ياضحكة الباكر اللي ماتوقعته

ياضحكة الباكر اللي ماتوقعته ٤٤

يوسف نزل مع الدرج ومبسوط والابتسامه شاقه وجهه
جنى:بسم الله شفيه ذا
امجاد:مدري شعنده مبسوط اليوم وش صاير
يوسف:كل شيء صار مثل ماابي خلاص احسني بطير
جنى:وش تقول انت شسالفه
امجاد:الحمد لله والشكر شفيه ذا
مرام نزلت:لاتلومونه مبسوط اخذ اللي يبيها
جنى:وش
امجاد:امي ترا مو فاهمين شيء تكلمي
مرام:خطبنا له اللي يبيها
جنى:خطب؟بسم الله متى ووين
مرام:خطب مها بنت عمه
امجاد:مهااااا!!!!!!صادقه يمه
مرام:اي
جنى:بسم الله دقيقه خلوني استوعب صدعت
يوسف:اخذتها واخيييييراً وصارت لي
امجاد:كيف عرفتها انت ووش السرعه ذي
يوسف:اعرفها من زمان وترا طفولتي كلها معها وشفتها مرا واحبها وابيها والحمد لله كلمناهم ووافقو بس باقي نروح لهم
امجاد:تحبها؟لا لا اليوم اقوى صدمه جتني بحياتي
يوسف:اي احبها واعشقها بعد شفيكم مستغربين
امجاد قامت وحضنته:ماني مستوعبه عاد مها اموت فيها وياحظك فيها صدق الله يوفقك ويسعدك
جنى بكت وقامت حضنته وماقدرت تتكلم من الصياح حضنها يوسف بقوه وقالت:ماني متخيله انك بتكون عريس ياحظها صدق وياحظك فيها
يوسف دمع وقال:يابعدي انتو الله يخليكم لي ولايحرمني منكم
مر الوقت بسرعه والكل كلن مبسوط وسعيد
الساعه ٢:٠٠ دق يوسف على مها:سلام
مها:وعليكم السلام
يوسف:كيفك
مها:كيف بكون سعييييده ومبسوطه وفرحانه واحس اني ملكت الدنيا كلها
يوسف:يابعد روحي والله انه اجمل يوم في حياتي اخيراً بتصيرين لي وحلالي
مها:اخييراً يايوسف اخيراً
يوسف:اوعدك ماخليك تندمين على هالقرار واخليك اسعد انسانه بالدنيا
مها:واوعدك اخليك اسعد رجل بالدنيا
يوسف:والله الكلام كثير ومدري كيف اعبر واتكلم لاكن انا وعدتك وكنت قد الوعد يااجمل وانقى انسانه بالدنيا مو مستوعب ان فيه بالحياه شخص كذا بالحلاوه والادب والاخلاق هذي
مها:احبك وببقى احبك طول عمري
يوسف:والله لااحبك لاخر نفس واخليك اسعد امرأه بالدنيا
مر يوم وتوجهو لبيت فهد والكل كان فرحان ومبسوطين
فهد:يامرحبا والله
عبد الرحمن:ياهلاا
فهد:حياكم حياكم
دخلو الرجال المجلس وكان فيه عبد الله ومحمد وعمر ويوسف ووليد وعبد الرحمن وفهد
وتمت الخطوبه على خير واخذو الموافقه من مها
حضنو مها كلهم وباركو لها وكانو ب قمة سعادتهم وفرحتهم وانتهى اليوم الجميل
بعد مرور اربع ايام:
ساره وعبير اخذو شاليه وماعلمو مها وقالو لها امشي معنا بنروح المول ناقصتنا اغراض وطلعو وتوجهو للشاليه ومها كانت ماتدري وش السالفه دخلو داخل وانصدمت مها بالترتيب
