دخلو وراحو يصلون العشاء وتوجهت مها لغرفتها وطلعت اغراض الكرك وحطته عند الباب وارسلت ليوسف:الاغراض عند الباب خذها
يوسف:ابي اخذك انتي كيف
مها ابتسمت وارسلت:لاتكثر كلام خذ الاغراض
يوسف:تمام جاي
مها حطت الاغراض ودخلت صلت العشاء وراحت للبنات وارسل يوسف:خالد جاب لك كرك خذيه
مها:يوسف شفيك ليه ماسويت للكل
يوسف:مالي دخل بالباقي سويت لك انتي بس
مها:يوسف كلهم جالسين عندي شفيك
يوسف:عادي خالد بيقول ذا حقي خذيه
مها:ماراح اخذه سو للكل
يوسف:من عيوني اوامر ثانيه استاذه مها
مها:لا
يوسف سوا للبنات كلهم وارسلها بحطه ع الباب تعالي خذيه
مها:حطه وروح انا اجي اخذه
يوسف:اوك
طبعاً واقف قريب الباب ماراح
مها طلعت وفتحت الباب واخذته وشعرها كان مفتوح وعليها فروته يوسف من لمح فروته عليها وشعرها ابتسم وتنهد ودخل
مها:خالد يقول سوينا لكم كرك معنا
امجاد:الله يازينه خالد
مها:اي والله
احلام:الله طعمه يجنن
امجاد:منجد مرا لذيذ
مها اخذت حقها وقعدت تشرب وصورت الكوب مع فروته وكتبت:تسلم يدك مااحب الكرك مرا بس هذا غير
يوسف:الله يسلمك،جعله عافيه
مها:الله يعافيك
كملو سوالف ولعب البنات وتعشو وكملو السهره الساعه ٢:٠٠
فاطمه:احس فيني نوم
مها:اما بدري
فاطمه:صاحيه من بدري انا
مها:ادخلي نامي طيب
احلام:حتى انا بنام
جنى:احس حتى انا صدعت
مها:روحو نامو بنات اذا فيكم نوم
امجاد:وانتي
مها:لا انا بجلس للفجر
امجاد:لحالك؟
مها:اي عادي الجو حلو وبجلس على جوالي
امجاد:تمام يلا تصبحون على خير
مها:وانتي من اهله
دخلو البنات بينامون الا مها جالسه ع الجوال وتاكل من الكوكيز ومااستوعب بعدين الا الساعه ٤:٠٠ دخلت داخل والكل كان نايم الا جنى كانت ع الجوال
مها:انتي للحين مانمتي
جنى:لا لسى شويات وبنام
مها رجعت للحوش واخذت الفروه ولبستها وقعدت تفكر وتلعب بشعرها جاها اشعار من يوسف وفتحته كاتب لها:نمتي؟
مها:لا
يوسف:فروتي معاك؟
مها:لا
يوسف:وينها
مها:داخل
يوسف:جيبيها لي بردت مرا
مها:اوك تعال ع الباب
يوسف:جايك
مها نزلت الفروه وراحت ع الباب تعطيها يوسف
يوسف:شكراً
مها:العفو
يوسف لبسها وشم ريحة عطرها مع عطره ع الفروه ابتسم وطول الليل حاضن الفروه ويشمها
مها استوعبت انها حطت عطر ع الفروه:ياويلي شفيني نسيت انها له الحين بيشم الريحه
يوسف:ماراح اغسلها سنه قدام
مها:اسفه اخذتها بدون مااستأذن بس ترا جنى هي اللي جابتها
يوسف:تتأسفين على ايش؟انا كلي لك مو بس فروتي
مها:يوسف!
يوسف:شفيك؟
مها:مدري
يوسف:مها
مها:هلا
يوسف:احبك
مها ارتبكت وقفلت الجوال ومو مستوعبه الكلمه دخلت داخل وغسلت وجهها وقعدت تنتظر الاذان عشان تصلي وتنام
يوسف:انا وش قلت شفيني كذا اعترفت بسرعه اه منك يامها
أنت تقرأ
ياضحكة الباكر اللي ماتوقعته
Romanceروايتي الاولى✨💜. جعلك بعد كل من جاني وخلاني وجعلك بعد كل من جيته وخليته يااخر محطاتي وياخير خلاني ياضحكه الباكر اللي ماتوقعته حساب الكاتبه انستا(raiixli)
