ياضحكة الباكر اللي ماتوقعته

ياضحكة الباكر اللي ماتوقعته ٥

في بيت عبد الرحمن
مرام:يابنات انا تعبت بنام رتبو البيت قبل تنامون
جنى:ابشري يمه روحي ارتاحي يابعدي
مرام:الله يوفقك ويرضى عليك يابنتي
يوسف دخل غرفته بينام بس مو قادر تفكيره كله ب مها
يوسف: وش ذا الجمال اللي شفته ماتوقعت بشوف كذا بحياتي مدري وش امدح فيها ولا من وين ابدا كامله والكامل الله نزل بياخذ مويه من المطبخ وهو نازل سمع سواليف امجاد وجنى
امجاد بالمطبخ:جنى مالاحظتي مها احلوت بالحيل
جنى:من يومها حلوه
امجاد:ادري بس اليوم مرا تجنن اتوقع لان اول مرا اشوفها لابسه ازرق
يوسف كان واقف عند باب المطبخ ويبتسم من كلامهم دخل واخذ مويا
جنى:اوف انت مانمت للحين
يوسف:بنام وربي خلاص تعبت
جنى:اي والله اليوم تعبت الله يجزاك خير
يوسف:امين اجمعين
في بيت فهد:
مها:بنات احس ودي نسافر اشتقت للبحر
ساره:حتى انا والله لي ثلاث سنين من جبت سامي ماسافرت
عبير:ودي حتى انا لكن ماباقي ع رمضان شيء واختبارات
خلوها بعد العيد افضل
مها:يووه مطولين اجل
ساره:خل نضبط سفره بالعيد نجهز لها من الان
عبير:اي ونكلم جنى وامجاد يجون معنا
ساره:الله عاد صدق بننبسط معهم مرا
مها:ماله داعي نبي احنا بس
عبير:حرام عليك والله يونسون ويضحكون
ساره:منجد ليه ماتبينهم
مها:ابيهم والله بس اقصد العائله فقط احلى
عبير:انا اقول معاهم افضل
ساره:نشوف بعدين ونقرر
سهرو مع بعض وانتهى اليوم الجميل وكل وحده توجهت لسريرها بتنام الا مها مو قادره تعبت من التفكير لين نامت
صباح يوم جديد على ابطالي
بيت عبد الرحمن تحديداً الساعه ١١ الصباح
مرام:قومو يابنات للحين نايمين عسى ماشر
جنى:يمه ربع ساعه بس
مرام:قومي يلا بس الوقت راح
امجاد:قمت يمه قمت
قامت وتوجهت تغسل وجهها ونزلت تحت توجهت عند ابوها حضنته وجلست تسولف معاه
عبد الرحمن:من سوا القهوه امس
امجاد:انا ليه
عبد الرحمن:عمك امس يقول القهوه تجنن تسلم يد اللي سواها
امجاد:يازينه عمي احبه احبه
جنى قامت ونزلت شافته يحضن امجاد ويسولف معاها
جنى:خييير وانا احضني بعد
عبد الرحمن:هلا هلا يحبيبتي تعالي يابوي انتي
توجهت وحضنته وجلسو يسولفون معه
مرام:تعالو يابنات ساعدوني بسوي الغداء
جنى:بدري يمه شفيك
مرام:مو بدري بحطه بعد الصلاه امشي ساعديني
جنى:ابشري جايه
راحو يصلون عبد الرحمن وعياله ورجعو لقو الغداء جاهز وجلسو يتغدون
عبد الرحمن:يوسف يابوي متى دوامك صار لك يومين اشوفك ماتداوم
يوسف:اي اخذت اجازه وبرجع الاثنين
عبد الرحمن:اجازه!!لأيش
يوسف:كذا بس برتاح شوي وانبسط
عبد الرحمن:خل الاجازات للاشياء الضروريه ياولدي
يوسف:ابشر يبه
في بيت فهد
عبير : بروح لصديقاتي بكره ومدري وش البس بنات ساعدوني
مها:ليه وش المناسبه
عبير:وحده انخطبت والبنات مسوين لها حفله بسيطه بشاليه
مها:ماشاء الله خذي لك فستان زين من دولابي
عبير:اعرف اغراضك ماتعجبني ابي شيء حلو
ساره:شرايكم نروح المول اليوم تشترين فستان وانا وانتي مها نتمشى من زمان ماطلعت معكم
مها:تم شرايكم ع المغرب
ساره:تم بكلم امي تنتبه لخلود وسامي
عبير:ترا جنى بتروح معي الحفله قلت لها ابيك تروحين معي قالت طيب
مها:تستهبلين!!وش دخلها فيك
عبير:شفيك تعرف صديقاتي ترا ويعرفونها
مها:اها
عبير:بسألها بتروح معنا المول او لا
دقت على جنى وردت
عبير:الو جنى كيفك
جنى:تمام كيفك انتي
عبير:تمام الحمد لله اسمعي
جنى:هلا
عبير : تروحين معنا المول بشتري فستان وخواتي معي
جنى:اوك بطلب يوسف يجيبني
عبير :تمام يلا نتقابل
مها:وش قالت لك
عبير:تقول بطلب يوسف يجيبني
مها:اهاا اوك
راحو المول وينتظرون جنى توصل قريب البوابه
دخلت جنى وتوجهت لمكانهم
مها:هلاا هلاا
جنى:هلا فيك
توجهو يشوفون فساتين تعجبهم وكل وحده ذوقها اصعب من الثانيه
مها:انا بروح اتقهوى لين تخلصون
ساره: حتى انا بروح معاك
مها:يلا مشينا
نزلو وتوجهو للكوفي ياخذون قهوه مها لفت وجهها لمحل عطورات وانصدمت ان يوسف كان بالمحل
مها:يمه لا اكيد انا مشبهه عليه مستحيل هو
ساره:وش تقولين انتي
مها:لا ولاشيء امشي ناخذ القهوه
يوسف كان يشتري من العطورات لف وجهه وشافهم يوسف:العيون ذي مو غريبه علي لاتكون مها،ياليل خلاص كل شيء عندك مها انت خلاص طلعها من راسك
خلصو البنات واشترو الفستان ومها وساره شربو القهوه وجلسو
عبير:يلا دقي على عمر يجينا
مها:اوك الحين بدق
جنى:بنات يوسف تحت روحو معنا مو لازم يجي عمر
مها:لا ماله داعي نتعبكم معنا
جنى:شدعوه وين التعب امشو بس يلا
عبير:يلا كلميه جنى
جنى دقت على يوسف وقالت له بنات عمي بيجون معنا
يوسف:يلا انتظركم
نزلو البنات وتوجهو للسياره مها كانت شوي وتموت من التوتر والخوف ركبو السياره
يوسف:عسى لقيتي شيء زين ياجنى
جنى:اي الحمد لله لقيت
يوسف:كويس
جنى:حط لنا شيء زين نسمعه
يوسف: تمام
وحط اغنيه محلا اللقى وياك يازين محلاه
مها اول ماسمعت قلبها دق بسرعه وقالت بينها وبين نفسها مستحيل صدفه اكيد سمع لما حطيتها في بيتهم
جنى:الله اعشق هالاغنيه
يوسف:كلنا نعشقها
جنى:يوسف ابغى محل قدام باخذ منه شيء
يوسف:وش بتاخذين
جنى:باخذ لي اكسسوارات بالمول ماعجبني شيء
يوسف:اوك اي محل
جنى:دقيقه احط قوقل ماب