ياضحكة الباكر اللي ماتوقعته

ياضحكة الباكر اللي ماتوقعته ٧

فاطمه:يعني خلاص بصير خاله قريب الله
احلام:شفيك مستعجله انتي بدري بدري
بعد مرور ٢٥ يوم وتحديداً بيت فهد الساعه ١ الظهر:
فهد:اليوم عمكم فاضل جاي وبيجلس معنا رمضان كله وبيعيد معنا ان شاء الله
عبير:صدق يبه؟
فهد:اي صدق يابنيتي
مها:يووه اخر مرا شفتهم عيد الاضحى
عبير:منجد مرا من زمان عنهم
هدى:اشتقت لهم بالحيل وبحطهم بعيوني
فهد:داري والله انك ماتقصرين الله يسعدك
هدى:ويسعدك يارب
جو محمد وعمر يجلسون
مها:محمد خطيبتك جايه
محمد:مين قالك
مها:ابوي يقول عمي فاضل وبناته بيجون ويقضون رمضان والعيد هنا
محمد:اها حلو
عبير:مسوي مو مهتهم وهو بيطير من الفرحه
عمر:اي يخفي مشاعره قدامكم ترا
مها:ياحليلها اسماء تجنن والله
عمر:اذكرها بزر كانت عصبيه وماتحب احد يكلمها
محمد عطاه ذيك النظره غير الموضوع حبيبي
مها:وييع ويغار بعد
عبير:ابوي متى بيجون
فهد:امكن العصر يابنيتي بس اليوم بيكونون مشغولين بالترتيب بكره القهوه عندنا عمك فاضل وعبد الرحمن بيجون
مها:صدق الله يحييهم والله
فهد:اي من بدري ابيكم ترتبون البيت وتضبطون كل شيء
مها:ابشر يبه لاتشيل هم
فهد: الله يبشرك بالجنه يابنيتي
الساعه ١٠:٠٠ بالليل مها وعبير جالسين بغرفة مها
مها:وش البس بكره فستان ولا جينز احس محتاره
عبير:اي شيء عادي
مها:من زمان عنهم يابنت احس مستحيه مرا وخطيبة محمد جايه لازم البس شيء زين
عبير:البسي جينز وتيشيرت ابيض عليك حلو
مها:وانتي وش بتلبسين
عبير:بلبس فستاني البني
مها:حلو المهم لازم ننام بدري لان من الظهر بنكون صاحين نشتغل
عبير:اي متى بتنامين انتي؟
مها:على ١ كذا بس الحين بخلي عمر يجيب الاغرض اللي نحتاجها
عبير:وش بتقولين له يجيب
مها:اشياء للقهوه والشاي ويجيب قهوه لنا احنا بنسويها اخر الليل ونجلس بالحوش مع البنات
عبير:تمام حلو يلا بروح غرفتي شويات وبنام
مها:تمام نوم العوافي
عبير:الله يعافيك
مها كتبت الاغراض لعمر يجيبها وطلعت لبسها حطته ع جنب وتوجهت لسريرها بتنام
فتحت جوالها تطقطق فيه شوي وشافت امجاد منزله سناب مصوره يوسف ومنزله رد وحده كاتبه لها ماشاء الله وش هالجمال اللي بأخوك
مها تنرفزت من كلمتها وقالت بينها وبين نفسها وجع وش تبي ذي بعدين ليه تنزل صورته امجاد وقعدت تعيد السنابه اكثر من مرا ومو قادره تطلع
مها:يمه شفيني انا علقت كذا ع الصوره اوك صح حلو بس مو لهدرجه يامها بعدين ليه تنرفزت من كلمتها انا شصاير فيني اوف ياربي
قفلت جوالها ونامت
صباح يوم جديد على ابطالي:
بيت عبد الرحمن
يوسف:صباح الخير يمه
مرام:صباح النور ياوليدي اي هذا الصباح الزين اللي يبدا بوجهك
يوسف:يابعد حيي انتي
جنى:اشوفك تتغزلين فيه كثير
يوسف:وش تبين خلينا روحي لابوي يتغزل فيك
جنى:امس صورتك اللي نزلتها كل البنات يقولون اخوك طلع مزيون وكل بنات عمي شافوها 