وكانو حاطين حبل وجنبه مقص ومكتوب ع الحبل اقطعي حبل العزوبيه ابتسمت وقصت الحبل وتوجهو قدام شوي مكتوب البسي طرحتك ياعروسه ولبستها وتقدمت شوي وكان مكتوب افتحي الورقه وطلعي الشمعه واشعليها ع الكيكه واخذت الشمعه وحطتها ع الكيكه وعبير تصور كل شيء واخر شيء كان مكتوب تعهد ولازم توقع عليه والشروط من ضمنها انها ماتتركهم وانها تزورهم دايم وانها ماتسحب عليهم وماتخلي وقتها كله ليوسف
ابتسمت وقالت:والله مااسحب عليكم يابعد الدنيا انتو
قعدو يرقصون ويتقهوون ويسولفون ويستغلون اللحظات الحلوه هذي قبل الزواج
بعد مرور شهر وتحديداً ملكة مها ويوسف💜💜:
الساعه ٣:٠٠ مساءً
طلعو ساره وعبير ومها ع الصالون ووصلو وكل وحده بدت بالميكب والشعر
ساره وعبير خلصو ونزلو يتقهوون ويقعدون ينتظرون مها تحت
خلصت مها ونزلت عندهم
ساره:يااجمل عروس بالحيااه الله يوفقك
مها:ياروحي انتي امين
عبير:بسم الله عليك ياعروسة قلبي انتي
مها:يابعدي انتو بنات الساعه كم
ساره:٦:٠٠
مها:اوف المصورات بيكونون هناك ٧:٠٠ لازم نطلع الحين
ساره:يلا عمر تحت امشو
عبير:امي متى بتجي
ساره:امي وابوي بعد المغرب بيجون
عبير:تمام
نزلو وركبو السياره وكانت مها قدام وحط عمر(اوعي تنسي ان انا حضنك سرك اخوكِ سندك ظهرك)ومسك يدها وعينه مدمعه
مها دمعت:لاتخلوني ابكي ترا الميكب بيخرب
عمر:الله يوفقك ويسعدك
مها:امين ياحبيبي عقبالك
عمر:يارب
توجهو للشاليه ووصلو ودخلت مها تلبس فستانها وكانت عبير معها تساعدها
مها:كيف بالله
عبير:تجننين والله ياحظك يايوسف بس
مها:عطيني المسكه عندك
عبير:سمي
دخلت ساره وشافت مها بفستانها البيج ومسكتها والميكب والشعر:استودعتك الله الله يتمم لك فرحتك على خير
مها:امين ياعيوني
جلست مها وكان التوتر عندها مليون شربت مويا وقعدت تستوعب ان شوي ويجي يوسف
بعد مرور ساعتين جاء يوسف ودخلو البنات الغرفه وقفلوها وكانت مها لحالها بالغرفه والمصورات حولها
دخل وتوجه جنبها وكانت الدمعه بعينه ومبتسم وهمس:سلام
مها:وعليكم السلام
المصورات نبدا ياحلوين؟
يوسف مسك يدها وباس راسها وقال:كان حلمي ذا اللقى اخيراً انتي الحين قدامي وصرتي لي
مها ابتسمت ونزلت راسها
المصوره:يلا نبدا ولا مطولين
يوسف:ابدي ابدي
المصوره:تمام ياعروسه ركزي معاي وكل مااقولك شيء سويه
مها:تمام
مر الوقت وصورو وقعدو ع الكوشه ويدها بيده وطول الوقت مبتسمين ومو مصدقين هاللحظه اللي عايشينها
دخلت مرام وتوجهت لمها:الله يوفقك يابنيتي ويسعدك وباست راسها
مها:ياحبيبتي امين يارب
دخلو البنات
جنى:ماشاء الله تبارك الله ابهرتيني بطلتك
امجاد:اذا مو اجمل عروسه انا مااعرف شيء
مها:ياروحي انتو
حضنتهم وقعدو حولها يصورون ويرقصون معها
يوسف كان طول الوقت يتأمل ومو مركز بشيء
مر الوقت وطلع يوسف راح للرجال وبدو يجون الحريم ويرقصون ويسولفون