعاج وحوسه
فاطمه:مفروض تكونين مبسوطه عشان تشوفين خطيبك
اسماء:انا مابي اروح عشان ذا السبب احس للحين مو مستوعبه اننا مخطوبين
فاطمه:ليه للحين ماجتك لحظة الادراك
اسماء:لا
احلام:متى بتسوون الملكه نسيت
اسماء:رابع العيد ملكتي
احلام:اووه مطولين
اسماء:اي هو خطب قالي بس عشان اطمن محد يخطبك وبعدين نسوي الملكه
احلام:محمد طلع مو هين مايببيها تروح من يده
فاطمه:اي تشوفين يع مااتخيل بيتنا بدونك اسماء
اسماء:حتى انا مو متخيله بروح عنكم لاكن وش نسوي سنه الحياه
احلام:الله يوفقك ياحبيبتي وعسى حياتك الجايه كلها سعاده وهنا
اسماء:امين يارب خلاص بنات لاتبكوني ترا تعرفوني ام دميعه انا
أنت تقرأ
ياضحكة الباكر اللي ماتوقعته
Romanceروايتي الاولى✨💜. جعلك بعد كل من جاني وخلاني وجعلك بعد كل من جيته وخليته يااخر محطاتي وياخير خلاني ياضحكه الباكر اللي ماتوقعته حساب الكاتبه انستا(raiixli)