يوسف:بسم الله علي
جنى:يع الحين يشوف نفسه علينا
يوسف:لا ماني كذا انا
جنى:يمه متى بنروح بيت عمي
مرام:ع المغرب يابنيتي
جنى:اوك
يوسف:يمه بروح افطر واروح المغسله اكوي ثوبي واحلق
مرام:شفيك تراها عزيمه عاديه حسستني ملكتك
يوسف:يمه من زمان عن عمي فاضل وبعدين عيال عمي كلهم بيكونون فيه
مرام:زين روح الحين بجيب الفطور
جنى:امجاد وش البس
امجاد:فستانك الاسود حلو
جنى:طيب اسمعي في كوكيز طعمه حلو شرايك ناخذ منه معانا
امجاد:تم بس مااحبه مرا انا
جنى:وربي يجنن وبنات عمي يحبونه مها مرا تعشقه
يوسف كان جالس ويسمع كلامهم قال:وين مكانه الكوكيز ذا
جنى:قريب من بيت عمي
يوسف:تم على حسابي بعد
جنى:كفو والله اي هذا الاخ الصح
يوسف بقلبه:عشان مها مو عشانكم ههههههههه
افطرو وخلصو وقعدو يسولفون اذن العصر
عبد الرحمن:بروح اصلي وامر جاري اسلم عليه من زمان عنه
امجاد:وانا وجنى بنتجهز ونلبس
يوسف انا جاهز بجلس على جوالي لين تخلصون
مرام:تمام ياوليدي انا بروح اخذ لي شور والبس
في بيت فهد:
مها:يمه انا خلصت الترتيب وسويت القهوه بطلع اتجهز
عبير:وانا بعد خلصت سويت الشاي ورتبت مجلس الرجال
هدى:تمام الله يعطيكم العافيه روحو تجهزو
طلعو البنات وتوجهو غرفهم يتجهزون
مها اخذت شور ولبست الجينز وتيشيرتها الابيض وسوت شعرها ستريك وجلست تحط ميكب خفيف وتسمع اغنيه راشد اللي صارت قريبه لقلبها من بعد مايوسف حطها(ليش تغري عيوني بالحلى والجمال)
دخلت عبير:مها للحين ماخلصتي
مها:باقي لي روج ومسكرا واخلص
عبير:ببخر البيت وانتظرك تحت يلا
مها:تمام سكري الباب شويات واجيك
عبير وهي طالعه ركزت بالاغنيه ورجعت:مها مو ذي الاغنيه اللي حطيناها مع جنى
مها:مدري مااتوقع
عبير:الا هي حطها يوسف
مها:اما ماانتبهت
عبير:مها لااصيدك
مها:شفيك انتي ترا احب راشد من قبل يوسف وجنى
عبير:اي صدقنا امشي بس
مها ارتبكت وقعدت تناظر بالمرايه وتكلم نفسها:ياربي وش هالحاله يارب اشوف اليوم بالصدفه يارب
بيت فاضل:
فاضل:خلصتو يابنات يلا بيأذن المغرب
اسماء:اي خلصت يابوي بس البنات باقي لهم شوي عشر دقايق ويجهزون
فاضل:الله يهديهم دايم يأخروني
اسماء:معليه يبه يجون الحين
فاطمه واحلام بالغرفه:
فاطمه:احلام اسمعي احس اني متوتره
احلام:ليه
فاطمه:مدري ياخي فيني رهاب اجتماعي
احلام:معليك معنا ادخلي معي
فاطمه:يلا انا خلصت وش باقي لك انتي؟
احلام:خلاص بحط روج والبس عباتي
فاطمه:يلا بنزل ننتظرك تحت
احلام:اوك
بيت عبد الرحمن:
يلا يابنات امشو
جنى:ابوي بنروح مع يوسف روح انت وامي واحنا نلحقكم
عبد الرحمن:اجل يلا امشي يامرام يجون مع اخوهم
مرام:يلا جايه
يوسف:انا انتظركم بالسياره
جنى:اوك يلا بنادي امجاد
جنى:امجاااد يوسف طلع امشي بسرعه
امجاد:دقيقه باقي لي ايلاينر ماحطيت
جنى:تعالي احط لك بسرعه
امجاد:يلا ياويلك تخربينه
جنى:معليك اعرف
يوسف يدق على جنى:الووو بسرعه وينكم
جنى:دقيقه ياخي انتظر
يوسف:ترا بسحب عليكم
جنى:ياويلك والله اعلم ابوي
يوسف:مسويه تهددين امشي بسرعه
جنى:يلا جايين اسمع اغنيتك لين نجي
يوسف شغل اغنيته ومبسوط انه رايح بيت عمه فهد اللي بنته اخذت قلبه ويدعي انه يشوفها صدفه
جنى:جييينا يلا
يوسف:صراحه بدري
جنى:امش يلا ورانا مشوار
ركبو وتوجهو لمحل الحلى ياخذون الكوكيز ويوسف كلن مروق ويرقص على الاغاني
امجاد:شعندك اليوم مبسوط
يوسف:شفيك كل يوم مبسوط الحمد لله
جنى:لا اليوم بزياده
يوسف:احب بيت عمي فهد وعياله فله ياخي مو مثل عمي فاضل مانشوفهم الا بالسنه مرا وعلاقتنا رسميه
جنى:صدقت والله عاد بنات عمي فهد يونسون
امجاد:منجد ياحلوهم تتوقعين مها شصار على اختبارات الجامعه حقتنا
يوسف فز من سمع اسمها وحاول يخفي ابتسامته وقلبه يدق بسرعه
جنى:ماشاء الله عليها مها اكيد انها جلدت الاختبارات
امجاد:لاتنسون المحل مع السواليف
يوسف:انساك ولاانساه
جنى:اوفف
امجاد:وجع شفيك عاد اول مرا بحياتك تاخذ كوكيز مسوي انه تحبه
يوسف:مرا اخذت مع اصحابي وعجبني صراحه
وصلو المحل واخذو الكوكيز وتوجهو لبيت فهد وصلو وان فهد وعياله ع الباب يرحبون فيهم نزلو البنات سلمو على عمهم ودخلو داخل والعيال توجهو للمجلس
مها:هلا توه ينور بيتنا
جنى:هلافيك ياحلوه منور بوجودك
مها:تفضلو تفضلو حياكم الله
امجاد وجنى حطو الكيس ع الطاوله وتوجهو للغرفه
مها اخذت الكيس وطلعت الكوكيز وانبسطت دخلته داخل وقعدت تقهوي الحريم وتسولف معهم شويات ووصل عمهم فاضل
عبير:وصل عمي فاضل وبناته
مها قامت وراحت ع الباب مع امها ترحب فيهم
دخلت امهم وسلمت وبعدها اسماء دخلت:هلا بعمتي كيفك اخبارك
هدى:هلا فيك بخير ياروحي كيفك انتي
اسماء:بخير الحمد لله
مها:هلا هلا وحشتيني يااسماء
اسماء:والله انتي وحشتيني اكثر وش هالحلاوه يابنت
مها:انتي الحلوه والله تفضلو تفضلو
فاطمه واحلام وامهم دخلو الغرفه وجلسو وراحت اسماء تعدل الميكب ع المرايه
مها:وينكم مانشوفكم
فاطمه:والله ياروحي تعرفين المدارس والحوسه مانقدر فرصتنا الوحيده بالعيد
احلام:اي والله بس الحمد لله رمضان ذا بنقضيه معاكم
مها:يابختنا والله ان ماشالتكم الدار تشيلكم عيوننا
اسماء:تسلم عيونك ياروحي
بمجلس الرجال:
فاضل والله اني اشتقت لجلسة اخواني وعيالهم
يوسف:والله ياعمي حنا اشتقنا لكم اكثر
عبد الرحمن:عاد نبي رمضان ذا نعيشه كلنا كل يوم الفطور عند واحد
فهد:والله تم انا ماعندي مشكله
فاضل:لاتكلفون على نفسكم انا اقول كل بعد ثلاث ايام عند واحد عشان مايكون في ضغط يومياً على الحريم
عبد الرحمن:تم ماعندكم مشكله اهم شيء نجتمع
يوسف وعمار يسولفون جنب بعض
عمار:مو مصدق رمضان كذا بكون هنا احس تعودت على الرياض وجوها
يوسف:معليك تتعود حتى هنا ترا اجواء الخبر برمضان غير
عمار:مدري ياخ واصحابي كلهم هناك